★★★ جهاز gps للسيارة بالكرتونة ب ٣٣٥ جنية فقط ★★★

**Y a r i s** · 26-11-2012 01:28 AM

حبايب قلبي ربنا يخليكم ليا يارب وميحرمنيش منكم ابداً قادر ياكريم واحمد حبيبي انتا ومعتز بجد بجد اخجلتم تواضعنا. حبايب قلبي واللهِ. تسلمولي يا غاليين. زي اخواتي واللهِ واعزززز

@@@@@@@@@@

اما بقيت الاعضاء الكرام ... انا اتفقت مع الراجل غداً اني اقابلوا انشاء الله. ... ومين عارف مش يمكن. يعتذر عن الشراء لاي سبب من الاسباب بس انا مقدرش ارجع نهائي في اتفاقي معاه .... وربنا يبعتلكم الي احسن من جهازي. قادر ياكريم ويبارك لصاحب النصيب فيه .... وتحياتي للجميع

**beshomilan** · 26-11-2012 10:21 AM

ممكن اسئل حضرتك انت جبته منين جديد ب 500؟؟
هو بيشتغل gps بخط موبايل ولا باشتراك ولا ازاى؟؟
هو ممكن يشتغل بلوتوث على الموبايل واكلم منه عادى؟؟

**ABO MALEK** · 26-11-2012 11:21 AM

تم البيع ولا لسه؟
*لو لسه يا ريت تكلمنى على 01280002242

**peposupervisor** · 26-11-2012 12:51 PM

موفق في البيع بس لو متبعش قول

**eng.ghost** · 27-11-2012 01:42 AM

إتباع ولا لسه؟

**Y a r i s** · 27-11-2012 02:04 AM

ياسيدي خدتلي حتت دين واقعة على السلم .... اتجزعت رجلي واتلوة ونزلت على ركوبتي. مع وزني طبعاً. ( بس الحمدالله على كل شيء ) .... النهردة كلوا قعدتوا في البيت واتصلت على الشغل اخدت اجازة وحتى مشوايري كلها اجلتها ورحت عن الدكتور النهردة بالليل عملت اشعة الحمدالله مفيش كسور ولا حاجة بس تشعير. بعض الاجزاء ... بس مستغرب قوي الدكتور بيسئلني اسئلة غريبة بيقولي انتا جالك التهاب وانتا صغير قلتلوا لا بس اللوز قالي طيب خدت بنسليين ... استغربت بصراحة من اسئلتوا وطلب شوية تحاليل اعملهملوا بعد اربع ايام .... ههههههههه الي يدحك في الموضوع ان شوية الادوية والمسكنات والاشعة وتذكرة الكشف بتمن الجي بي اس ههههههه. المهم انا كلمة باشمهندس احمد وقالي انشاء الله هيعدي يوم الجمعة ياخدوا .... وتحياتي للجميع

بالنسبة هو بيتباع فين جديد هو بيتباع عند واحد اسمو الادهم جمب البستان سنتر في وسط البلد ب ٥٠٠ جنية جديد واعتقد كمان موجود عند سايبر كار على ما اعتقد وتحياتي للجميع كمان مرة

**ABO MALEK** · 27-11-2012 09:31 AM

الف سلامة عليك يا كبير...الفلوس دى منظورة ...انت بقي تتبرع بالجهاز وتريح نفسك(:
الف سلامة عليك مرة تانية.

**abogooda** · 27-11-2012 11:47 AM

الف سلامه عليك والله اتصلت بحضرتك امس للاطمنان عليك ولم ترد قلت يبقى نائم
وبعدين ياباشا فداك مليون جنيه مش 300 جنيه المهم انك بخير وربنا يجعله فى ميزانك واحنا ان شاء الله على ميعدنا
شفاك الله وعفاك