الموضوع: محتاج مساعدة أهل الخبرة ان أمكن في النيسان جوك 2013 تربو

فى حاجه كمان حضرتك يستحسن تتأكد منها و هى انها بتمشى ببنزين كام علشان موضوع التربو ده. لو ٩٥ زى ما اعتقد خللى بالك بقى خلاص ب ٥.٨٥ قرش و الموضوع ده اكيد هيؤثر على سعر اعاده البيع بتاعها كمان غير مصاريف البنزين يعنى . هى كمان اغلبيه العربيات ال ١٦٠٠ هنا بيبقى مكتوب السى سى مضبوط و بيبقى اقل من ١٦٠٠ بحاجه بسيطه و الرقم ده بيتنقل من شهاده المنشأ و مش بيبقى متقرب فهتلاقى عربيات مكتوب انها ١٥٩٠سى سى و نادرا ما هتلاقى عربيه ١٦٠٠ سى سى فعليا يمكن الفيرنا بس لكن الاغلبيه بتبقى اقل بفارق بسيط و لا اعتقد ان القانون هيتساهل فى الموضوع ده فى الجمارك او حتى فى موضوع كوبونات البنزين . لازم يضع فى اعتباره الحاجات دى قبل اتخاذ القرار

المشاركة الأصلية كتبت بواسطة Land_Cruiser

فى حاجه كمان حضرتك يستحسن تتأكد منها و هى انها بتمشى ببنزين كام علشان موضوع التربو ده. لو ٩٥ زى ما اعتقد خللى بالك بقى خلاص ب ٥.٨٥ قرش و الموضوع ده اكيد هيؤثر على سعر اعاده البيع بتاعها كمان غير مصاريف البنزين يعنى . هى كمان اغلبيه العربيات ال ١٦٠٠ هنا بيبقى مكتوب السى سى مضبوط و بيبقى اقل من ١٦٠٠ بحاجه بسيطه و الرقم ده بيتنقل من شهاده المنشأ و مش بيبقى متقرب . لازم يضع فى اعتباره الحاجات دى قبل اتخاذ القرار

والله دي فعلا نقاط تتاخد في الاعتبار ,,,


بس دة معناه انها هتتعامل كفئة أعلى من ال 1600 ؟؟


ربنا يستر

المشاركة الأصلية كتبت بواسطة Youssef.Awad

Opppppppps
معلومة جديدة عليا مع انى شوفت العربية فى السعودية وعارف ان كل مواتير الجوك بتنزل 1600 سى سى
لكن موضوع التربو ده الحقيقة مش عارف بالظبط لأن البروشور مكتوب فيه 1600 سى سى

المشكلة ان عربيات نيسان الجديدة اللى نزلت السعودية من اول يوليو 2012 تابعة لتوكيل العيسى وده بيجيب العربيات مؤقتا من سلطنة عمان وليس من نيسان الام من مصانعها حسب كل طراز حتى يتم اعلان الوكالة رسميا مطلع 2013 بعد سحب التوكيل من الحمرانى
وبالتالى ده ممكن يكون ورد خطأ فى بطاقة الافراج الجمركى الخاص بيها عند دخولها السعودية لأن كل دول الخليج بتتعامل مع العربيات كشريحة واحدة برسوم ثابتة لا تتجاوز 3000 ريال سعودى عكس مصر كل شريحة بسعر وجمارك مختلفة حتى تختلف من موديل لموديل وشركة لشركة اخرى

طبعا لو صح كلام صاحبك ده وشاف البطاقة الجمركية بنفسه (نسيت اقولكم على حاجة مهمة جدااا ان البطاقة الجمركية وكمان رخصة العربية عند ترخيصها فى المرور بالسعودية لا يتم كتابة سعة المحرك فيهم ههههههههههههههه !!! ... عارفين ليه ؟ الاجابة: عشان الموتور ده قطعة استهلاكية ممكن يتغير كذا مرة فى عمر العربية لكن الاهم هو رقم الشاسيه او الهيكل !!!)

ودى صورة البطاقة الجمركية لعربيتى السبورتاج للتوضيح والتأكيد ..



