عرض للطباعة
السلام عليكم ورحمة الله وبركاته
أنا كنت بدور على عربية مستعملة في حدود 90 ألف مثلا، يفضل إنها تكون جديدة نسبيا (بعد 2008)، بفضل الأوروبي والياباني بشكل عام، لكن باب الإقتراحات مفتوح.
من الحاجات إلي لقيتها:
Mazda 3 09 (يمكن أكتر حاجة داخلة دماغي حاليا، هل ممكن ألاقي الشكل الجديد 2010 باقل من 100 ألف؟)
Renault Fluence 10
هل في أي إقتراحات أخري؟ وإيه نظام إللي أنا ذكرتهم من ناحية قطع الغيار أو حتى بشكل عام؟
بومة , شارك , الانترا , اوبترا , جين 2 , صنى , تيدا
حاول تزود شوية وتركب سيفيك 2008 الي 2010
مجرد راي ..
كل ما تعلى بلموديل والكيلو متر يقل يبقى اختيار افضل بإذن الله
الفلونس ممتازه بس تكشف فى الوكيل وتتاكد انه كان بيعمل صيانه فى الوكيل " ويكون الكشف فى مكان تانى غير الى بيعمل فيه الصيانات عشان ميبقاش مزبطها معاهم زى ما حصل قبل كدا على رواية احد الاعضاء
"
ممكن صنى سوبر صالون
النترا 2010
هوندا سيفيك 2008
والله هو 90الف يركبو حاجه كويسه مش وحشه
فعلا لو تقدر تزودهم 100 بدل 90 وتركب هوندا سيفيك 2008 تبقى حلوه اوى على الاقل احسن من الكورى
ولا اوبترا ولا هيونداى مع احترامى للكورى الهوندا تكسب طبعا وفى برضو بيجو307 حلوه اوى
ممكن فوكاس لو عجبتك
اوكتافيا
وممكن 94 الف يجيبوا صنى الشكل القديم زيرو والزيرو زيرو
للتوضيح اكتر: بحاول ادور على اجدد حاجة بقدر الامكان ومع ذلك أطلع فئة عن العربيات الجديدة اللي في حدود الميزانية دي، يعني لو بنتكلم في أحسن سيناريو ممكن حتكون حاجة بأقل من 95 ألف ومتزيدش عن 50,000 كم، وتكون 2010 مثلا. (إلا لو حيكون في فرق شاسع يعني يخليني أغير رأيي)
حاجة جديدة لقيتها: Mazda3 2010 الشكل الجديد مثلا، إيه رايكم فيها؟
هل ممكن الاقي الMegane 2010 في حدود الميزانية دي (ويكون عداد اقل من 50,000 أو قريب من الرقم ده)؟ خصوصا إنها حتكون أحسن كتير بالنسبة لي بما إنها اصغر من الFluence بالتالي عملية أكتر بما إني مش محتاج عربية ضخمة.
بومة ممكن، لكن مش من العربيات المفضلة عندي مع كامل احترامي ليهااقتباس:
المشاركة الأصلية كتبت بواسطة monamize4
الشارك اعتقد حتزيد عن الميزانية اللي بتكلم فيها الا لو العداد فوق ال100 ألف مثلا وده كتير بالنسبة لي، يعني بفضل حاجة متزيدش عن 50,000 كم
Optra أو Gen2 حيبقوا زيرو على ما اعتقد مش كده؟ السبب في إني بدور على مستعمل هو إني عايز أطلع فئة لفوق.
الSunny أو الTiida ممكن، ويمكن أنا كنت ناسي الTiida
فكرة كويسة، لكن مع الأسف أعتقد إنها حتبقي زيادة كبيرة، ومشكلة مع المطبات وكده بسبب طريقي كل يوم.اقتباس:
المشاركة الأصلية كتبت بواسطة S O P H O S
بحاول معلاش بالكيلومتر عن 50,000 مثلا، اضمن بالنسبة لي. أنا يمكن بدور على حاجات من بعد 2008 كمان، من 2010 مثلا ببقى مبسوط خوفا من البهدلة وكده (مع إن ده مش مقياس يعني)اقتباس:
المشاركة الأصلية كتبت بواسطة blazer
الزيادة اعتقد حتبقى صعبة، وأنا متفق معاك في آخر جملة.اقتباس:
المشاركة الأصلية كتبت بواسطة amrelsha3er
الPeugeot 307 محترمة جدا ولكن أعتقد حتبقى اقدم من 2008 وانا بحاول أطلع فئة بدون ما أرجع كتير من ناحية السنين بقدر الإمكان، زائد إن على حد علمي التوكيل مش قد كده.
موديل كام؟ اعتقد حيبقى قديم نوعا ما، مش كده؟اقتباس:
المشاركة الأصلية كتبت بواسطة samyyousef
Octavia اعتقد حتعدي الميزانية.اقتباس:
المشاركة الأصلية كتبت بواسطة amrelsaqqa
أكيد الزيرو له مميزاته لكن أنا بدور على فئة أعلى بنفس السعر مش أكتر.
شكرا لكل الآراء هنا، ومنكم نستفيد. أنا بحاول أدرس الموضوع بقدر الإمكان وأجمع اكبر قدر من الاقتراحات، كل التقدير لكل واحد حاول يساعدني.
اوكتافيا تجيب 2006 a5 حالة حلوة
و 2009 a4
وممكن موديلات قبل كدة بس حالات نادرة وكيلو متر اقل وفابريقة
انت تفكيرك بجد حلو جدا ,, احييك عليه
انا راى تشوف العربيات كسر الزيرو المتاحة وتختار الحاله الافضل
بس بلاش المازدا ,, العربيه دى قطع غياره اسعارها غريبه ,, دى ولا المرسيدس فى الاسعار وعدت السوبارو فى غلو الاسعار
على فكره لو ليك فى السوبارو هتلاقى بالسعر دا عربيات 2009 و 2010 وحالات ممتازه