معلش سؤال الزيت اللى على البوجيهات موجود على سن البوجية ولا حولية؟؟؟؟
عرض للطباعة
معلش سؤال الزيت اللى على البوجيهات موجود على سن البوجية ولا حولية؟؟؟؟
لو الزيت حوالين البوجية مش على السن يبقى غير جوان غطا التاكيهات ب 55 جنية الاصلى ودا عادى ش مشكله خالص
وهل انت غيرت البويجهات الى جاية مع الماتور ؟ ولا سبتها زى ما هى
رجع الموتور لانه كده واضح ان الموتور حالته مش تمام
أنا رأيي روح رجعه لأن المتور مش تمام للأسف
المكنة بتدخن من الشكمان؟
MMamdouh
متابع
يرجع ايه بس يا رجاله اصلا انا لما جبت ماتور استيراد زمان ومن واحد ثقه جداااااااااااااااااااااا
لقيت الاربع بوجيهات على القلاوظ زيت
رجعت للمكانيكى كتر خيرة ويعمر بيته
قالى يا عم جوان الغطا تلاقيه نشف من ركنه الماتور هات واحد نجرب بيه ونشوف الاول
ومن يومها ما فيش نقطه زيت وشغاله زى المجنونه للان ولله الحمد
شكرآ للسادة الاعضاء
توضيح نقاط هامة
1-مشكله التقطيع طلعت من الرشاشات وانا امبارح غيرتها والحمد لله العربية دلوقتى مش بتقطع وبتجرى كويس
2- اما موضوع الزيت على البوجيهات ده بسيط على القلاغوظ مش على السن وعموما انا هتبعه
3- اما موضوع الدخنة البيضاء الصبح الميكانيكى والناس كلها اجمعت ان ممكن تروح بعد عدد كليوهات كتيير المهم المكنه مش تنقص زيت
4- الراجل بتاع اللى بيعلى الماتور معندوش مشاكل انه يغيره بواحد تانى او اخد فلوسي
بس المشكله فى الفك والتركيب تانى
وشكرآ لكل السادة الاعضاء على الاهتمام والمتابعة
نرجو الافادة فى النقاط السابقة