تجربتي مع تغيير خابور عقربة الفتيس بمسمار

**abogogo** · 28-11-2012 12:01 AM

ياريت توضيح أكثر وهل لما امشط بحل الفتيس ولا بروح بالعربية للخراط ..؟؟

**zomzom11** · 28-11-2012 01:03 AM

اولا المسمار ده ممكن تشوفه لو بصيت داخل الموتور اسفل ماستر الفرامل فوق الفتيس ولو معاك حد يحرك العصايه ويعشق هاتشوفه وهو مشهور قوى اى ميكانيكى بيبدلهولك وتريح دماغك انا اشتكيت وقلت للميكانيكى وسيبتله العربيه عمل السرفيس وبعد ما مشيت كلمته قالى انا خلاص عالجتهولك وغيرتلك المسمار

**E_medo77** · 28-11-2012 01:06 AM

المشاركة الأصلية كتبت بواسطة abogogo

ياريت توضيح أكثر وهل لما امشط بحل الفتيس ولا بروح بالعربية للخراط ..؟؟

يا باشا بيقولك مشط المسمار بس مش حاجه تانيه

**اسلام زيتون** · 28-11-2012 01:07 AM

نايل موتورز - NileMotors.net بجد يااخواني انا ركبت من غير مااصور لاني معنديش موبايل بكاميرا بس في اخ معانا في الجروب مصور وهو بيغير اويل سيل للعقربة ممكن تقرو موضوعة وانا هرفع صورة منو وانا معلم على مكان المسمار بالظبط

**اسلام زيتون** · 28-11-2012 01:10 AM

مش عارف ارفص الصورة

**اسلام زيتون** · 28-11-2012 01:20 AM

السهم الازرق هو مكان المسمار معلش انا مش عارف اظبط الصورة اوي علشان اول مرة ارفع صور عالجروب

**zomzom11** · 28-11-2012 01:28 AM

المشاركة الأصلية كتبت بواسطة e_medo77

يا باشا بيقولك مشط المسمار بس مش حاجه تانيه

الموضوع سهل جدا وبسيط ولا يستدعى كل هذا المسمار واضح وسهل فكه وتغييره لكن تمشيطه يستدعى مشوار بالمسمار فقط للخراط او تركن امام الخراط وتفكه وتركبه هناك

**Khaled Lanos** · 28-11-2012 03:59 AM

المشاركة الأصلية كتبت بواسطة اسلام زيتون

كان عندي خشونة من فترة في نقل الغيارات فلمن طرحت الامر عالاخوة في انايل موتورز نصحوني بتغير الخابور بمسمار 10 جيت اجرب لاقيت في بوش جامد والخابور الي طاله سمكة 8 ملم ومسمار 10 سمكة 6 ملم فقط قعدت ادور في المسامير لاقيت مسمار 13ملم نص سن (يعني نص طول المسمار بسن والنص التاني من غير سن )جيت اجربة مدخلش لحد االاخر لان احد العراوي ضيقة فتحتها 6 ملم فقط فااخدت المسمار ورحت للخراط قلتلو مشطلي السن ل6 ملم وسيب الجزء الي منغير سن زي ماهو وبالفعل عملهولي وجبت صامولتين على قدو وركبت الفتيس دلوقتي زي الحرير

ألف مبروك على التصليح

أنا بردو كان عندي نفس المشكلة بس أكتر شوية الفتيس مكنش سلس خالص في الغيارات وكان بيعلق كتير ولما روحت للميكانيكي عشان اغير طقم الديبرياج راح اداني مسمار 10 ميللي بصامولة وكان مكسور وقالي روح للخراط اعملي واحد زيو وروحت عملت واحد بــ 10 جنيه والميكانيكي ركبو وبعديها الفتيس بقى ناعم جدا وسلس في الغيارات ولما غيرت زيت الفتيس بقى أحسن كمان.

ملحوظة مهمة:

الصامولة اللي راكبة في المسمار ده بتفك مع الوقت وهتلاقي الفتيس رجع خشن تاني ولازم تتربط بعد كدة هتلاقيها مفكوكة خالص زي ما حصل معايا والحل انك تجيب صامولة 10 تانية تربطها جمب الأولانية عشان متفكش خالص زي ما طارق قالي الله يبارك له.