انا لسة شارى عربية نيو اكسنت 1600 cc وعاملة 20000 كم
ياريت تنصحونى ايه الحاجات الى المفروض اعملها وفين اعمل الكلام دا وتكلفته كام .
عرض للطباعة
انا لسة شارى عربية نيو اكسنت 1600 cc وعاملة 20000 كم
ياريت تنصحونى ايه الحاجات الى المفروض اعملها وفين اعمل الكلام دا وتكلفته كام .
35390760
تليفون ابو رواش
42141162
تليفون قليوب
16101
رقم مختصر للصيانة
و ده موضوع فيه كل مراكز خدمة هيونداي
http://www.nilemotors.net/Nile/showthread.php?t=28575
اتصل بيهم و هما يقولولك ايه اللي بيحصل فيها و بيتكلف كام و لو عايز تحجز ،،
و ممكن تعمل صيانة بره عند اي حد بيفهم في هيونداي
بس مانصحكشي حاليا من ناحية عشان تحافظ علي الضمان
و من ناحية تانية عشان النيو اكسنت محركها متطور و الباور بتاعها كهربا
و لو عايز فيه ميكانيكي اعرفه كويس اوي شغال في غبور و فاتح ورشة في الحرفيين
و الله اعلم
هو مركز الخدمه الكويس الي بروحه ومش زحمه
كارتك الي في العبور
التوكيل عموما بيركز انك تغير فلتر البنزين كل 20 الف كيلو متر
عموما الفلتر غالي معدي 350 جنيه ويفضل متغيروش عشان ملوش لازمه تغيره هو مكانه في عوامه البنزين وانا مغيرتوش بقالي 50 الف وزي الفل
غير البوجيهات وفلتر الهوا اذا مكنتش مغيرهم قبل كده وتيل الفرامل بص عليه انا اول مره غيرته كان على 25 الف كيلو تقريبا وممكن تجيب الحاجات الي ناوي تغيرها من مركز بيع قطع غيار معتمد وتركبهم في التوكيل عشان لو اشتريتهم من التوكيل بيبقوا اغلى وعليهم ضريبه ومفيش خصومات
لو مغيرتش اماكن الكاوتشات غيرهم هتلاقي مكتوب في الكتالوج بتاع العربيه
الكاتوشين الي قدام يرجعوا ورا زي ما هما والفردتين الي ورا يتعكسوا ويطلوا قدام وممكن متغيرش اماكن الكاوتش ده لو انت مش حاسس بفرق
بالنسبه للميكانيكيه عموما النيو اكسنت مش صعبه في الشغل وانا كتير بغير حاجاتها برا خصوصا ان التوكيل او مراكز الخدمه مقرفين ومكلفين بس بالنسبه للتربيط والكشف على الكهربا والكلام ده التوكيل ومراكز الخدمه لا يعلى عليهم
انت ممكن كل فتره تودي العربيه التوكيل مثلا كل 30 الف مره صيانه في التوكيل اما تغير الزيت والحاجات العاديه غيرها برا ولما تروح التوكيل تقولهم انك مغير كذا وكذا قريب ومش تخليهم يغيروه تاني