الموضوع: إصلاح شاشة راديو ميجان بالتفصيل

السلام عليكم كنت قاعد فى العربية لقيت المراية فيها زى بقعة كل ما تروح بتزيد قلت أفكها يمكن تتصلح معايا لأنها بتبهت الأرقام ومش بتخليك شايفها كويس وبتبقى باينة وبايخة جدا فى الشاشة
فك الشاشة أول حاجة الموضوع دا قديم قبل ما الشاشة تبقع نقرأه على السريع
http://www.nilemotors.net/Nile/303319-a.html
فيه فيشتين واصلين للشاشة واحدة للشاشة نفسها والتانية للمبات بيان الإيرباج ولمبة حزام الأمان للى عندهم بتنور جمب شاشة الراديو الكلام دا بالنسبة للشكل الجديد
والشاشة اللى أنا فاككها دى اللى بتنور أبيض يعنى أحتمال الشاشة اللى بتنور أحمر تكون فيشة واحدة بس
اللى رايح للشاشة نفسها فيشة واحدة سواء شاشة بتنور أحمر أو أبيض

بعد ما نفك الفيشتين دول كل فيشة ليها ودن بندوس عليها وبنشدها هتطلع معانا بإذن الله


دا الغطاء الكبير اللى طلعناه من التابلوه هو عبارة عن قطعتين فبر بلاستيك مشبكين فى بعض واحدة منهم فيها شاشة الراديو هنفكهم عن بعض فيه مسمارين فى النصف رابطينهم ألانكي نجمة معلم مكانهم بالأحمر




بعد ما نفصل الجزئين عن بعض


ناخد الجزء اللى فيه الشاشة و نطلع الشاشة منه الشاشة متثبتة فيه بأطار بلاستيكى خاص بيها عن طريق كلبسات زى ما هو واضح فى الصورة بنضغطها ونطلع الشاشة بالإطار البلاستيكى


وآدى الشاشة بعد ما طلعتها واخدين بالكم من البقعة اللى فيها من على الجمب


بعدين هنفك الشاشة نفسها من الغلاف البلاستيكى دا هى راكبة بالضغط برضه
كلبستين من فوق وكلبستين من تحت زى ما باين فى الصور باللون الأحمر


ودا الإطار البلاستيكى بعد ما طلعناه برا


ودى الشاشة بعد ما حررناها ناخد بالنا من البقعة اللى فيها



دلوقتى هنفك الشاشة من الوش البلاستيكى الصغيرة اللى عليها متثبتة بكلبسات ضغط برضه 2 فوق و 2 تحت تقريبا وواحدة من على جمب وفيه جمب عليه 2 ملناش دعوى بيه لأنه ميخصش الشاشة يخص شاشة حزام الأمان والإيرباج فى العربيات ال phase II وهو مفيهوش مشكلة عشان نفكه





أما الكلبستين دول ملناش دعوى بيهم مش ماسكين الشاشة فى حاجة



وآدى الشاشة بعد ما فكيناها

ودا الغطاء نلاحظ الجزء الأبيض اللى أنا سبته ومفكتهوش اللى هو بتاع لمبة الحزام ولمبة الإيرباج وجمبهم مشاور باللون الأخضر على الزراير اللى بنضبط منها الساعة فى الكاسيت



بعدين وصلت الشاشة عشان أحدد المنطقة اللى فيها العيب بالظبط



الشغل هيبدأ من هنا العيب اللى فى الشاشة عيبين العيب الأول وهو إن فيه حرف ناقص فى الشاشة والعيب الثانى هو إن فيه بقعة فى الشاشة


الشاشة نفسها ليها غطاء بيفتح ويقفل عبارة عن باب بلاستيك وداخل ضغط زى ما احنا فى الصورة المناطق المتثبت منها بنفتح الباب


هنلاقى البوردة بتاع الشاشة

وأنا مشاور فيها باللون الأزرق على الشلد النحاس اللى هنرشه من عند البوردة بالاسبراى عشان ينضف كويس ويوصل الداتا كويس
أنا مشاور بالأحمر على المناطق اللى مثبتة الباب عشان لما نيجى نفتحه
ومشاور بسهم أحمر على بوردة تانى من تحت ودى فيها كام لمبة كدا عشان نور الشاشة
وفى الصورة دى أنا مشاور على الشلد النحاس من الناحية التانية باللون الأزرق نرش عليه اسبراى ننضفه

كنت هستعمل wd40 بس مرضتش عشان مش بيطير بسرعة وبيتبقى زى زيت منه وهو مينفعش للإلكترونيات ممكن يبوظ حاجة محدش يستعمله فى حاجة زى كدا



( فى الصورة دى يا جماعة أنا مشاور بسهمين لونهم أحمر على المناطق اللى هنرفع منها زجاجة الشاشة هنرفعها سنة لفوق ونسحبها علينا فى اتجاه السهم الأخضر )






فى نفس الصورة اللى فوق دى نبص على الورقة البلاستيك اللى لونها أبيض اللى على ضهر الشاشة
دى هنشيلها بتبقى لازقة بعد ما نشيلها هى بيبقى تحتها تراب وهو اللى بيعمل البقعة اللى أحنا شايفينها




وننضفها طبعا أنا معنديش الاسبراى نضفتها كالآتى
جبت كلين آند كلير بتاع البشرة دا وعلى طرف صباعى ومسحت على الورقة وعلى الشاشة وبعدين جبت ورقة من كراسة ونشفت

محدش يستعمل قطن أو منديل عشان بيسيبوا بقايا علىالشاشة

نلاحظ كمان فى الورقة البلاستيك أنا معلم باللون على الأحمر على حتة معينة عشان نركب الورقة فى مكانها الصح ناخد بالنا من الطرف البلاستيك الزايد دا ليه مكان

ودا السائل اللى استخدمته فى تنظيف البقعة

ودا منظر الشاشة بعد التنظيف