-
و كمان موجه اضائته لتحت ، يعني يعتبر تحت الاكصدام بتاع العربية الى قدامك ، الواحد لازم ما يضايقش الى قدامه و الى ما ترضهوش ليك ما ترضهوش لغيرك ، طب دلوقتى الحل ايه ، الاغلبية الى اتظلمت صرفت اد كده فى تركيب الزينون ، غير انه فعلا بيكشف عيوب الطريق ، لازم يكون فيه حل ، و بعدين رجال الاعمال الى استوردو الزينون دول مش ها يعملو حاجة؟ ولا خلاص استكفو؟
-
اهو كلو زينون انا بقولك انا مركب لمبات 45 وات على كتاوت لونها قريب من الزينون اتغرمت وانت تقولى زينون والله بعد لما كنت هاجيبه غيرت رائى
-
ههههههه ، طب انت ربنا انقذك و ما ت دبستش ، طب الناس الى اتدبست ، و غير كده لو فكرت تبيعه مش ها يجبي حاجة ، عموما انا فكيته امبارح احتياطي اليومين دول لانى مش فاضي اقف فى لجان ، و بعدين افوق بقى للموضوع ده و نشوفله حل
-
-
يا جماعه انا ظابط مرور قالي لو مركب عدسه او الفنوس في عدسه مش مشكله عشان بيكون النور متحدد ومش بيوجع العين بس لو مركب زينون على فنوس عاادي وتعمي الناس ليه حق ان يفكو ويسحب الرخص انا بشوف ناس حطين زينون على 128 ومشغل العالي وفرحان وبيعمي كل الناس وده غلط :dots:
-
طيب اللى معاه عربيه قديمه مش جديده اوى وعاوز يركب زينون يعمل رنجات وبعديها لو وقف فى لجنه الظابط مش هيكلمه ولا ايه
طيب لو حتى عربيه نازله من الشركه بزينون هو الزينون بيتثبت على الرخصه زى الفاميه والستاير
بلد بتاعه شهادات صحيح محدش فاهم حاجه
-
ولا عزاء للزينوناوية....ولا أراكم الله مكروها فى "فانوس" لديكم
الزينون مش ممنوع نصا...بس هيا حسب مزاج الباشا الضابط بقى
فاللى عندو زينون...يتفضل كدا و يحله من العربية لحد مالهوجة بتاعت المرور دى تخلص (زى الحزام كدا بالضبط) و بعد كدا ربك يسهلها
-
الزينون يندرج تحت بند الانوار المبهرة , وهى ممنوعة فى القانون القديم و الجديد
-
ما هو يا يسفلتو الشوارع عدل وينوروها كويس يا امه يسيبو الناس تحط زينون هما عايزين يخربو بيوت الناس وخلاص
-
يا جماعه مبدئيا الزينون مش ممنوع فى اى حته فى العالم والدليل انه بيتباع فى كل دول العالم المتقدمه والناميه وانا والدى كان هيجيبوا من فرنسا بس كان غالى جدا و بعدين عندكم عربيه زى اللانسر الشكل الجديد اسبورت خليجى (الكويتى) بتنزل بزينون جامد جدا وقوى اوى وعالى جدا بجد عن تجربه مع واحد جارى طيب ده هيعملوا فيها ايه وبعدين مره حصل مع واحد صحبى مركب فى الفوجات والعالى والواطى وقف فى لجنه الظابط بيقوله الزينون ده ممنوع فقعد يضحك فالظابط بيقوله بتضحك على ايه قاله انت بتهزر ممنوع ازاى امال المازدا 3 ايرو (اعلى فئه) بتنزل بزينون قاله ده بتتثبت على الرخصه قاله خلاص انا واقف معاك لو جت مازدا 3 ولقيت الزينون مثبوت فى الرخصه اسحب رخصى فالظابط قاله خد نفسك وامشى وبعدين انا ولله مخلى الزينون فى نفس مستوى النور الاصلى للعربيه وعمرى ما بشغل العالى الا اذا واحد بيستظرف وييقلب العالى علشان اطفى الفوجات او عندنا فى اسماعيليه حاجه غريبه جدا بسببها انا اشتريت الزينون وهو ان لو حد جاى فى وشك(مقابل) وخصوصا سواقين التاكسيات لازم يديك العالى سواء الشارع مظلم او منور فبديله حته زينون علشان يحترم نفسه بس
Content Relevant URLs by
vBSEO 3.6.0 PL2