ماهى افضل طريقه لحماية النيوصنى من السرقه بالاكراه

**shaibat** · 30-11-2012 03:15 PM

رجاء الافاده من الاخوه بالمنتدى عن ماهى افضل طريقه لحماية النيوصنى من السرقه بالاكراه وخاصة اذا كانت فى الضمان بمعنى ان لايتم عمل اى تعديل على ضفيرة الكهرباء برجاء من لديه اى فكره او جهاز يتم تركيبه سرعة الافاده مع اعتبار الموضوع هام وعاجل وجزاكم الله كل خير

**ali_333** · 30-11-2012 04:12 PM

النيو صني فيها امبولايزر ولا لا؟

**shaibat** · 30-11-2012 04:21 PM

المشاركة الأصلية كتبت بواسطة ali_333

النيو صني فيها امبولايزر ولا لا؟

فيها امبولايزر

**mshmshm3** · 30-11-2012 04:29 PM

في جهاز بيتباع تقدر تفصل الكهربة عن العربية عن طريق رسالة بالموبايل بس مش عارف تفاصيل اكتر عنه ممكن حضرتك تنزل محلات الكماليات زي شارع دمشق و التوفيقية
ولو اخدت بالك ان شاء الله هتقدر تتفادي طرق كتير من طرق السرقة بالاكراه علي سبيل المثال :
طريقة البنت اللي بتبقي واقفة في حتة فاضية و تشاور لاي عربية
طريقة الخبط من الخلف
طريقة الحق عربيتك بتنقط بنزين
طريقة انت دوست علي رجلي
طريقة علب الصفيح اللي بتتعلق في اكصدام العربية عشان اول لما تمشي تسمع الصوت تقف و تنزل تشوف في ايه
في الاشارات اقفل لوك الباب مهما كان في ناس حواليك ممكن واحد يدخل العربية و معاه سلاح
لو ماشي في اي حتة فاضية طريق زراعي مثلا و حد حدف بيض او طوبة علي العربية ما تقفش و في نفس الطرق خلي بالك عند المطبات بمعني لو عربية عايزة تعدي منك المطب خلي بالك علي حسب نوع العربية و اللي فيها عشان المطبات هي دائما النقط اللي بيبقي عندها التوقف و غير كدة انت و مهارتك في السواقة يعني لو انت ماشي و حد حاول يوقفك حاول تخلع منه اولا بانك تمشي في طريق تاني يعني عند مفرق و تغير اتجاهك فجاءة و خلي بالك من جنب العربية مايكونش في عربية جنبك
ثانيا سرعة العربية و قدرتها علي المناورة
وفي الاول و الاخر الله هو اللي بيحفظ ولا تنسي دعاء الركوب

**MohammedAladel** · 30-11-2012 05:21 PM

تقريبا العربية فيها إيموبليزر

أما عن السرقة بالإكراه

ملهاش غير حل إنك تفعل خاصية غلق الأبواب بعد ما العربية تمشى وربنا يستر بقى

**youssef_u** · 30-11-2012 07:05 PM

السرقه بالاكراه دي محتاج تحمي نفسك مش تحمي العربيه يعني مهما كان فيها ايموبلايزر و انذار و حد ثبتك عالطريق لا قدر الله يبقا هتتسرق و دلوقتي الحمدلله حال البلد بقا احسن و السرقه بالاكراه قلت كتير عن ايام الثوره

**shaibat** · 30-11-2012 08:08 PM

يعنى مافيش جهاز يوقف العربيه عن بعد وهى ماشيه

**MohammedAladel** · 30-11-2012 08:42 PM

والله فكرة جميلة حكاية إن يبقى فيه جهاز يوقف العربية وهى ماشية بس دى محتاجة فن على وتبقى مرتبطة بالإيموبليزر بتاع العربية
بيحيث إنه يلغى عمل المفتاح أو الكارت اللى بتدور بيه العربية

ويا سلام لو يبقى فيه زى موبايل كدا راكب فى حتة معينة أو جى بى إس مخفى فى العربية تتصل عليه يوقف العربية

الأجهزة دى أكيد موجودة فى السوق

**mshmshm3** · 30-11-2012 09:08 PM

المشاركة الأصلية كتبت بواسطة shaibat

يعنى مافيش جهاز يوقف العربيه عن بعد وهى ماشيه

في جهار بيتحط فيه شريحة موبايل و تقدر توقف العربية برسالة للشريحة دي بتفصل طرمبة البنزين شفت الاعلان بتاعه من فتره انزل ياباشا محلات الكماليات النضيفة هتلاقي حاجات زي كدة بس معرفش اسم معين
سلمها لربنا و ماتقلقش

**shaibat** · 30-11-2012 09:27 PM

المشاركة الأصلية كتبت بواسطة mshmshm3

في جهار بيتحط فيه شريحة موبايل و تقدر توقف العربية برسالة للشريحة دي بتفصل طرمبة البنزين شفت الاعلان بتاعه من فتره انزل ياباشا محلات الكماليات النضيفة هتلاقي حاجات زي كدة بس معرفش اسم معين
سلمها لربنا و ماتقلقش

ونعم بالله وكله على الله وياريت لوفى حد يعرف اسم الجهاز ده ايه وممكن الاقيه فين وسعره ايه

الموضوع: ماهى افضل طريقه لحماية النيوصنى من السرقه بالاكراه

LinkBack

أدوات الموضوع

عرض

-

-

-

-

المواضيع المتشابهه

ماهى أسهل طريقه لركن العربيه فى 3 ثوانى؟

ماهى أفضل نظم تأمين وحمايه السياره من السرقه

ماهى أفضل طريقه لقيادة السيارة الأوتوماتك

لحماية سيارتك من السرقه ولآول مره الجهاز في مصر والشرق الآوسط

الكلمات الدلالية لهذا الموضوع

المفضلات

المفضلات

ضوابط المشاركة