الموضوع: الحمد الله استلمت نيو صنى سوبر صالون الاسبوع الماضى والاكصدام اتخبط من ثلاث ايام

فى البداية احب اشكر المنتدى وجميع الاعضاء الكبار والجدد على المعلومات القيمة اللى الواحد استفاد منها من هذا المنتدى الرائع وبتاسف على التاخير فى كتابة هذا الموضوع لظروف السفر وان شاء الله هقسم هذا التقرير الى عدة اقسام
اولا استلام السيارة
كان ميعاد الاستلام يوم السبت الساعة 3 تقريبا ذهبت مع احدى اصدقائى اتو ايجيبت المهندسين واستقبلنا مندوب المبيعات بالترحيب وقلنا تحبو تدفعو الاول ولا لما تشوفو العربية قولتلو اشوف العربية الاول شوفت العربية اللون برونزى فرش اسود زى ما اخترت بالتمام شرحلى العربية وجميع الامكانيات اللى فيها ومعظم الاوبشن اللى فيها وقلى ان العربية متلينة ممكن تمشى باى سرعة زى ما تحب وممكن تشغل التكيف لان كل المواتير بتتلين فى المصنع قلتله تمام طبعا جربت كل حاجة الابواب والكراسى والزجاج وكان الحمد الله كله تمام العربية كانت عاملة 27 كيلو والحمد الله البطارية جافة
ثانيا الاوراق
1- استلمت ثلاث ورقات مصورة الورقة الاولى شروط الضمان الورقة التانية مراكز الصيانة المعتمدة وارقام التلفونات الورقة التالتة خصم 100% على مصنعيات صيانة الالف كيلو الاولى
2- خطاب موجة الى المرور علشان الترخيص
3- شهادة ملكية (مبيعة من مصنع نيسان مصر الى شركة اتو ايجيبت)
4- فاتورة ضربية للسيارة
5-محضر تسليم سيارة
6-كتيب الضمان
7-دليل المستهلك (كتالوج السيارة)
ثالثا الترخيص
ذهبت تانى يوم بعد الاستلام الى مرور فيصل تم الفحص واخد البصمة وشراء الطفاية والمثلث وشنطة الاسعاف واتكلف فى الاخر الترخيص ثلاث سنوات 1200 جنيها بكل حاجة من الاول الى الاخر
رابعا التامين
تالت يوم رحت امنت على السيارة فى شركة قناة السويس بعد ما شكر فيها اعضاء كتير وكان التامين كالاتى شروط التامين
1- نسبة تحمل اربعة من الالف يعنى حوالى 448 جنية عن كل حادث
2-تامين شامل ضد الحوادث والسطو
3-عربية بديلة فى حالة حادث او عطل يعوق السيارة عن العمل لمدة ثلاث ايام العربيات البديلة(النترا - كورولا - لانسر)
4-خدمة الفا وهو القطر لو حصلك حادث فى الطريق بيبعتولك ونش مكان الحادث
5- اهلاك قطع غيار 5%فى السنة
6- هلاك كلى 50%
وحاجات تانية كتيرة فى الوثيقة لو حد عايز استفسار فيها انا على اتم استعداد للاجابة المبلغ اللى دفعته فى الوثيقة تامين شامل لمدة سنة 3814 جنيها
خامسا تقيم السيارة
عايز اقول بسم الله ماشاء الله العربية افضل بكتير من ما كنت متوقع العربية ناعمة جدا سحبها فوق الممتاز فرامل حديد صالون واسع جدا والفرش الاسود فى السوبر صالون جميل جدا علشان عامل شغل حلو مع النواكل والكروم البلوتوث ممتاز العفشة ناعمة ما فيش عندى صوت تزيق فى المسعدين عموما تقيمى للعربية دة من خلال 300 كيلو علشان كدة مش عايز اتكلم كتير علشان فى حاجات تانية محتاجة وقت علشان تقيمها بصورة موضوعية بس عموما تقيمى للعربية انها تستحق كل مليم دفع فيها
سادسا الحادث
وانا ماشى فى طريق الهيبر 6 اكتوبر واحد ربنا يسمحه جاى من الخلف كنا فى الطريق البطىء حب يروح على الطريق السريع راح كسر فجاة عليا فخبط الاكصدام من الجنب اليمين طبعا اتفك الكلبسات اللى فى الجنب اليمين واتشرخ الاكصدام بتاع حوالى عشرة سنتمتر من المنتصف الحمد الله قدر الله وما شاء فعل
واخيرا اتمنى انى اكون قدرت اقدم ولو معلومات بسيطة للى هيستلم قريب واكون افدت المنتدى بشىء بسيط زى ما انا استفدت منه بالكثير


تم تعديل عدد الكيلومترات المستلمه بها السياره بناء علي توضيح العضو في مشاركاته منعا لحدوث بلبله
مشرف عام 1

معلشي هيه العربيه الجديده لازم تاخد خبطه كده فى الاول والحمد لله انها جت على قد كده. أنا وأنا راجع من المرور بعد ما رخصت جت طوبه فى الازاز الامامي وغيرته فى التوكيل ب 2950 جنيه وده كان أول مشوار للعربيه.

المشاركة الأصلية كتبت بواسطة ahmed_adham

معلشي هيه العربيه الجديده لازم تاخد خبطه كده فى الاول والحمد لله انها جت على قد كده. أنا وأنا راجع من المرور بعد ما رخصت جت طوبه فى الازاز الامامي وغيرته فى التوكيل ب 2950 جنيه وده كان أول مشوار للعربيه.

الازاز الا مامى ب 2950 جم دا مش غالى كده

معلشي هيه العربيه الجديده لازم تاخد خبطه كده فى الاول والحمد لله انها جت على قد كده. أنا وأنا راجع من المرور بعد ما رخصت جت طوبه فى الازاز الامامي وغيرته فى التوكيل ب 2950 جنيه وده كان أول مشوار للعربيه.

الف الف مبروك يا باشا ربنا يديك خيرها و يكفيك شرها و بالنسبة للخبطة و لا يهمك انا برضه رابع يوم ما استلمتها و انا واقف و الدنيا زحمة لقيت هوب هبدة و موتوسيكل مقلوب عليا من ورا و ده بقى خبطلى الشنطة و الاكصدام كمان و لما رحت التوكيل فى صيانة الالف و بوريهاله لقيته بيقولى دى عين عادى

الحمد لله اناه جت على قد كده

تحياتى

قدر الله ما شاء فعل و بسيطه ان شاء الله ...... النهرده الضهر شفت واحده لونها فضي و مخبوطه من ورا و وش الفانوس يمين مكسور و الاكصدام متدغدغ .... دي عربيتك ؟ xD

كانت في اكتوبر قدام جامعة مصر