صح يا حسام باشا التيريوس يا fwd او awd مفيش خلفي, حتى ال awd مبيتقفلش و تبقى خلفي بس زي الداستر
لو تقبل نصيحتى بريليانس v5وتقدر حضرتك تدخل على قسم البريليانس وتشوف التقرير والقرار ليك بس عن تجربة ومقارنة وكنت واقع فى نفس الحيرة وجبيت البريليانس والحمد للة ربنا كرمنى بيها مع ان معايا فلوس اجيب اعلى بس بعد المقارنات طلعت صفقة رابحة وتحت امرك فى اى سؤال وطبعا الخيار ليك اولا واخيرا
البريليانس suv ......... وعربية جميلة وتقفيلها فعلا حلو الحقيقة غير تقفيل باقي البرليانس
وفيها esp و كماليات محترمة ..حتي الكاوتش انا فاكر انه كان ماركة بس مش فاكر نوعه
بس انا ليا عليها كذا ملحوظة ....... ااولا .... اعلي فئة ماشاء الله بمبلغ ولسه مش كل الناس ممكن تدفعهم في حاجة صيني صرف ... مع اني اعرف ان البريلييانس من العربيات المحترمة في الصين .... معرفش صيانتها وتوكيلها ايه ظروفه .... لمعدن اللي في التابلوه كانوا يعملوه ابانوس بدل الاحسااس انك راكب ميكروباص ترامكو
هي كعربية جميلة ورائعه ....... بس برده احساس الفخامة محستهوش بصراحة
ربنا يبارك لملاكها فيها ......... وهانشوفها هاتعمل ايه الايام اللي جاية ان شاء الله
اهم حاجة ............. اهم حااااااااجة الاستخـــــــــــــــــــ ــــارة
والله والله والله لن تندم ان شاء الله
واعملها في كل حاجة (نوع العربية - اللون - حتي نوع الغيار ) ........ هتلاقي نصيبك بيجليك لحد اعندك والدنيا بتتيسرلك لوحدها
وربنا يوفقك للخير يارب :d
اشكر الجميع
انا اشتريت التيريوس GLX وهي دفع خلفي ABS, AirBag والكاسيت DVD وكاميرا خلفية ومحرك 1500 سي سي
على قكرة كل التريوس دفع خلفي او رباعي
العربية جميلة في ان مستواها اعلى من باقي العربيات حتى اعلى من القشقاي شوية ومن الجوك طبعا
هي عربية مناسبة جدا للاسرة والزحمة خصوصا لو معاك اطفال
استهلاك البنزين اقل من المتوسط او متوسط لكن هي فعلا مش بتاعة جري يعنى اكتر من 120 كم / ساعة مش مناسب ليها
بالنسبة لسعرها وامكانياتها اعتقد انها انسب من القشقاي لان القشقاي غالية في حاجات كتيير خصوصا الفانوس ابو 5500 جنيه
التوكيل معاملته كويسة جدا وان كان الملاحظات اللي قلتلهم عليها ماتعالجتش كلها زي الفرامل خفيفة مش بتجمع بسرعة في السرعة البطيئة وال bluetooth مش بيلقط بسهولة فنزلو سوفت وير جديد لكن ماحسنش الوضع
لما اعمل صيانة ال 5000 هاعيد تاني عليها
انا بحب اقضي بيها مشاوير البيت لانها خفيفة وركنتها سهلة شاسيها مش طويل زي الفانتازيا اللي معايا وكمان علوها باسطني جدا لانه تجديد في نوع العربية وطريقة القيادة بس باكد هي مش بتاعة شقاوة
كان حظي حلو اني حجزتها في شهر 12 ب500 جنيه بسعر 143500 وقبل ما استلمها في يناير بقت ب 149500 فالحمدلله ان القرار بالحجز كان بدري وماستنتش لمعرض اوتوماك ودي نصيحة للكل ماتاجلش قرار الشراء لشهر يناير عشان خاطر المعرض لان الاسعار يتتجنن في الوقت ده
لو قابلتني اي مشاكل فيها اكيد هقولكم عليها
ماشاء الله لا قوة الا بالله .......الف الف الف مبارك :))
ربنا يبارك لحضرتك فيها ويرزقك خيرها ويكفيك شرها يارب
ويكفيك شر الحسد والحاسدين و تكون سبب لرضا الله عز وجل عنك يارب العالمين :)
قشقاى يعم كفاية اوى على التيريوس