صور جديده للهوندا سيفيك 2013 على الطبيعه in usa

**amgomaa** · 28-11-2012 10:36 PM

المشاركة الأصلية كتبت بواسطة speed_magnum

مستوى اقل من التوقعات

ماشى ياباشا انتوا فكرتونى بايام الجامعه كان واحد صاحبى معاه اوبل فيكترا 93 وانا كان معايا سيفيك 94 و مكانش فاهم يعنى ايه هوندا عربيته كانت 2000 cc وانا كنت 1500cc و كمان فرق رهيب فى السعر لغايت مشديت معاه عربيه لعربيه مقولكش الفرق الرهيب اللى كنت طالع بيه عنه من ساعتها بقى بيخاف من الهوندا ايام اما كنا فى الجامعه كان الحكم على العربيه بالشد فقط طبعا انا بهزر معاك بس لما شوفت اوبل افتكرت الحوار ده

**Mohamed.Ramah** · 28-11-2012 11:13 PM

او لا شكرا على الصور والاضافة مبدايا الحتنزل مصر حتكون مشابهة للصور وليست نفسها لان انتاج usa دايما بيكون مختلف ثانيا وواضح من interior او exterior مفيش مقارنة بنفس الفئة السعرية للكيا سيراتو ولا هيونداى النترا الحالى والقادم والسيارة تنافس فى فئة اعلى حاليا وشايف انها بتقرب من الفئة دة بالتعديلات الجديدة علشان نكون واقعيين الموديل السابق جاب الشركة ورا وطبعا دة فى صالح العملاء للافضل بالتاكيد

الهوندا سيفيك الجديدة 2013 من راى تستحق ان تقارن ب سوبارو امبريزا - فورد فوكاس - اوبل استرا سيدان - بيجو 408 - سكودا اوكتافيا فقط .. ومش معنى ان سعرى اى سيارة ارتفع للفئة دة يبقى منافس ليهم لان الحكم هنا بيكون على gearbox - Reliability- - - Quality car parts- performance - Safety - handling -

واتوقع لها تقييم عالى بعد ان يتم اختبارها سواء من المتخصصين فى المجال السيارات او المستخدمين وياريت موزع هوندا بمصر يعيد النظر فى السعر على الاقل اسعارها تكون مقاربة لمثيلاتها فورد وسوبارو ويكون فى اكثر من فئة

وطبعا الثقة فى المنتج او العلامة التجارية للسيارة وتاريخها بيضيف لثمن السيارة واظن هوندا او اى من السيارات الذكرتها غنية عن التعريف بداية من المواتير واعتمادية السيارة وليست مشهورة بنجاح تصميماتها فقط ..