الموضوع: هل تقدر تروح مشاويرك القريبه بعجله؟؟؟

المشاركة الأصلية كتبت بواسطة haroun707

والله ياباشا انا نفسى اعمل كده بس فى كذا حاجة منعانى

اولها حركنها فين وبشكل اكون مطمئن عليها ... للأسف ده صعب
( هى دى بالنسبة لى المشكلة الاساسية )

ثانياً الجو عندنا فى الصيف اصبح لا يحتمل وانا من الناس اللى مش بتحب الحر والعرق والتراب ( بس دى محلوله حركبها فى الشتاء بس )

ثالثاً بقى طريقة القيادة الجميلة اللى معظم الناس فى مصر طبعاً بينفردوا بها ( ودى بردوا مش المشكله )

واتمنى ان حد يساعدنى ويشجعنى

كلام حضرتك مضبوط جدا والمشكله فى العرق والحر والتراب،،، بس طبعا العجله هنا للمشاوير الخفيفه مش مشاوير وسط العربيات والطرق السريعه و اعتقد دلوقتى كل حاجه بتتسرق مش هتيجى يعنى على العجله بس مصيبتها هتكون اخف شويه لو لا قدر الله اتسرقت

المشاركة الأصلية كتبت بواسطة mohssenrashed

لأ عجلة صعب عشان العرق و اروح الشغل عرقان وكده

انا عن نفسي جبت scooter و بروح بية الشغل 150 سي سي و موفر جدا في البنزين و ممتع جداااااااااااا

دى بردو من الافكار الممتازه جدا وشيك بس حضرتك جبته منين وتفاصيله ايه يعنى السعر والصيانه والترخيص واستهلاك البنزين..الخ اكون شاكر جدا وياريت تنتشر عندنا الثقافه دى...بس نصيحه التزم بلبس الخوذه وعوامل الامان مش عشان مخالفات بس عشان امانك انت

المشاركة الأصلية كتبت بواسطة a_h_m_a_d

في مصر , أعتقد صعب جدا , عشان فين الطريق اللي تقدر تسوق فيه عجله بإحترام

بره انا شوفت العجل منتشر جدا , وفعلا مديرين ببدل سايقين عجل ولابسين الخوذه و الركب , و قدام كل شركة باركنج كبير مخصص للعجل تقدر تركن فيه براحتك , وعلى الارصفة فيه تراك مخصص للمشي بالعجل , فين بقى الكلام ده كله في مصر

فعلا الكلام ده حتى فى المدارس وكل مدرسه فيها براكينج بسيط جدا للعجل

فى يا جماعه مشروع هايل فى لندن فى وسط البلد عاملين عجل عمومى للناس يعنى عجل مركون فى اماكن معينه لاستخدام السياح والعامه لقضاء المشاوير كل اللى تعمله تستخدم الكارت (debit or credit card) بتاعك والمكنه بتسحب منك 5 جنيه استرلينى فى اليوم بشرط انك ترجع العجله مكانها فى ميعاد محدد والا يتم خصم350 استرلينى من الكارت
وطبعا دى متعه للسياح ولرواد وسط البلد لانها زحمه جدا جدا ومش مسموح الا لعربيات معينه هى اللى تدخل وسط البلد ومع ذلك زحمه جدا (عشان تنزل وسط البلد بالعربيه لازم تدفع ضريبه 10 جنيه استرلينى فى اليوم اما عن طريق النت او المكن فى الشوارع او طبعا اشتراك سنوىوالا تاخد مخالفه ) وطبعا هنا ثقافة احافظ على الشئ عشان غيرى يعرف يستخدمه

المشاركة الأصلية كتبت بواسطة mivec.a92

نفسي, اقسم بالله نفسي. نزلت اشوف عجله نضيفة تعملها كام لقيت من أول 2000 و أقل من كدة صيني. بشوف علي ebay في فرنسا عجل بيجو مستعمل تحفة ب 80 يورو و 100 يورو لكن المشكلة الوزن و تكلفة الشحن :'(

بصو يا جماعه انا بشتغل فى مجال الشحن الجوى ولكن قوليلولى اساعدكم ازاى
يعنى انا ممكن اقولكم اسعار الشحن بس الموضوع يمشى ازاى

المشاركة الأصلية كتبت بواسطة mohamed amr

ممكن اعرف ارخص سعر شحن للكيلو كام
شكرا

انا بتكلم على مقطع لندن - القاهره وسعر الشحن بيكون حسب الوزن بس تقريبا بيكون 3 جنيه استرلينى للكيلو بحد ادنى فى حدود 100 جنيه استرلينى
بخلاف اى مصاريف ارضيات او جمارك بالقاهره