مطلوب ميجان2 او ستروينc4 او دايو ليجانزا فورااااا

**egyption88** · 25-11-2012 04:30 AM

زي ما مكتوب في العنونان يا جماعة انا بدور على عربية من الثلاثة دول و جاهز للشراء فورا

ميجان من 2004-2006

ستروين c4 من 2005-2006

ليجانزا من 2001-2004

تكون اوتوماتيك وبحالة جيدة

الرد هنا عالموقع او عالميل دا egyption.revolution@gmail.com

**Mamoud salah H** · 25-11-2012 06:04 PM

معايا ميجان 2 2006 بس مانيوال لو حابب ر عليا

**Adham** · 18-12-2012 11:12 AM

معلش بدون زعل لو حضرتك جديد في العربيات يعني اول عربية مثلا او بتشتري عربية للاسرة و معندكش سابق خبرة كويسة في العربيات بلاش من التلات موديلات دول الا بعد دراسة و استشارة من حد خبرتة كبيرة

التلاتة مشاكلهم كتير و مصاريفهم عالية جدا و اعطالهم رخمه و مش سهل صيانتهم و لا بيعهم كمان

**samyyousef** · 18-12-2012 12:38 PM

اعتقد المعروض من الميجان و السيتروين اكتر من الليجانزا بالذات 2004

**HOSSAM99** · 18-12-2012 12:44 PM

المشاركة الأصلية كتبت بواسطة adham

معلش بدون زعل لو حضرتك جديد في العربيات يعني اول عربية مثلا او بتشتري عربية للاسرة و معندكش سابق خبرة كويسة في العربيات بلاش من التلات موديلات دول الا بعد دراسة و استشارة من حد خبرتة كبيرة

التلاتة مشاكلهم كتير و مصاريفهم عالية جدا و اعطالهم رخمه و مش سهل صيانتهم و لا بيعهم كمان

بالنسبه للستروين الـc4 يا ريت أعرف مشاكلها أيه و أسعار قطع غيارها

**Adham** · 19-12-2012 09:51 AM

المشاركة الأصلية كتبت بواسطة hossam99

بالنسبه للستروين الـc4 يا ريت أعرف مشاكلها أيه و أسعار قطع غيارها

علشان تسمع الكلام المظبوط شوف في صفحه الستروين و اسمع من اللي راكبين العربية نفسها المعلومة الصح, و عايز تسمع صح الصح, انزل محل قطع غيار بيبيع ستروين الموديل دة و اسألة سعر سير الكاتينة و تيل الفرامل و الطنابير و طلمبة المياة و الفانوس الامامي و الخلفي و شوية حاجاة اساسية كدة و شوف تمنها كام, خلي بالك ان اي بتاع قطع غيار مصلحتة يبيع يعني ممكن يقولك فية تايواني مثلا او كوري بكذا و العربية حاجتها موجودة و رخيصة و لما تشتريها و تنزللة تلاقي الدنيا اتغيرت, اسأل كذا واحد وماتوقلش انك بتسأل علشان عايز تشتري عربية لسة, اانما قول عربية بتشدها بالفعل و اسمع, و ربنا يوفقك

**HOSSAM99** · 19-12-2012 02:06 PM

المشاركة الأصلية كتبت بواسطة adham

علشان تسمع الكلام المظبوط شوف في صفحه الستروين و اسمع من اللي راكبين العربية نفسها المعلومة الصح, و عايز تسمع صح الصح, انزل محل قطع غيار بيبيع ستروين الموديل دة و اسألة سعر سير الكاتينة و تيل الفرامل و الطنابير و طلمبة المياة و الفانوس الامامي و الخلفي و شوية حاجاة اساسية كدة و شوف تمنها كام, خلي بالك ان اي بتاع قطع غيار مصلحتة يبيع يعني ممكن يقولك فية تايواني مثلا او كوري بكذا و العربية حاجتها موجودة و رخيصة و لما تشتريها و تنزلله تلاقي الدنيا اتغيرت, اسأل كذا واحد وماتوقلش انك بتسأل علشان عايز تشتري عربية لسة, اانما قول عربية بتشدها بالفعل و اسمع, و ربنا يوفقك

هو حضرتك مش معاك العربيه أو جربتها !! و لا تعرف سعر قطع الغيار حتي ؟!!

**egyption88** · 20-12-2012 03:14 AM

متشكر جداااااااااا يا جماعة على اهتمامكم ونصايحكم الغالية وبصراحة خوف الاعضاء على بعض هنا في المنتدى حاجة راقية جداا...
واطمن يا استاذ ادهم دي مش اول عربية ليا وليا خبرة يعني متواضعة على قدي في العربيات ومشاكلها وبدرس العربية كويس جداا قبل ما افكر فيها وبكون عارف عالاقل 90% من مشاكلها وحضرتك معاك حق في كل كلامك استثني منه بس اسعار قطع غيار الليجانزا فا هي مش غالية خالص عالاقل هنا في القاهرة عندي وحاجتها متوفرة بنسبة كبيرة اوي
وانا ليا دماغ عجيبة شوية في موضوع العربيات..بحب اركب عربية مميزة حتى لو هتتعبني شوية في مصاريفها او اعطالها وكدا بس ابقى جربت تكنولوجيا حلوة مثلا زي الميجان وال سي 4 او فخامة وكلاسيكية زي الليجانزا
والحمد لله ربنا وفقني في عربية ليجانزا و بشدها حاليا ومحتاج دعواتكم ليا ربنا يباركلي فيها