+1
المنطق بيقول كده فعلا :)
عرض للطباعة
انا كنت هاكتب سيفيك
بس هوب افتكرت الرباعي
اديتها واحد امبريزا :)
مش شرط, هناك شركات تؤمن بأن الدفع الرباعى لا يفيد الثبات فى شىء بل ياتى بنتيجة عكسية, و هى وجهة نظر صحيحة فى رأيى,
من هذه الشركات فيات بكل فروعها و منهم فيرارى, مرسيدس و بى ام و الكثير من الشركات.
لا يوجد شركة مقتنعة بالدفع الرباعى سوى مجموعة فولكس و سوبارو تقريبا.
أنا شرحت عيوب الدفع الرباعى قبل ذلك, و لن أكرر ذلك.
مش أى عربية دفع رباعى تبقى أثبت من أى عربية دفع امامى, و الا لكانت السوبارو أكثر ثباتا من الفاروميو مثلا, و هو غير صحيح, عموما السيارات اليابانية كلها تفتقد للثبات لو تمت مقارنتها مع الأوروبى, و لكننى لا اعتقد أن السوبارو أثبتهم , ربما كانت هوندا (أقول ربما) لأن هوندا الشركة اليابانية الوحيدة التى تميل لتقليد السيارات الأوروبية, و باقى الشركات تقريبا تميل الى الطابع الأمريكى.
كلاكيت عشرميييييييييت مرة
بجد يا ا/فادي انا نفسي اقرا الكلام ده اللي حضرتك بتقوله عن الدفع الرباعي من اي مصدر
للافادة والله مش اتحداك والله بس عشان تعم الفايدة والناس اللي بيضحك عليها وبتشتري دفع رباعي مستمر تبطل بقى كفاية لحد كده
وكمان عشان الناس اللي ركبت الامبريزا وساقتها سنين يشوفو اد ايه هما كانو مخدوعين
سؤال بس: حضرتك ركبت امبريزا؟
يا أستاذ ميتشو مش هكسفك,
اتفضل
"صحيح أن الدفع الرباعى أكثر ثباتا نظرا لتوزيع العزم على الأربع عجلات, لكن قيادتها صعبة, و فى بعض الأحيان تكون النتيجة عكسية تماما, ففى حالة الانزلاق, غالبا ما يصعب السيطرة على مثل هذه السيارات نظرا لوزنها الذى عادة ما يزيد ب100-200 كغ عن وزن الدفع الثنائى.
و فى حالة الافراط فى الضغط على الوقود, يؤدى الى تشابك قوى الاطارات, بسبب التفاوت فى سرعة دوران الاطارات الداخلية و الخارجية.
و ربما كانت هذه الأسباب بجانب الوزن الثقيل طبعا هى التى تدفع صانعا كبيرا مثل فيرارى الى تجاهل الدفع الرباعى تماما(كل سيارات فيرارى دفع خلفى), و طبعا لأن الدفع الثنائى يتيح هامشا أكبر للمناورة.
مع التنويه أننا هنا نتحدث عن سيارات الدفع الرباعى المستمر, و التى لا تقوم أوتوماتيكيا بتبديل العزم بين المحاور تبعا للحاجة."
منقولة من موضوع http://www.nilemotors.net/Nile/showthread.php?t=30351
السيطرة على السيارة فى المنحنيات, اللى انا كاتبه و ناقله بتصرف من سبور اوتو.
عموما يا ليتك تفسر لى لماذا كل سيارات فيرارى دفع خلفى؟
و مرسيدس و بى ام دبليو؟
انما فعلا قريت المقال بتاعك واعجبت بيه جدا ورديت عليه كمان
بس متنساش يا باشا انه منقول بتصرف يعني ميول حضرتك واضحه فيه جدا
هاتلي حاجة لايف عشان الامبريزا تقريبا عملالي سحر وعاوز اتخلص منه
عموما فعلا انا معاك ان وضعية الموتور اللي في النص افضل وضعية لتوزيع الوزن بس دية كاتيجوري تاني خالص مالناش دعوة بيه
وبعدين كل الشركات اللي حضرتك ذكرتها دي كان ليها اصدارات دفع رباعي بي ام و الفاروميو لكن توقفوا في منتصف التسعينات تقريبا وذلك للتكلفة العالية و لبزوغ تكنولوجيا التثبيت التراكشن كنترول وباقي العائلة الكريمة
ولكن لازال الدفع الرباعي يقدم امتيازات اعلى من هذه التكنولوجيا
وبعدين حضرتك يا استاذ فادي مرديتش على سؤالي
ركبت الامبريزا؟
الفاروميو نظامها مختلف قليلا, اسمه "Q4", و هو يعتبر احدى اكثر انظمة الدفع الرباعى تقدما, و هو دفع رباعى متبدل العزم بحسب الحاجة مش مستمر, لاحظ اننى اشرت الى مشاكل الدفع الرباعى المستمر الغير قادر على تبديل العزم, أما نظام الفاروميو فهو مختلف, و كان موجودا فى ال155 و ال164, و تم التخلى عنه فى ال166 و ال156, و لكنه عاد بشكل طفيف لم يستمر فى ال156 و تم الاستغناء عنه فى 2006.
