الموضوع: تلات اسئله مهمين جدا في الهوندا سيفيك 2012

المشاركة الأصلية كتبت بواسطة jimmy86

كان ليا تلات اسئله مهمين جدا لمالكي الهوندا سيفيك 2012 :
1-هو جهاز الانذار بيشتغل معاكم امتى او هو شغال معاكم ولا لمبه بتنور وبس ؟؟
لمبه بتنور فى العداد دليل على انها اشتغلت و العربيه بتزمر لما تيجى تفتحها من غير الريموت سيب الازاز مفتوح واقفل بالريموت و افتح الباب مانوال وانت تسمع
2-هو مفيش قفل للابواب عند سرعة معينه لوحدها يعني لازم الواحد هو اللي يقفلها بايده ؟؟
لأ للاسف مفيش لازم تقفلها بايدك
3-هو لمبة ال immbolizer بتنور معاكم عند بداية تشغيل العربية زي مابيقول الكتالوج ولا لاه ؟؟
ثانيه واحده اول ما تفتح الكونتاك ركز اوى وهتشوفها فوق على الشمال مفتاح لونه اخضر
ده ملاحظات لاحظتها في العربيه ومقلقاني مش عارف ليه حاسس ان في حاجه غلط ياريت اللي معاه العربيه يفيدني

معتقدش ان فى اى مشكله عندك الحاجه الوحيده الغريبه اللى لاحظتها انا وواحد تانى هنا فى المنتدى لما بتفول التانك بتسمع صوت خبط البنزين جوه التانك مع المطبات والفرامل فى الاماكن الهاديه لحد نص التانك وبعد كده يختفى و فى التوكيل مش عارفين حاجه والرد كده العادى بتاع العربيات كلها

المشاركة الأصلية كتبت بواسطة mohammedaladel

طيب هل نظام غلق الأبواب عند سرعة معينة غير موجود فى كل الفئات ؟؟

للعلم النظام دا يعتبر من أنظمة الأمان اللى مينفعش عربية حديثة يبقى مش فيها

لا موجود فى الهايلاين عن طريق شاشة المعلومات المتعدده i-mid وكمان ممكن تحدد الوقت او السرعه اللى تقفل عندها

المشاركة الأصلية كتبت بواسطة amgomaa

معتقدش ان فى اى مشكله عندك الحاجه الوحيده الغريبه اللى لاحظتها انا وواحد تانى هنا فى المنتدى لما بتفول التانك بتسمع صوت خبط البنزين جوه التانك مع المطبات والفرامل فى الاماكن الهاديه لحد نص التانك وبعد كده يختفى و فى التوكيل مش عارفين حاجه والرد كده العادى بتاع العربيات كلها

متهيالي ان ده عادي و مش عايز اشوف عربيتي بتعمل كده و لا لاء احسن اقعد اركز في الصوت
و اعتقد الحاله الوحيده اللي هتسمعه انك تكون قافل الزجاج و مطفي الكاسيت

المشاركة الأصلية كتبت بواسطة hany63

متهيالي ان ده عادي و مش عايز اشوف عربيتي بتعمل كده و لا لاء احسن اقعد اركز في الصوت
و اعتقد الحاله الوحيده اللي هتسمعه انك تكون قافل الزجاج و مطفي الكاسيت

بالفعل هى دى الحاله الوحيده اللى بسمعه فيها

بخصوص قفل الابواب عند سرعه معينه ممكن يكون عايز يتبرمج جرب افتح الكونتاكت و دوس على زرار lock مده ٢٠ ثانيه كده و لو معملتش فلاشر او حاجه يبقا مفيهاش

الف شكر والله على التوضيح بس موضوع الغلق على سرعه معينه ده اعتقد فعلا انه بيتبرمج لانه موجود في الكتالوج بتاع العربيه وفعلا اللي مزود بشاشة معلومات ده فرقه عن التاني زي مابيقول الكتالوج انه ممكن تبرمج السرعه والوقت وكده بس انت عارف حضرتك حاجه فعلا عمار يامصر لازم تلاقي هدايا كده في السكه يعني عربيه بالتمن ده مش مكلفين نفسهم يحطوا الزرار بتاع الغلق الاتوماتيك للابواب اللي بيبقى جنب زرار منع فتح الشبابيك فعلا ناااااااس ......... يلا ولا بلاش يعني اللي خلاه يحط جهاز المحافظه على الاتزان بتاع العربيه اللي بشرابيح حط الزرار بقى بتاع القفل ده بس فعلا الف شكر على رد حضرتك .