الموضوع: خبر مش حلو للى بيحط بنزين 95

السلام عليكم و رحمه الله وبركاته

خبر غير سار بالمره للناس إلى معايا TSI للاسف الشديد ابتداء من النهارده الدعم اتشال من ال 95 و اللتر دلوقتى بقى 5.85 قرش يعنى ال 50 لتر تمنهم بدل ما كان 137.5 بقى 292.5 و مش هنقول غير كلمه واحده

حسبــى الله و نعم الوكيل و ربنا ينتقم من إلى طلع بالقرار ده

المشاركة الأصلية كتبت بواسطة ahmed.ali

هي حضرتك شايف ان مشتخدمي بنزين 95 من مستحقي الدعم لدرجه الحسبنه علي الي اخد القرار انا شخصيا شايف ان محدش من الي معاه عربيات غير فئه قليله تستحق الدعم و الي يتستحقه الفلاح و العامل و الناس الي مش لاقيه تاكل

فيه حضرتك عربيات عادية زى الفيات فيها مواتير تيربو وبتحتاج 95

طبعا رقم مبالغ فيه جدا و ربنا يكون فى عون أصحاب العربيات اللى بتحط ٩٥ ...لو عملوا مواصلات آدميه محترمه الناس مش هتحتاج سيارات او هيبقى استخدامها فى أضيق الحدود كما يحدث بالخارج و ساعتها يبقوا يشيلوا الدعم براحتهم طالما هناك بديل محترم و كمان لو عملوا مشاريع و اهتموا بالاقتصاد هتدور عجله الإنتاج و هيبقى فيه دخل تعتمد عليه الدوله بدل ما هى بتعتمد على رفع الاسعار وزياده الأعباء على المواطن اللى هتبقى حاجه عامله زى البنج إذا لم توظف الفلوس اللى بيلموها فى عمل مشروعات للتنمية لانها شويه و هتروح فى الكلام الفارغ و يدوروا على غيرها بحيله جديده و المواطن يطلع عينه

المشاركة الأصلية كتبت بواسطة ahmed.ali

هي حضرتك شايف ان مشتخدمي بنزين 95 من مستحقي الدعم لدرجه الحسبنه علي الي اخد القرار انا شخصيا شايف ان محدش من الي معاه عربيات غير فئه قليله تستحق الدعم و الي يتستحقه الفلاح و العامل و الناس الي مش لاقيه تاكل

يا فندم العربيه مش لازم يكون تمنها مليون جنيه علشان تحط بنزين 95 بمعنى اوضح حضرتك الشركات المصنعه دلوقتى للعربيات بتصنع مواتير العربيات كلها بسعه لتريه قليله و يحط فيها تربو و التربو معدل الانضغاط بتاعه عالى فلازم يتحطلوا بنزين 95 و يا اما الموتور هيسقف و هتقلل من عمره و فى عربيات بتبوظ اصلا دى حاجه الحاجه التانيه ..... حضرتك بتقول إلى يستحق الدعم العامل و الفلاح والناس إلى مش لاقيه تاكل و انا مع حضرتك فى النقطه دى بس السؤال هنا الضرائب إلى الناس بتتدفعها دى بتروح فين ... الجمارك بتاعه العربيات إلى احنا بندفع فيها تمن العربيه 3 مرات الفلوس دى بتروح فين و تالت حاجه رفع الدعم من على ال 95 دى البدايه لان بعد كده هيترفع عن الباقى او يطبقوا نظام الكوبونات إلى تحدد كميه معرفش 5 لتر فى اليوم و ده مش هينفع لناس معينه و انا اولهم ان انا من الزقازيق و شغلى انا ووالدى فى القاهره و بنسافر يوميـــــــــا فحضرتك القرارات إلى زى دى لازم تتدرس كويس قبل ما تتنفذ

المشاركة الأصلية كتبت بواسطة yasser selim

يسعدني خبر إلغاء الدعم على البنزين ولكنني عندي مشكلة، فإنني لا أتلقى من الدولة خدمات محترمة ... طرق غير سليمة ورعاية صحية سيئة وتعليم متدني للغاية كل شئ سيئ فماذا تفعل الدولة بالضرائب التي أدفعها.

و انا مع حضرتك هما عايزين يعملوا زى بره فإلغاء الدعم و خلاص و مشفوش الشوارع هناك عامله ازاى و مشفوش المواصلات هناك عامله ازاى إلى تخلى الواحد راكن عربيته فى البيت

المشاركة الأصلية كتبت بواسطة mohamedgobran

يا فندم العربيه مش لازم يكون تمنها مليون جنيه علشان تحط بنزين 95 بمعنى اوضح حضرتك الشركات المصنعه دلوقتى للعربيات بتصنع مواتير العربيات كلها بسعه لتريه قليله و يحط فيها تربو و التربو معدل الانضغاط بتاعه عالى فلازم يتحطلوا بنزين 95 و يا اما الموتور هيسقف و هتقلل من عمره و فى عربيات بتبوظ اصلا دى حاجه الحاجه التانيه ..... حضرتك بتقول إلى يستحق الدعم العامل و الفلاح والناس إلى مش لاقيه تاكل و انا مع حضرتك فى النقطه دى بس السؤال هنا الضرائب إلى الناس بتتدفعها دى بتروح فين ... الجمارك بتاعه العربيات إلى احنا بندفع فيها تمن العربيه 3 مرات الفلوس دى بتروح فين و تالت حاجه رفع الدعم من على ال 95 دى البدايه لان بعد كده هيترفع عن الباقى او يطبقوا نظام الكوبونات إلى تحدد كميه معرفش 5 لتر فى اليوم و ده مش هينفع لناس معينه و انا اولهم ان انا من الزقازيق و شغلى انا ووالدى فى القاهره و بنسافر يوميـــــــــا فحضرتك القرارات إلى زى دى لازم تتدرس كويس قبل ما تتنفذ



و انا مع حضرتك هما عايزين يعملوا زى بره فإلغاء الدعم و خلاص و مشفوش الشوارع هناك عامله ازاى و مشفوش المواصلات هناك عامله ازاى إلى تخلى الواحد راكن عربيته فى البيت

يا جماعة الخير إحنا في مصر بندفع كل شيء بالغالي والناس مش واخده بالها، ومرتباتنا مهينة حتى أجور العمالة مهينة مقارنة الخارج، ودلوقت عايزين يشيلوا الدعم ... بلا نيلة ... مصر يا جماعة الخير دولة فاشلة ليس اكثر، والله أنا مش بشتم بس هي كدة بالمعايير العالمية دولة فاشلة فاشلة! وعلى فكرة هما مش هشيلو دعم الخبز عارفين ليه، لأن الوسطاء في وزارة التموين مستفيدين من هذا الدعم، وليس لأنه مفيد للفقراء. أنا بالفعل يسعدني أن أعامل بالأسعار العالمية ولكن لننظر مثلا في مجال السيارات، سعر السيارة مبالغ فيه للغاية إذا ما قورن بالسعر في الخارج. ندفع أضعاف أضعاف ما يدفع بالخارج ... حرام كدة والله دا احنا حاسين إن احنا بقر بنتحلب...