تشتغل في ليبيا ؟؟؟

**Falcon.Crest** · 14-07-2008 10:17 PM

look man i am in libya since 2 years working for Schlumberger, i will back egypt after 6 days you can call me on 0101714390 for any thing you more than wellcome

**sab3aawy** · 15-07-2008 10:07 AM

المشاركة الأصلية كتبت بواسطة zalabany2007

أي حته في الدنيا هاتبقى أحسن من البلد الجميله اللي احنا عايشين فيها

انت محتاج تشوف ليبيا علشان تغير رأيك، انا زرت ليبيا مرة واحدة فقط وبعد العودة سجدت على الأرض شكرا لله على نعمته علينا ببلدنا الللى احنا عاييشن فيها، بالمقارنة بليبيا مصر تعتبر دولة اوروبية، سيبك من الكام عربية اللى اثرياء لبييا بينزلوا يتفسحوا بيهم فى مصر، فيما عدا ذلك لبيبا بلد كئيبة جدا والانجاز الحضارى فيها لا يذكر، يعنى طرابلس دى شبه اسكندرية فى اواخر السبعينات اما بنى غازى فهى شبه السويس بعد حرب 67، لكن فى النهاية لو الفلوس كويسة فالمعيشة هناك مش مميتة يعنى، بس الواحد هيحس انه عايش فى الأرياف ، لكن اكل العيش يعلو فوق كل اعتبار

**aif** · 15-07-2008 11:37 AM

المشاركة الأصلية كتبت بواسطة goodwave

السلام عليكم
لي صديق يعمل في مجال الملاحة وقد جاءة عرض (عقد عمل) في شركة الملاحة الوطنية الليبية .... بالنظر لموقع الشركة على الإنترنت فهي شركة كبيرة وتقوم برأس مال محترم وعدد لا بأس به من المراكب التي تعمل في مجال نقل البترول.

المرتب ضعف مرتبه الحالي في مصر + السكن والعفش على الشركة + تذاكر الطيران له ولأسرته على الشركة.

مقر الشركة في مدينة طرابلس.

فما رأيكم دام فضلكم؟ إية رأيكم في ليبيا والعمل فيها؟ هل لكم قريب او صديق بيعمل في ليبيا؟ ما مستوى المعيشة هناك؟ ما نوع المعاملة مع المصريين؟ هل تكلفة المعيشة غالية؟ كيف تبدو مدينه طرابلس؟ واي معلومات قد تفيد يكون لكم جزيل الشكر وجزاكم الله خير.

انت كدة عرضت نص المسألة بس ....
الأهم هو وضعك في مصر .....ايه اللي انت ح تضحي بيه في مصر عشان تروح ليبيا ....
لو انت مش بتشتغل في مصر مثلا .... يبقى روح وانت مغمض... ما عندكش ما تبكي عليه
لكن لو عندك وظيفة ... مش ح اقول مرموقه ... لكن وظيفة بتكفيك وتعرف تعيش منها كويس وتربي اولادك ...... يبقى هنا بقى لازم تفكر كويس وتكون مطمئن للوظيفة اللي انت رايحها والشركة اللي ح تشتغل فيها ... مع مراعاة عنصر الاستقرار الشبه مفقود في ليبيا .....
ممكن في يوم وليلة تلاقي السواق بتعاك بقى رئيس مجلس الادارة ... اللجان الشعبية رشحته ..... دي مش خيالات ...ده واحد حكاهالي عن تجربة واقعية ... ومش في شركة ...... في محكمة ..... ايون محكمة من بتاعت ...حكمت المحكمة حضوريا .....بالاعدام شنقا ... السواق بقي مدير كبير اوي وبيرأس قضاة

**Islam_galal** · 15-07-2008 11:53 AM

المشاركة الأصلية كتبت بواسطة tutankhamoun

فطستني من الضحك يا أستاذ أحمد
بس هي فعلا ليبيا بلد غريبة قوي
مفيهاش ثوابت و لا قوانين
كل حاجة ممكن تطلع في يوم و ليلة و ثالث يوم يلغوها
بلد زي العسل و القذافي جميل

و الصين حلوة

**محمد المشد** · 15-07-2008 03:07 PM

من راى توكل على الله وربنا يوفقك ويرزقك ويكرمك 00 لن يكون اى موقع للعمل مفروشاً بالورود والزهور ولابد من التعب والاجتهاد ، وياسيدى اهى تجربة لمدة عام اما انها سوف تصيب او تخيب وربنا يوفقك

**analyzer** · 15-07-2008 09:14 PM

اخى الفاضل

خلى صلاة الاستخارة هى الفيصل

**aliabutaleb** · 16-07-2008 12:15 AM

المشاركة الأصلية كتبت بواسطة analyzer

اخى الفاضل

خلى صلاة الاستخارة هى الفيصل

طبعاً لا خلاف على إن الاستخارة هي الفيصل
بس أظن والله أعلم إن الاستخارة من غير سعي من ناحيته لتحري الأمر مش هاتكون كافية
وده اللي أخونا بيعمله هنا وهو انه بيسأل أصحاب الخبرة في الأمر

**Xpert** · 16-07-2008 01:28 AM

و لو في شغل في الصين كمان روح .. بس يكون مجدي و مريح ...

**goodwave** · 16-07-2008 10:09 AM

الاستخارة أساسية وموجودة والحمد لله
بس زي ما أخي على قال لازم السعي وده إللي بعض الناس ممكن تغفل عنه.
يعني المفروض استخير وأتوكل على الله في القرار إللي أنا ميال له او شايفة صح بعد الاستشارة .... بعد كدة ... يأتي دور الاستخارة في المسائل الغيبية .... بمعنى انا بعمل وبستشير وبتوكل على الله .... اما تيسير الامور او تعطيلها فهو من عند الله لحكمة يعلمها هو وبناءا على طلبي من الله في الإستخارة "إن كان خيرا فيسره وبارك لي فيه" وإن كان شرا "فأصرفه عني وأصرفني عنه"

وفي إنتظار باقي النصائح والمعلومات من الأخوة