ارجو المساعده العاجله كورسا 1999

**bode_mw_2005** · 27-11-2012 07:47 PM

شباب انا معروض عليا عربيه كورسا موديل 1999 وانا بشوف التعليقات اللى مكتوبه هنا لقيت معظم الناس بتتكلم عن مشكله كارت كمبيوتر التحكم اللى فى العربيه وانها غاليه .. المهم دلوقتى اعرف اذاى لو فيه مشكله فى الكارت ده ولا لاء ؟ لانى كشفت عليها ميكانيكا و اساسيات بس مش كروت كهربا
كمان حاجه انا كنت ملاخظ ان العربيه كهربتها مش مظبوطه اوى وانى لما باجى ابطل العربيه بالمفتاح بتفضل دايره لحوالى 5 ثوانى وتفصل بعد كده ... صاحب العربيه قالى دى البوجيهات اللى حاططها واحد شمعه مش 2 وده السبب وكان معايا ميكانيكى قالى ان السبب تقريبا حاجه اسمها اير ماس ( مش متأكد من الاسم )
ياريت المساعده السريعه لانى رايح اشترى بكره :( وبدئت اقلق جداااااا من موضوع الكارت ده

**alnmr79** · 27-11-2012 08:17 PM

نصيحة بلاش تاخد حاجة مكعبلة خاصة الموديل دة ماتوره فاشل 3 سلندر 1000 سى سى محدش بيعرف يظبطة علشان كلة حساسات .كان معاية العربية دى قبل كدة.
لو عايز تركب كورسا هات من موديل 94 الى97 ماتوره 1200 سى سى 4 سلندر ماتور عملى جدا وقليل الاعطال وقطع غياره ببلاش بالاضافة الى فتحة سقف وزجاج ومراياتكهرباء وممكن تلاقى منها بتكييف وممكن تركب ليه تكييف.

**TRABYA** · 28-11-2012 01:39 AM

مع احترامي الشديد لراي الاستاذ alnemr انا معايا كورسا 99 1000 سي سي بصراحه انا عمري ما اشتكيت من حساس ولا اي حاجة بصراحه وهو علي فكره ليه مميزات وعيوب وانا دلوقتي غيرته و مسقط موتور تيجرا 1400 وده بقي مقولكش فشييييييييييخ بس انا ماغيرتش ال 1000 عشان وحش لا انا غيرته بدل ما اعملة عمره

**فادى محمد** · 28-11-2012 08:37 AM

المشاركة الأصلية كتبت بواسطة TRABYA

مع احترامي الشديد لراي الاستاذ alnemr انا معايا كورسا 99 1000 سي سي بصراحه انا عمري ما اشتكيت من حساس ولا اي حاجة بصراحه وهو علي فكره ليه مميزات وعيوب وانا دلوقتي غيرته و مسقط موتور تيجرا 1400 وده بقي مقولكش فشييييييييييخ بس انا ماغيرتش ال 1000 عشان وحش لا انا غيرته بدل ما اعملة عمره

معايا واحد في الشغل مسقط موتور تيجرا 1400 ايكوتك في كورسا 99 كانت 1000 سي سي الغيار التالت بجيب بيه 110كم

العربيه صاروخ جري بس الحقيقه مش ملاحقين علي المشاكل اللي بيسببها في العفشه ,شديد جدا عليها بيفسخ علطول

**haitham2011** · 28-11-2012 12:19 PM

المشاركة الأصلية كتبت بواسطة فادى محمد

معايا واحد في الشغل مسقط موتور تيجرا 1400 ايكوتك في كورسا 99 كانت 1000 سي سي الغيار التالت بجيب بيه 110كم :b4_556:
العربيه صاروخ جري بس الحقيقه مش ملاحقين علي المشاكل اللي بيسببها في العفشه ,شديد جدا عليها بيفسخ علطول

فادي باشا

بس لو اتغيرت العفشه بعفشه تيجرا هتبقي عربيه روعه

**haitham2011** · 28-11-2012 12:20 PM

المشاركة الأصلية كتبت بواسطة trabya

مع احترامي الشديد لراي الاستاذ alnemr انا معايا كورسا 99 1000 سي سي بصراحه انا عمري ما اشتكيت من حساس ولا اي حاجة بصراحه وهو علي فكره ليه مميزات وعيوب وانا دلوقتي غيرته و مسقط موتور تيجرا 1400 وده بقي مقولكش فشييييييييييخ بس انا ماغيرتش ال 1000 عشان وحش لا انا غيرته بدل ما اعملة عمره

عالبركه و يا ريت تقرير

**TRABYA** · 29-11-2012 12:24 AM

المشاركة الأصلية كتبت بواسطة haitham2011

فادي باشا

بس لو اتغيرت العفشه بعفشه تيجرا هتبقي عربيه روعه

طب ايه الفرق بين عفشة التيجرا و الكورسا

**SYD** · 29-11-2012 07:41 AM

طبعا الرجالة هنا ربنا يبارك فيهم قالوا المفيد من الأخر
بس انا عايز اوضح نقطة 1200 و 1000
توجهات المصنعين كلهم من اواخر التسعينات انهم يقللوا في سعة المحرك مقابل الحفاظ قدر المستطاع علي قوة الموتور وعزمه وطبعا السبب الرئيسي لخفض الأستهلاك وكمية الأنبعاثات.
ومعظم المحركات ال1.0 بتبقي البلوك الومنيوم وبالتالي مفيش اي مجال لفتحها او عمل عمرات بها

تغيير العفشة بيكون السبب فيها هو وزن وعزم وقوة المحرك وبالتالي هتلاقي حضرتك بتغيير تقريبا كل العفشة بما فيها الفرامل لتتناسب مع المحرك الجديد

منتشر اوي في الكورسا تسقيط التيجرا ايكو-تك 1.4 مع جنوط 15
بتبقي عربية تحفة - وربنا يكفيك شرها

اما عن الكماليات - ففعلا كماليات ال94 افضل

تحياتي