صوت غير معلوم المصدر من لوجان 2013

**NaderNabil** · 02-12-2012 12:02 PM

باشا لو يناسبك تيجي المعادي أو التجمع الخامس في أي يوم و نبص عليها مع بعض و إن شاء الله نشوف الصوت ده طالع منين

**yasser3da** · 03-12-2012 10:06 AM

علي فكرة يا جماعه بعد اذن صاحب الموضوع .. الصوت صفارة ليست دائمه عند الضغط علي دواسة الفرامل وده لا يقبل الشك لاني ركزت مع العربيه طول مانا ماشي النهارده في الطريق.. (ملاحظة) ,,استجابة الفرامل ماشاء الله جيده.
سألت واحد صاحبي قاللي ممكن عشان مغسلتش العربية من ساعة ما جبتها من شهر أكتوبر اللي فات وقاللي دا تراب .. ايه رأيكم؟

**mo_x5** · 03-12-2012 10:57 AM

اولا انا بشكر كل الناس اللى بتحاول تساعدنى فى موضوع الصوت ده ....و عاوز اوضح كذا نقطهبعد اذنكم
- الصوت اللى اقصده مش صوت صفاره او خبط ده صوت بيطلع من سماعه او من جهاز ما فى العربيه "صوت الكترونى يعنى :) "
- هو فعلا بيحصل سواء الكاسيت شغال او مطفى
- الكاسيت معموله الكود بتاعه و بيشتغل لمدد طويله عادى
- الغريب بقى يا جماعه ان الضوت ده بطل يطلع من ساعه ما حطيت الموضوع ...علشان كده انا متأخر فى الرد على حضراتكم :)

**NaderNabil** · 03-12-2012 11:19 AM

المشاركة الأصلية كتبت بواسطة mo_x5

اولا انا بشكر كل الناس اللى بتحاول تساعدنى فى موضوع الصوت ده ....و عاوز اوضح كذا نقطهبعد اذنكم
- الصوت اللى اقصده مش صوت صفاره او خبط ده صوت بيطلع من سماعه او من جهاز ما فى العربيه "صوت الكترونى يعنى :) "
- هو فعلا بيحصل سواء الكاسيت شغال او مطفى
- الكاسيت معموله الكود بتاعه و بيشتغل لمدد طويله عادى
- الغريب بقى يا جماعه ان الضوت ده بطل يطلع من ساعه ما حطيت الموضوع ...علشان كده انا متأخر فى الرد على حضراتكم :)

طب هاقولك على حاجة أدركتها إمبارح

البلوتوث في الكاسيت ده متقدم شوية و بيقرأ مستوى الشحن و الشبكة...

لما الشحن بيكون قرب يخلص...الكاسيت بيطلع رسالة تحذيرية Phone Battery Low و معاها صوت تيت...

بنسبة كبيرة هو ده اللي حصل معاك و الدليل على كده انه مبقاش يحصل من ساعتها...يبقى انت أكيد شحنت التليفون :)

**mo_x5** · 04-12-2012 08:46 AM

فعلا يا استاذ نادر انا جربت موضوع البطاريه ده انهارده و عمل نفس الصوت .....احمدك يا رب .....انا متشكر جدا لكل الناس اللى حاولت تعرفنى الصوت ده ايه بالظبط

و اعتبر دى نقطه تحسب للوجان 2013 لأنى مشوفتش الاوبشن ده قبل كده ....أشى خيال يا ناس :)

**mahraan** · 05-12-2012 01:47 PM

انا عايز اعيش

**mo_x5** · 06-12-2012 11:20 AM

المشاركة الأصلية كتبت بواسطة NaderNabil

خش على الsettings بتاعة الكاسيت و بعدين rds settings و إفتح كل واحدة فيهم و إعملها off

غالباً دي أوبشن بيدور على أخبار الطريق و الزحمة و مش بيلاقي حاجة طبعاً...

جرب كده و قولنا إيه الاخبار

هل ممكن توضحلى اكتر ايه الاوبشن ده(rds) و ممكن استفيد منه ازاى

**ahmed_m_ashraf** · 07-12-2012 03:36 AM

المشاركة الأصلية كتبت بواسطة yasser3da

علي فكرة يا جماعه بعد اذن صاحب الموضوع .. الصوت صفارة ليست دائمه عند الضغط علي دواسة الفرامل وده لا يقبل الشك لاني ركزت مع العربيه طول مانا ماشي النهارده في الطريق.. (ملاحظة) ,,استجابة الفرامل ماشاء الله جيده.
سألت واحد صاحبي قاللي ممكن عشان مغسلتش العربية من ساعة ما جبتها من شهر أكتوبر اللي فات وقاللي دا تراب .. ايه رأيكم؟

لو تقصد إنه صوت تصفير أو تزييق كل ما تدوس فرامل، الموضوع ده كان عندي برضة وراح لما رشيت wd-40 على أكس دواسة الفرامل.

مبروك لصاحب الموضوع إكتشاف سبب الصوت ;-)

**khaled.genius** · 24-12-2012 04:26 AM

اولا مفيش اي مشكلة الموضوع ده حصل معايا اول ما استلمت اللوجان 2013 لاخويا من شهر تقريبا والسبب زي ما احد الاعضاء قال هو مطلوب الكود للكاسيت حضرتك هتتصل بالتوكيل وتقلهم على الموضوع ده وهما هيطلبوا من حضرتك رقم الشاسيه والموتور الخاصين بسيارة حضرتك بناءا عليهم هيدي لحضرتك الكود ده مكون من اربع ارقام حضرتك هتكتبه وتدوس اوك وشكرا مش هتسمع اي حاجة خالص وهتستفيد بجميع امكانيات الكاسيت بدون اي معاناة ومبروك عليك وربنا يكفيك شرها ويحرصهالك