يا جماعة هل موتور Si بيتعمله عمرة ؟ وتكلفتها كام ؟

**goofy301** · 13-07-2008 09:19 PM

الى خبراء الهوندا اريد معرفة بعد كام كيلومتر تقريبا احتاج اعمل عمرة للموتور ال Si مع العلم انه عامل حوالى 130000كم وتكلفتها كام ............ولا تغييره احسن وبعد كام كم اغير الموتور....واسقط موتور ايه بالظبط....وشكراً

**mohamed ibiza** · 13-07-2008 09:33 PM

معلش يا باشا بس سؤالك نفسه انت سألته بطريقة خاطئة اقولك ليه.....

العمرة ملهاش علاقة بالكيلو متر ممكن واحد عربيته عاملة 50 الف و تلاقيه بيعمر او بيعمل شنبر ن الفحت في الموتور و ممكن واحد زيي كده عربيته عاملة 395,300 كيلو و معملش عمرة او شنبر عشان العربية بتشتغل مع فحت و ردم بسيط ممكن واحد عربيته عاملة 800 الف و معملش عمرة عشان بيشمها او بمعني اصح محسوك فيها فهمت قصدي...
اما 130 الف رقم صغير جدا علي العمرة يعني و العمرة بتتعمل لما موتورك يجيب دخان ابيض من ورا او الموتور يخف بمعني ال البساتم تبقي بتلوء علي الشمايز و خلاص الموتور بيفيص و محتاج يتشد

عموما العمرة دلوقتي بتكلف كتير لانك بتغير بساتم و تخرط شمايز و بالمرة طقم صابات و شنابر حوار كبير يعني فالكل بيتجه لتسقيط موتور كبسه عالي عشان يبقي دفع نفس التمين بس يبقي معاه موتور اقوي و احسن و لما تتعب لو حبيت تسقط ممكن تسقطلها نفس الموتور او تسقطلها اي موتور تاني يتناسب مع مقاسات و مواصفات عربيتك

**mshamy** · 13-07-2008 10:09 PM

بالظبط كده
محمد ابيزا رده وافي و شامل ....مواتير الهوندا الأصل فيها الخدمة الشاقه و خصوصا المواتير الأثنين كامه ...شرط انك تعمل الصيانه في مواعيدها ...كنت قرات من فتره بعيده ان هوندا بتدي ضمان 600 ألف كيلو على مواتيرها في حالة عمل الصيانات الدورية في مواعيدها

**Khalid Shalabi** · 15-07-2008 08:55 PM

طبعا مفيش بعد كلام الخبراء محمد شامي و محمد إبيزا :)

انا عربيتي عاملة 130 الف تقريبا و الحمد لله زي الفل واهم حاجة جدا الصيانة الدورية يعني روح الموتور في الزيت و الحرارة