الخلاصة:
ياريت صاحبك يتأكد من اكتر من مصدر موثوق فيه (غير طبعا مندوبين مبيعات المعارض) وكمان بالسفارة قبل ما يتم عملية الشراء لأنه فعلا لو كان ورق العربية الرسمى مكتوب فيه 1618 سى سى
هايتحاسب جمركيا على شريحة من 1601-2000 سى سى يعنى 135% بدلا من 40% وفى الحالة دى سعر العربية هايكون مبالغ فيه واحسن له يبيعها فى السعودية وينزل يشترى واحدة فى مصر باقل من ثمن الجمارك اللى ممكن يدفعها او يجيب قاشقاى احسن له لأنها 2000 سى سى فى السعودية مش 1600

وبالنسبة للبنزين ما اعتقدش ان مشكلة التربو فى اشتراط بنزين 95 .. المشكلة هاتكون فى الصيانة وقطع غيار مخصوصة ببعض اجزاء التبريد والمحرك وخبرة صيانتها واصلاحها لأنها مش موجودة فى مصر اصلا

هوة فعلا اطلع بنفسه على شهادة المنشأ


نيسان جوك تيربو 188 حصان

ولقاها 1618 cc

كدة هيصرف نظر تماما ,,, ,,, لو تبين ان تعامل الجمارك معاها على انها فوق 1600


ربنا ييسر الخير

انا عارف فعلا أنهم فى السعودية مش بيشترطوا من ضمن اجراءات الترخيص سعه الموتور لأنهم ما عندهمش جمارك و العربيات هناك كتير منها ٦ و ٨ و احيانا ١٢ سلندر كمان و أرقام سى سى مهوله فالموضوع مش محتاج وجع دماغ بالنسبه لهم لكن عندنا زى ما احنا عارفين بيحتاجوا شهاده المنشأ و بينقلوا منها رقم السى السى فيستحسن لو عايز تدخلها تشوف الرقم بعينك الاول بدل ما تدبس انا كمان مش مع الفكره علشان موضوع الصيانه بتاعتها زى ما يوسف باشا بيقول و مدى توافر الخبره عند الفنيين بالنسبه لها و ده بالاضافه لو ليها قطع غيار مخصوصه لبعض الاجزاء الغير مشتركه مع الجوك العاديه اكيد مش هتكون موجوده هنا لان التوكيل ما بيجيبهاش اصلا فحتى لو وافق يجيبهالك هيبعت يستوردها مخصوص وده طبعا هياخد وقت و فلوس و كمان ساعه لما تيجى تبيع و دى فيها تربو اللى هيجى يشترى هيقولك دى ١٦٠٠ خليجى تربو بقى مش تربو انا مليش دعوة سواء كان مش فاهم بقى او بيستهبل النتيجه هتكون واحده و هو سعر اعاده بيع لا يتناسب مع قيمتها الفعليه فالافضل يا أما يجيب العاديه من هناك (بس يتأكد بالمره من السى سى بتاعها مكتوب كام) او يبقى يجيبها من مصر بضمان الوكيل و يريح دماغه و خلاص

المشاركة الأصلية كتبت بواسطة Youssef.Awad

الجمارك بتتعامل بورق ولوائح وقوانين يعنى موضوع لا جدال فيه
عن نفسى مش باحبذ نزول عربيات خليجى لمصر الا فى ماركات معينة زى الاكتافيا - سيراتو - الانترا - كورولا اوقات بيكون فيها مكسب كمان
لكن انا بافضل اركب العربية فى بلدها ولما انزل مصر اشترى منها واريح دماغى وصدقنى فرق الكماليات ما بتفرقش
ومعدل استهلاك العربيات فى الخليج مرتفع جدااااااااااا يعنى كام شهر من الزيرو العربية بتفقد زهوتها وكمان سنة او اتنين بتخسف بيها الارض وينزل عليها موديلات جديدة ومستوى الاصلاح والصيانة حتى فى سيارات القمة الفارهة سيىء جدااااااااااااااااا
وبالتالى العمر الافتراضى للعربية بيكون قليل مش زى مصر هاتلاقى 1000 واحد يرجعهالك زيرو تانى

والله معاك حق فعلا

أتا كل ما أنوي على حاجة من السعودية ,,, أحس ان لما أجيبها من مصر هتكون أفضل ليا

وراحة بال ,,, ويفضل طعم الجديد فيها

وأهم حاجة

ان مصر لها قوانينها الخاصة البيئية والحياتية والاجتماعية والاعتمادية ,,, اللي بتأثر على اختيار السيارة


شكرا جدا لحضرتك

على فكرة انا شخصيا عاجباني البيجو 508 التربو ,,, وان شاء الله هسنخير أجيبها منين

وان كان مواصفاتها هنا في السعودية أعلى