يا جماعه بصراحه مش بحب المقارنات العشوائيه كدا اللى كل واحد يختار نوع من دماغه
يعنى المفروض اللى يختار نوع من الانواع المكتوبه يكون جربها كلها وبعدين يختار
على فكره والله اعرف واحد عنده اللانسر الجديده السبورت وبيشتكى ان العربيه بيحس انها خفيفه على الطريق مش زى البومه السبورت اللى كانت معاه بس بيقول بقت عفشتها ارحم من البومه سبورت وعزلها تمام
واحد صاحبى معاه ماذدا 3 بيقول وهو واثق ان الامبريزا 2005 مش ثابته وكان بيشد مع واحد صاحبه معاه العربيه دى وعومت منه وهو فى منزل كوبرى علما بانه معترف ان الكورولا الجديده اللى معايا اثبت من الماذدا 3 وعلى فكره فيه ناس كتير ما صوتش على الكورولا الجديده لسمعة الكورولا الشكل القديم فى قلة الثبات اركبوا الكورولا الجديده واتفرجوا على ثبات تويوتا الصح