هاشتري ان شاء الله اسبيرانزا A516 واريد النصيحة من أهل الخبرة

**medomasry** · 02-01-2009 12:24 AM

يا عم الباشااااااااااااااا العربية معايا وقلت ليك
مفيش كلام فى الثيات حتى 170 العربية ما بتتهزش
الفرامل بتشعرلها بتكون وقفت
العفشة جامدة جدا وبتستحمل
ولو عايز تعمل دور تانى شغال مفيش مشكلة العربية بتسد
والله حلوه جدااااااااااااااااااااااا ااااااااااااا

**mahmoudzaied** · 02-01-2009 01:17 AM

بص
الاسبرانزا مع واحد صاحبى
هيا العربية عاملة 22 الف كيلو
بس لحد دلوقتى مفيهاش حاجة خالص
بس انا رأيي
فكر فى الفيرنا - اللوجان - اللانوس
رغم انى مش معترض على الاسبرانزا
ودا عن تجربة والله وكتير كمان وبسرعات عالية وسرعات منخفضة
بس هيا بعد ال 120 ثباتها بيبدأ يقل عشان البور الكهربة بتحس ان الدركسيون بيعوم فى ايدك
لكن عيوب تقفيلها دا عادى جدا (تقفيل مصرى)
لكن موتور وعفشة زى الفل
يا ريت اكون افادتك
ويا ريت اللى يرد يكون مجرب العربية

**evram** · 22-02-2009 07:49 AM

انا بقول لكل الي خايف من العربية يكلمني علي الايميل بتاعي و انا اقولة بس هي عربية جميلة evramandbavly@yahoo.com

**hesham_shousha** · 23-02-2009 07:59 PM

الحقيقه أكتر رد لفت نظرى العضو اللى قال ان تغيير الكاتينه يتكلف 2800 جنيه كل 30 ألف
مع العلم ( مع عدم المقارنه طبعا ) البيجو 305 سير الكاتينه بتاعها ب 275 جنيه بالشدادات ومابيتغيرش خالص الا كل ما تيجى تعمل عمره

تحيا السيارات القديمه الاصيله ( خلوها تصدى وموديلها يعدى )

**excel_team2000** · 23-02-2009 10:24 PM

انا اشتريت 516 زيرو ودلوقتى مشيت 10000ك الموتور جيد مفيش مشاكل منه
العفشة ناشفة بس مش بتفرق مع المشى الهادى
الصاج ممتاز
الثبات اكثر من رائع جربت حتى 160ك
السيارة بصفة عامة قوية الاحتمال
اهم عيب فى السيارة التقفيل المصرى وعيوبه وفيه نسبة حظ مثلا فى واحد اشتكى من ريموت لايعمل او فرامل بتصفر او زجاج لايعمل او حدفة يمين او شمال انا لم يظهر عندى اى عيوب ومعظم تقفيل
2009 خالى من مشاكل التقفيل
العيب التانى هو سوء جودة الخامات الداخلية سواء بلاستيك او جلد وتحتاج الى معاملة خاصة ونضافة مستمرة مثلا كل فترة الاقى الفتيس عليه علامات سوداء من مكان يدى بمسحه كل اسبوع وانصحك بالجراج وبالتوفيق إن شاء الله