الحمد لله رب العالمين على اي شىي و كل حاجه كتبهالنا .. اكيد ربنا اختار الاصلح و نعمة بالله .
اما عن سعر الكنترول فعلا لا تعليق مع العلم ان العربية موديل 2004 بس السعر ده كله علشان egr اللي راكب على المكنة
شكرا على مرور حضرتك
عرض للطباعة
اولا مشكور على مرورك الكريم .
ردا على سؤالك على احسن حاجه نعملها للكنترول انك تعمل تغليف فقط للسوكيت بتاع الدفية اللي داخله على الكنترول .. لان المية دخلت الكنترول من السوكيت
هل تعلم انك لو غطست الكنترول بالكامل في المية ولا هيجراله اي حاجه و لا فيه ميه هتدخله لانة متقفل كويس بسيليكون ،
لكن لو وصلته بالدفيرة و غطسته في المية هيتحرق لان السوكيتات الدفيرة اللي بتركب عليه غير محمية و كمان فيها فجوات الاسلاك اللي راكبه فيها
انت بعد ما توصله في العربية غطي السوكيت بس كويس باي حاجه بلاستيك و اقفل التوربيدو و شكرا على كدا
الف شكر على مرورك الكريم
حبيب قلبي يا سيد و الله شكرا يا كبير على مرورك
كلامك في الحفاظ على الكنترول صح لا غبار عليه مع العلم اني انا افضل ما اغلفش غير منطقة التوصيل فقط
لو جيت تشوف الكنترول هتلاقي جسمه عبارة عن الومينيوم و دعه علشان يسحب السخونية من جوة تغليف الكنترول و يطردها بره بسرعة و ده لان الالومنيوم بطبيعته سريع التبريد طارد للحرارة و بنلاقيه دايما بيتعمل منه كولر بروسيسورات الكمبيوتر و الرادياتيرات ..... الخ
(تغليف منطقة السوكيت و التوصيل فقط هو الصح)
اما عن الحروف EF او JF احتمال كبير يا ابو السيد دنا حتى دورت جوة دماغي عرفت ممكن يكون حرف ال F ده معناه ايه على سبيل المثال
EF = Europe Function
JF = Japanies Function
هههههههههههه و الله ممكن تكون صح تصدق !
طيب فيه حاجه تانية يا ابو السيد كود المكنه بتاعي بيركب عليه 3 ارقام انا قلت اتنين التالت بينتهي بـ NC يا ترى دي بقا تطلع ايه ؟؟؟ NATIONAL CONTROL ؟؟؟ ههههههههههههههههه
على كل الحال الدرس المستفاد من الموضوع ده ان اللي الكمبيوتر بتاعة (لا قدر الله) فيه مشكله لا يقلق ثم يحمد الله على قضاءه و قدره
و بعد كدا يبتدي يدور بنفس الرقم .. لو مافيش يبتدي يدور على نفس المكنة بنفس الكود بنفس السعة اللترية
غالبا و بنسبة 99.9% الكنترول بيشتغل
مشكور يا ابو السيد على مرورك
قدر الله وماشاء فعل
احنا اللي الكمبيوتر بتاعه بيتحرق مابيزعلش ولا حاجة
الكمبيوتر عندنا ثمنه قريب اوي زي مانت اشتريته - بيتباع ب250 جنيه 300 لو الراجل مستغل
بس انا كنت عايز اعرف تقصد ايه بegr ؟؟
انا بحثت عنها وعرفت انها اعادة تدوير غازات العادم. هو دة اللي تقصده ؟؟
أم هند انها اشتغلت فى الآخر.مبرووووووووووووووك
مبروك يا صديقي و بالتوفيق ان شاء الله
الحمد الله ان المشكلة اتصلحت باقل الاضرار و ربنا يثبتك و يثبتنا اوقات الابتلاء و يعنك و يعنا على الاعطال المفاجئة:U_thin1[1]:
كلامك صح يا ابو حميد EGR هو Exhaust Gas Recirculation اللي هي اعادة تدوير العادم
و ده وظيفته ايه .. تعالى نشوف
اولا ده شكل الـ EGR اللى راكب عندي في عربيتي
http://nileup.com/up/uploads/nilemotors_13541040371.jpg
http://nileup.com/up/uploads/nilemotors_13541040781.jpgالوظيفة :
وجوده على المحرك مهم جدا و خصوصا محركات الحقن الالكتروني و الـEGR فيه صمام صغير بيفتح علشان يخرج العادم اللي ملوش لزمه لكن سعات ما بيفتحش ليه ؟؟
لانه الصمام ده بيحاول يحافظ على اكبر نسبة اكسجين (داخل غرفة الاحتراق) و خصوصا في الجو البارد .. يفضل قافل مايفتحش علشان يتم الحرق على اكمل وجه بكل الاكسجين الموجود في غرفة الاحتراق .. فيما عدا ذلك .. الاشارة بتروح منه على الكنترول عدل الكنترول بدوره يديله الامر يفتح او يقفل الاوقات المناسبة فقط لخروج العادم
علشان كدا بيعمل اعادة تدوير للعادم ..
الخلاصة .. (اعادة تدوير العادم) يعني العادم مش هيخرج من غرفة الاحتراق غير لما يتحرق كل نسمة اكسجين دخلت الى المحرك .
:up:
يا استاذ صلاح انا كمان محتاج اغير كومبيوتر الموتور
انا معايا كروز 2010 وبتعمل حركات غريبه كدة
لما بتنقل على الرابع او الخامس كدة النقله بتفوت والعربية بتنطر لقدام وتروح لمبه ال check engine منورة بس لما بطفي العربية وادورها تانى اللمبه بتطفي
المهم فى التوكيل قالولي لازم اغير الكومبيوتر بتاع الموتور وتمنه 6 الاف جنيه
ممكن اعرف حضرتك اشتريت الكومبيوتر بتاعك منين لانى مافهمتش بالظبط من كلامك