الي اصحاب هوندا الجيل الخامس 92 ماهي المصاريف الشهرية للسيارة

**Saeed-Taha** · 29-11-2012 10:44 AM

بص ياباشا 300 جنيه كتير جدااااااااااا
بس فى الاول والاخر هيا بتعتمد على حالة العربية وانت لسه شاريها وحالتها بعد استعمالك أنت

أنت بس أول ما تشترى العربية تشوف هيا محتاجة ايه وتعمله كله مرة واحدة
وبعد كدا مش هتصرف غير بنزين وزيت وصيانة دورية كل فين وفييييييييييين

وبيتهيألى الكلام دا بيعتمد على أى عربية مستعملة مش الهوندا بس

**م/اكرم** · 29-11-2012 10:51 AM

انا لسه جايب العربيه من شهر ونص.....يادوب عملتلها السيرفيس و وبسم الله ماشاء الله....وبالنسبه للناس اللي بتقولك بلاش السيفيك ال 92....ميعرفوش الاسطورة ولا ايه؟ :)

**ahmedeihab** · 29-11-2012 11:15 AM

الرجاله قامت بالواجب

^_^

**SAMEH_FOUAD** · 29-11-2012 01:42 PM

المشاركة الأصلية كتبت بواسطة ibrahim hassan

ههههههههههههههههههههههه
حلو قصيدة صاحبه دى يا سامح
بس عايز أقول لصاحب الموضوع فعلا لو معاك عربيه حالتها كويسه وبتروح لمتخصص سواء ميكانيكى أو كهربائى وتجيب قطع غيار جديد أو إستيراد زى ما الناس هنا تنصحك صدقنى الحاجه اللى هتغيرها هتنساااااااااااها عن تجربه

ياهيمة المشكلة كلها ان فعلا الاقاويل كتير جدا , ووصلت للناس الكبار هقولك على حاجة حصلت معايا

لما جيت اشترى السيفيك بتاعتى , خالتى عرفت انى هجيب سيفيك راحت قالت للحاجة الهوندا حلوة وكل حاجة بس غالية اوى وحاجتها ناااااااااااااااااار مولعة , حسستنى انى هشترى كيس شيبسى شطة وليمون

ووالدى قعد ينصحنى بعد ماسمع كلامها قولتلة بقولك اية ياباشا , سيبك من كلام الناس ودية مش خالتى بس سيبك منها نفضلها ياعم الحاج انا عارف انا بعمل اية

والحمد لله ماندمتش ابدا فى اختيارى بالعكس انا ندمت فى حاجة واحدة ( انى مش عارف اركب اية غيرها ) الهوندا دية لعنة اللى بيركبها مبيعرفش يخرج منها خالص وخصوصا الموديل دة فظيع فى كل حاجة

**AHMED_HAMDY** · 29-11-2012 02:20 PM

والله ولا كلمه بعد كلام سامح انا دلوقتي والدي عايز يجيب فكرني في حاجه عاليه v5 او اسبورتج او قشقاي معا انها حاجه والهوندا حاجه مش استريحنا

جيت ابص اوكتافيا والعربيات دي والله زي مكون مش ارتحت
الهونداا من 92-95 مصيييييييييبه وبجد اللي يركبها مش هينزل منها ابدا ولا يفرط فيها

**f.omar** · 29-11-2012 10:30 PM

المشاركة الأصلية كتبت بواسطة abo-berry

ياباشا مفيش حاجه اسمها مصاريف شهريه ,كل اللى انت هتعمله اول ماتجيب اى عربيه مستعمله تعمل طقم سيرفيس كامل من زيوت وسيور وفلاتر ولو العربيه محتاجه شغل فى الكهربا او الميكانيكا بتعمله , وبعد كده على حسب الكيلوهات اللى بتمشيها وشكرا على كده

وطقم السيرفيس الكامل تغيير زيوت وسيور وفلاتر تقريبا بالمصنعية يعمل كام؟ وحلو اوي علي حسب الكيلوهات اللي همشيها لان العربية استعمالها هيبقي خفيف جدا جدا جدا اذا علي كلامك مش هعمل صيانة كل شوية ده علي اساس ان المكنه والعفشه نضاف ومفيهمش شغل يبقي بنزين وزيت بس صح

**Mohammedgamal** · 29-11-2012 10:43 PM

و علي فكرة يا باشا العربية ليها قطع غيار جديد و استيراد في اسماغيلية توكل غلي الله و اطمن ان شاء الله

**SAMEH_FOUAD** · 30-11-2012 12:35 AM

المشاركة الأصلية كتبت بواسطة f.omar

وطقم السيرفيس الكامل تغيير زيوت وسيور وفلاتر تقريبا بالمصنعية يعمل كام؟ وحلو اوي علي حسب الكيلوهات اللي همشيها لان العربية استعمالها هيبقي خفيف جدا جدا جدا اذا علي كلامك مش هعمل صيانة كل شوية ده علي اساس ان المكنه والعفشه نضاف ومفيهمش شغل يبقي بنزين وزيت بس صح

بقولك اية يافيصل انا اعرف واحد مارحش للميكانيكى لمدة سنة مغيرش حتى زيت وعمل فى السنة دية بالظبط 8000 كيلو والعربية ماصرفتش اى مليم غير البنزين فقط لاغير

وبعد السنة غير الزيت والفلتر وجية يربط عفشة مالقهاش محتاجة , مع انة كان مشقيها فى شوارع مايعلم بيها الا ربنا , وغير زيت فتيس احتياطى لانة اتوماتيك

والعربية كانت si بس نظيفة ومتحافظ عليها

ماتشغلش بالك ياباشا سيب الحاجات دية بتاعة ربنا , انت اعمل اللى عليك وهات عربية نظيفة , وهتبقى ممتازة ومريحة جداااااااااااااااااا معاك