المشاركة الأصلية كتبت بواسطة birdybirdy
هو دلوقتي وحاليا انا مش متعصبة :)
بس لما بشوف حد مشغل النور العالي أو عنده زينون في عربيته بيركبني 100 عفريت وبتعصب لإني بضطر يإما أغمض عيني يإما احط ايدي علي عيني :oops: يإما افضل مفتحة عينيا والنتيجة بتكون واحدة وهيا اني مبشوفش الطريق قدامي لمدة اينعم بسيطة بس كافية لإن تحصل اي حادثة لاقدر الله
وبالنسبة لسؤال ليه الباشا (اللي هو انا مع اني مش باشا ولا حاجة) عصبي لإن لو حضرتك اخدت بالك انا كنت هاخبط واحد معدي قدام عربيتي علي رجليه بسبب الظريف اللي مشغل العالي ده :oops:بس الحمد لله جت سليمة ومخبطوش وده ستر ربنا طبعا.
ياريت يعينوني انا الضابط اللي يعاين اللمبات الزينون دي وساعتها مش هاخلي حد ينور عربيته خالص ويمشي بيها مضلمة تماما. :) (بهزر طبعا اقصد اني ساعتها مش هاسمح الا بالزينون القانوني اللي مش بيضر العين وهو اللي اشار ليه الاخوة بيبقي نازل مع العربية اصلي او بتشتريه بملغ يصل الي 3000 جنيه (بالزمة مين هايدفع 3 الاف جنيه عشان يركب زينون)