انا والكيا والشاسيه اتمني تكون الحلقه الاخيره بس مستغناش برضه

**shoudy2005** · 31-07-2008 05:21 PM

طب كده هل اللحام اللى عاملته ده بان علشان لو بان تبقى كده مشكله

**moufou** · 10-08-2008 12:36 PM

لا اللحام مش باين لأنه جوه الدواسة و متغطى كويس و على فكرة أنا سايب الفتحة موجودة علشان الصوت لو رجع تانى، المهم إنه راح لمدة شهر و ظهر تانى هل ياترى حد عنده حلول أو ظهر عنده الصوت ده.

**Adham** · 11-08-2008 09:09 PM

بص ياباشا

الناس اللي بتشتغل استعدال شسيهات دي بتبقى مواضيع تانية كبيرة و مختلفة عن موضوعك

ملحوظة: عربيتك اصلا علب و مش شاسية

الناس اللي فاتحة ورش استعدال شاسيهات دي علشان شغل العربيات النص نقل و النقل و الدفع الخلفي الكبير عامة اللي فيها جسم شاسية شايل السيارة كلها كابينة صاج وموتور و غيرة (بص ورا العجلة الخلفية لأي نص نقل او نقل و انت تشوفة)

و دي بيبقى صلب و استعدالة مشكلة

انت موضوعك بسيط خالص
شرخ في العلبة (بيسموها "علبة الشاسية" برضة)

دة مش محتاج رش دواخل العربية بالكامل غالبا بس سمكري نضيف و فاهم يبص و يقولك

مجرد لحام للجزء المشروخ و يترش على قدة

مش بيتكلف

مش بياخد وقت

كل اللي محتاجة سمكري فاهم و نضــــــــــيــــف
و بتاع دوكو انضـــــف

بص انا ممكن ابعتك لسمكري أستاذ و مش غالي و مش بتاع اشتغالات ولا فتح و نصب قريب من مدينة نصر لو تحب

**عزيز محمد** · 13-08-2008 08:59 AM

المشاركة الأصلية كتبت بواسطة Adham

بص انا ممكن ابعتك لسمكري أستاذ و مش غالي و مش بتاع اشتغالات ولا فتح و نصب قريب من مدينة نصر لو تحب

لو ممكن توصف لنا مكان السمكرى ده يا أستاذ أدهم عشان الناس كلها تستفيد ، يبقى كتر خيرك

**moufou** · 13-08-2008 10:05 AM

يا ريت عنوان السمكرى و شاكرين للنصيحة و جزاك الله خيرا

**Adham** · 13-08-2008 02:13 PM

اطلع اول طريق السويس من الماظة و بعد محطة شل (فية محطتين شل قدام بعض على اول الطريق) ادخل من جنب الجامع يمين في اول شمال على طول بعد 150 متر اسأل على شحتة السمكري