الموضوع: سؤال عن عمل شمبر للمارتي

المشاركة الأصلية كتبت بواسطة max100x

السلام عليكم
نويت اعمل نص عمرة للعربيه لانها بتاكل زيت معايا و بلاقي دخان ابيض طالع منها بالاضافه ان كل شويه بلاقي بوجيه بيفصل و ببقي مضطر اغيرهم كل شويه

انا رحت لميكانيكي في جسر السويس و قالي نص العمرة مصنعيه تكلفك 500 جنيه طبعا بخلاف قطع الغيار

حبيب اضيف اني بمشي بالعربيه علي 110 و زي الفل معايا بس المشكله انها بتدخن و بتاكل بوجيهات بشكل دايم

و ياريت لو حد يدلني علي ميكانيكي كويس اذا مكانش الراجل بتاع المطرية اللي عمرو اكسل بينصح الناس كلها بيه و كمان ايه ايه قطع الغيار اللي هحتاج اجبها علشان القصه دي؟

انا على فكرة عندى نفس الاعراض اللى عندك دى
و كنصحية منى فكر فى تسقيط موتور بدل موضوع نص عمرة علشان كذا سبب

1- (الصنعه): مفيش ميكانيكى فى مصر بيعمل العمرة زى الكتاب ما بيقول مما يؤدى الى نتائج غير مضمونة طبعا يعنى انتا و حظك على عكس الموتور الاستيراد اللى ليك ضمان اسبوع

2- (قطع الغيار): مفيش قطع غيار محترمة للموتور من بلى و ما شابه موجودة فى السوق

3- (الوقت): ضياع وقت كبير (من اسبوع لأسبوعين) فى موضوع العمرة و التليين و ما بعد التليين من اعراض على عكس التسقيط اللى بياخد يوم او يومين بالكتير مع ضمان الاستبدال خلال اسبوع

4- (التكلفة): كمان لما الميكانيكى يفك احتمال كبير هيلاقى الموتور محتاج حاجات تانيه تتغير و دى تكلفة مضافة لقطع الغيار اللى عايزة تتغير بالفعل(من طقم شمبر و جوان وش سلندر و ما شابه) مضافة للمصنعية هتلاقى الموضوع فى الغالب مبقاش فارق كتير عن ثمن الموتور الاستيراد بل على العكس يعنى على المدى الطويل هتلاقى موضوع تسقيط الموتور اوفر

و لك الاختيار طبعا فى الاخر و موفق ان شاء الله
و كسؤال على الماشى الماروتى اللى معاك موديل كام؟