حد يعرف منطقة صن مول بزهراء مدينة نصر ويقوللى تفاصيلها

**alrabeh** · 27-11-2012 02:37 PM

من غير تراخيص والمنطقة كلها من غير تراخيص بس دى ميزتها انها بتبص على شارع الميثاق الرئيسى والمول

**ELBEH** · 27-11-2012 02:50 PM

بص الحته دى فيها عمارات سليمه و عمارات مش سليمه يعنى بتفرق فى المقاول او صاحب الارض اللى بيبنى يعنى فى ناس فى المنطقة دى معروفين انهم مقاولين كويسين و فى مقاولين نصابين يعنى ممكن يبيع الشقه كذا مره اه و اللهى على العموم هسألك هوه فى واحد مشهور فى الحته دى انه نصاب هبقى اعرفلك اسمه و ابلغك ان شاء الله.و هبقى اعرفلك مين المقاولين الكويسين و هقولك.

**alrabeh** · 27-11-2012 03:06 PM

جزاك الله خيرا ومعلش حأتعبك
هو البرج اسمه الأندلس

**alrabeh** · 28-11-2012 11:57 AM

طيب هل سؤال الحى حيفيدنى فى حاجة ولا حيضللونى فى الإجابة وفين مكان الحى

**mohamed_selim** · 28-11-2012 12:03 PM

حى مدينة نصر عند مسجد نورى خطاب فى مصطفى النحاس و انت طالع على قسم تانى و المدينه بتاعة جامعه الازهر و امن الدوله
المفروض يفيدوك ... خد معاك صور لاى ورق ليه علاقه بالمكان او على الاقل وصف تفصيلى للمكان و العنوان و يحبذ لو صوره من المكان على جوجل مابس عشان يعرفو انهى مكان ... بس انا مش فاهم الحى هيقولك ايه؟ ماهو انت بتقول مفيش تراخيص فبالتالى الحى مش هيكون عارف اى حاجه رسميا؟

**Ahmed_selmy** · 28-11-2012 01:01 PM

الحى مش حيقولك حاجه فعلا علشان مفيش تراخيص, بالسعر اللى انت بتول عليه دا ممكن تلاقى حاجه لسه بتتبنى بتكون فى حدود 2500 جم للمتر فى المنطقه التاسعه وفيها تراخيص ومرافق وكل شى , خليك فى المضمون افضل , ومتنساش الاستخاره

**diablo1231** · 28-11-2012 02:30 PM

نصيحة يا فندم بالش انا ساكن في الزهراء في عمارات الضباط العمارات دي كانوا هيزيلوها قبل كده ده غير ان ورا حضرتك العزبة و المستوي مش قد كده خالص حضرتك لو تحب يبقا عمارات الضباط افضل خصوصا ان العمارات اللي جنب المول بدون ترخيص و اي استفسار انا تحت امرك

**alrabeh** · 29-11-2012 02:40 AM

الف مليون شكر لكل من ساعدنى وتفضل بالمشاركة ولو حد عنده معلومة اضافية أرجو ألا يبخل على

**Tmhami** · 29-11-2012 09:09 AM

مش عارف الى ممكن أفيدك بيه
بص أنا ساكن فى الواحه و كل معلوماتى عن زهراء مدينه نصر أنى بشوفها وأنا رايح الشغل
فى مساكن محترمه و ديه مساكن الظباط أنما غير كده فى مساكن تانيه شكلها غريب و معظمهم طلعوا بسرعه بعد الثوره
كمان الشوارع الداخليه ضيقه جدا ,تخيل بقى لما كل العمارات ديه تسكن حتلاقيها قلبت عشوائيات (بغض النظر عن هيه مترخصه ولا لأ)

**salahlanser** · 29-11-2012 07:41 PM

عشان تسال على العماره اعتقد مش فى الحى بتاع م.نصر تروح جهاز القوات المسلحه لان الاراضى دى بيتعملها عقد اسمه عقد تقنين بين المقاول او صاحب الارض والجيش ومعتمده لانى انا ساكن فى شارع السلاب وده اللى عملته
اخدت الورق بتاع الارض واديته للمحامى واتاكد انه سليم ودلوقتى كل المرافق شغاله من كهرباء ومياه واسانسير
انت تاخد نسخه من الورق ده لو معاه وتسال على مكان جهاز القوات المسلحه ده فين لانى مش انا اللى رحته
لو مش معاه ورق يبقى انسى ماتكملش
انا ابن عمى نزل مره اتفرج لوحده وناس اكلت دماغه وانا بعديها رحت لقيت برج كبيييييييير جدا عدد الشقق فى الدور
اكتر من 15 شقه وكان طالع فى دماغه يشترى لانها رخيصه واما نزلت للمكتب بتاعهم لقيتهم عاملين منظر وكل واحد قاعد قدام لاب توب هو مش عارف انه لاب اصلا وشكلهم حشاش اساسا بعد ما خرجت مش هاقولك بقى عملت ايه
فى ابن عمى عشان ماتوقفش من المنتدى
وانا تحت امرك فى اى حاجه