http://en.wikipedia.org/wiki/Alfa_Ro...a_Romeo_164_Q4
و مازالت بعض موديلات ال159 تزود به.
و هو نظام يبدل العزم بحيث تتحول السيارة فى بعض الأحيان الى دفع امامى او خلفى بحسب الحاجة.
أكرر مرة أخرى الQ4 مختلف تماما عن نظام الدفع الخاصة بسوبارو.
مع العلم ان السيارتين 156 و 166 كانوا تحت تأثير فيات تماما بعكس ال155 و ال164.
بالنسبة لسؤالك لا انا مركبتش الامبريزا, لكن السيارة مفيهاش أى نوع من السحر فى رأيى, فلا هى تنتمى لاسم عريق, و لا حتى شكلها مميز و لا هى مبتكرة.
شهرتها الوحيدة هو انها السيارة الوحيدة المزودة بدفع رباعى , بالاضافة الى المحرك المنبطح فى هذا السعر فقط.
انا معاكم ان السوبارو ثباتها ممتاز بس مش علشان هية دفع رباعى تبقى لازم اثبت واحدة
بس انا بصراحة جربت المازدا و كانت تحفة
و السيفيك معرفش مجربتهاش
الانسر الجديدة بصراحة فى البرامج العالمية بيشكرو جدا جدا جدا جدا فى ثباتها ( ال Evo ) و كانو بيعيبو على ثبات الأمبريزا ( Wrx Sti ) فا انا اعتقد ان الانسر الشكل الجديد ممكن تبقى اكثر ثباتا
و بالمناسبة من زمن كدة كنت ببحث بالصدفة عن ثبات ال I30 و لقيت بالصدفة البحتة مقارنة مع السوبارو
السوبارو دفع رباعى و الI30 دفع امامى
شوفو الفرق
الهيونداى
http://www.youtube.com/watch?v=7spUPgmF830
السوبارو
http://www.youtube.com/watch?v=Ac3cv8eEtaY
انا بس بوضح ان مش اى عربية دفع رباعى لازم تبقى اكثر ثباتا من الدفع الامامى او الخلفى
ماشي انا مش هقلك مين اللي بيعيب على ثبات ال sti الجديدة بس هقولك ان اللانسر هنا في مصر دفع امامي ملهاش علاقة بنظام الدفع الرباعي بتاع ال evo خاااااااالص
اانا مقلتش ان ثبات اللانسر الجديدة او السيفيك وحش لاني مجربتش الاولى اصلا اما الثانية فمجربتهاش في سرعات بعد ال 140 مقدرش احكم
بس فادي بيوضح ان نظام دفع رباعي سوبارو بيخلي العربية تنحرف و يصعب السيطرة عليها وده كلام غريب الصراحة ومناقض لتجربتي كابسط شئ
اما بقى الفيديو فالصراحة هو فعلا معمول بنزاهة تامة واضح جدا الحيادية فيه
بالمرة صحيح شوف كده نفس التجربة للميجان اللي انا ركبتها وركبت اعلى موديلاتها بره مصر وكانت ثباتها ما شاء الله بص الفيديو ده
http://www.youtube.com/watch?v=jMfcw...eature=related
نفس الاختبار
تحس ان الميجان على الجليد صح
ياراجل حرام عليك انا قريت ان السرعة على 70 تقريبا
بقى الميجان و الامبريزا هتعمل كده في غرزة هابلة زي دي
واضح ان الفيديوز دول اعلان لل I30 ولا ايه