اقتباس المشاركة الأصلية كتبت بواسطة el_devil مشاهدة المشاركة
الف شكر ياباشا ع المرور وعلى رد حضرتك اللى افادنى كتير .. بس هيا نفس المشاكل اللى فى رمسيس دى هلاقيها فى اسكندرية " اصل انا اسكندرانى " وهوا التاكسى كويس والحمد لله هوا لادا 2107 مو 2007 بس انا شايف ان مافيش مقارنة بين الادا والتويوتا كعربية او كشغل .. هوا كمان اللى شاددنى فى التويوتا ان فى ناس كتير بيقولو انها بتتطلب كتير فى ابونيهات الشركات المحترمه وبيدفعو فيها مبالغ من 15 ل 20 الف فى الشهر "على حسب ما سمعت يارب يكن حقيقى " فابلمبلغ ده اعتقد تسدد قسطها ويفيض كمان والعربيه مش هتتهان .. ف ايه رأى حضرتك فى الكلام ده
الرقم غير صحيح
قبل ما تنوي تجيب العربيه لازم تتأكد ان كان في ترخيص مفتوح للرحلات ولا لا
وعشان ترخص رحلات لازم يكون عندك مكتب "حتي علي الورق يعني" وسجل تجاري و كده
خلاص احنا ناوينا نجيب العربيه
تدور علي حد معرفه شغال ف شركه محترمه بترول مثلاً الحاجات اللي زي كده
عشان يبقي ليها مكان ف الشركه وترتب معاه كل حاجه و ياريت ترتب مع كذا حد ف كذا شركه
بعد الثوره غالبيه السيارات اللي من النوع ده تم تسريحها من الشركات
وبقت شغاله دورات مدارس يبقي برضه ممكن نفكر ف المدارس الدوليه ونشوف حد يظبطنا جوا
انا بقولك الكلام ده عشان تكون عارف كذا سكه للدروه بتاعه العربيه
حاول لو هتركب معاك سواق يبقي سواق محترم و امين وفاهم لان العربيه مغريه للسرعه جداً
وناعمه ف سواقتها لانها تربو
حاول تجيب قطع الغيار الاصليه بتاعتها تيل و فلاتر الحاجات اللي بتستهلك بسرعه يعني
وع فكره اخر مبلغ سامعه بعد الثوره كان حوالي 5000 للدوره قبل الثوره كان في 9 و 10 كمان
واخر سعر سامعه لاعلي فئه ف العربيه كان 260 كاش
انا مقصدش اقلل من معنوياتك بس فكر كويش قبل ما تاخد الخطوه دي و ربنا ييسرلك الاحوال :)