الموضوع: العربيه اشتغلتني

اخر اشتغاله كنت اتوقعها في حياتي انها تيجي من العربيه

من قيمة اسبوع كده او 10 ايام رحت ظبط العربيه تكيهات عند واحد اسمه طلعت تكيهات الناس كلها شكرت فيه

رحت ظبطلي التكيهات وقالي دي مفتوحه علي الاخر واستهلاك البنزين عندك عالي جدا قولتلو اه فعلا

المهم بعد ماخلصها قالي العربيه كده هتشم بنزين معاك والاستهلاك هيبقي كويس ساعتها ادركة اللحظه اللي قالي فيها الاستاذ مكاوي ان العربيه في نص البلد تعمل من 180/ 200 في الصفيحه


ساعتها قلبي رفرف

اخد العربيه ومشيت بعدها بيومين فولت العربيه وقعد الف بيها والاقي الؤشر زي ماهو لحد ماوصل 200 كيلو (عداد الرحلات) لقيت المؤشر قبل النص بشويه يعني فاضل اكتر من صفيحه

سعتها الفرحه مابقتش سيعاني وقعد اصول في زمايلي قولت عشان ربنا يباركلي فالعربيه ويهديها عليا

تاني يوم العداد وصل ل 250 والمؤشر لسا في نص الصفيحه التانيه ولكن
.
.
.
.
.
.
.
.
.
.
.
لمبة البنزين نورة !!!

ركنت علي الجنب وقعد افكر هل اللمبه عشان هي متعوده انها تنور علي 250 فاقمت منوره ؟؟ صناعه مصريه واكيد غبيه


ولا يكون استهلاك البنزين زي ماهو بس مؤشر البنزين مش مظبوط


قولت لازم احسم الموضوع واروح افول قعد الف علي بنزين ومن حظي ان في ازمه من يومين في بنزين ال 80

المهم مشيت بيها لحد مالعداد وصل 287 وهوب في نص الشارع وعملتها معايا

ده المؤشر لسا فاضل فيه حوالي 15 لتر بس اللمبه منوره


ساعتها ادركت اني هفضل في استهلاك البنزين العالي

كلمت احد من اصحابي جابلي لترين ورحت وقفت في بنزينه ساعه ونص عشان افول ومروح البيت ونفسي اولع في العربيه

بجد انا جبت اخري منك يامونيكا


اعزروني ياجماعه بس مافيش حد غيركو برتاح معاه وانا بحكيله

والسلام ختام

المشاركة الأصلية كتبت بواسطة ahmed_gamal777

راجع بيكات الكربيراتير
الكلام دا فستك
الصفيحة من 180 الى 220 كيلو فى السفر
والتنك بتاع الادا 39 لتر بالزور حوالى 42 لتر

لما العربيه عطلة واحد صاحبي جابلي 1.5 لتر بنزين وقول مشيت ب نص لتر يبقي فيها لتر وانا حطيت 42.50 او 43