الموضوع: مشكلتين ظهروا فجأة فى عربيتى ام 11

الف سلامه على العربيه ياخالد انته لسه فى الضمان ولا خرجت
هل فى زى رعشه من عند الدبرياش والفرامل وهل لما تاخد مطب بتحس هزه فى الطاره او نقره مع المطبات لو كده المشكله فى علبة الدريكسيون انا لسه مغير علبه دريكسيون وكنت فاكر مساعدين
بالنسبه الازاز دى مشكله الواير فلت او انقطع سعر الواير 4 جنيه تركيب 20 جنيه

المشاركة الأصلية كتبت بواسطة aftr

الف سلامه على العربيه ياخالد انته لسه فى الضمان ولا خرجت
هل فى زى رعشه من عند الدبرياش والفرامل وهل لما تاخد مطب بتحس هزه فى الطاره او نقره مع المطبات لو كده المشكله فى علبة الدريكسيون انا لسه مغير علبه دريكسيون وكنت فاكر مساعدين
بالنسبه الازاز دى مشكله الواير فلت او انقطع سعر الواير 4 جنيه تركيب 20 جنيه

الله يسلمك يا باشا فعلا انا لسه فى الضمان باقى سنة ونص
بالنسبة للواير اكيد مش مشكلة كبيرة ومش حامل همه اوى ..
بالنسبة للتزييق ودربكة العفشة زى ماحضرتك بتقول بحس بنقر ودبه وهزة كده فى الطارة فى المطبات والطرق غير المستوية ده غير الدربكة والدبدبة فى تحت فى العربية واللى زاد عليهم التزييق ده لما بلف الطارة .. مفيش رعشة فى الدبرياج لكن احيانا مع الفرامل بحس بصوت خبط فى العربية من تحت .. انا شاكك فى بلى البطاحات بالنسبة للتزييق وكلام حضرتك ممكن يكون صحيح بم ان فيه نقر فى الطارة بس هل ياترى علبة الدركسيون دى موجودة فى التوكيل وغيرتها على الضمان ولا ايه؟ انا رايح بكرة باذن الله ولما نشوف ربنا هيعمل ايه.

بالمناسبة لو حضرتك تقدر توضحلى ايه بالظبط علبة الدركسيون دى وايه عملها واعراض تلفها بالتحديد يبقى كتر خيرك لانى بسمع كتير عنها لكن مش فاهم ايه هى بالظبط!!

تحياتى لك وشكرا لاهتمامك يافندم

بص ياخالد انا هقولك على قد معلوماتى المشكله اللى كانت عندى كان دبه يمين وشمال غيرت بيض مقص ومسمار ميزان لان كان الجلب باظت بعد التغير الصوت راح شويه العفشجى قال المساعدين بردو محتاجين يتغيرو قولت لا ندخل على التوكيل المهندس جرب قال علبه دريكسيون وفعلا الدبه راحت خالص وتم تغير العلبه على حساب الضمان بدون اى مصاريف سعرها فى التوكيل 2800 جنيه غير التركيب بس انته لسه فى الضمان الحمد لله انا غيرتها فى تكنو سيرفس بس ياريت تلحق عشان انا قعدت 3 شهور لحد ما وصلت وهيه دلوقت موجوده شوفت 2 موجدين فى المخزن ودى صوره علبه الدريكسيون اللى بيحصل ان سن ممكن يتاكل

بص ياخلد العلبه هيه العمود اللى تحت اللى فيها بيض من الاطراف اللى هو الجزء رقم 4 مكتوب على الصوره

ألف شكر يا باشا على المعلومات القيمة
حاليا انا سلمت العربية فى مركز ابورواش الزبالة وكله توكيل زبالة كالعادة اتاخروا على ماسلمت العربية وبعد مداولات ووسايط وانا عارف اللى هيحصل فى الاخر هيقولوا ان لضيق الوقت ملحقناش نعمل حاجة .. انا نفسى يكون فيه صنايعية برة تفهم فيها والواحد يفكه من التوكيل والقرف ده ويخلص نفسه برة وخلاص
والله مش عارف اقولك يوم مقرف ازاى صحيان بدرى وسفر وحر ولسه ياعالم هتخلص امتى وهتتحل المشاكل ولا لأ وياترى هرجع البيت امتى!!!
عموما لما استلم العربية وعلى اخر النهار كده لما اروح باذن الله واروق ابقى اكتبلك التقرير وايه اللى حصل بالظبط
تحياتى لك

شكرا هيما وافتر واسف على التأخير اصله كان يوم جميل امبارح بعد كل العناء وصلت البيت والحمد لله الساعة 6 م ورجعت لقيت المية والكهربا قاطعين وكانت حاجة فله اوى :))

المهم مش هطول عليكم .. انا استلمت العربية الساعة 4 تقريبا .. تم تغيير مكنة رفع الزجاج على الضمان ده من ناحية الازاز والحمد لله اتظبط .. اما بالنسبة للعفشة فتم حجز 2 مساعد امامى وبطاحات على الضمان ربنا يسهل لما يتوفروا اغيرهم بقا.
بصراحة انا مضايق وحاجة مستفزة انا حاسس انى غيرت حاجات كتيرة فى العربية دى لسه مملة سنة ونص امال بعد كده الواحد هيغير ايه ولا ايه!؟؟ العربية بصراحة حلوة بس حسبى الله ونعم الوكيل فى ابو الفتوح :((

حمدالله على السلامه ياخالد على فكره انا اسمى ايمن انته عملت الصيانه فى فرع ايه حاول تتصل عليهم كتير عشان يوفرو قطع الغيار عشان الاشكال دى بتطنش لو كده عليك بخدمه الشكاوى 19227