عايز الاقى حل لعضة الفتيس

**peter magdy** · 30-11-2012 03:37 PM

مساء الخير على احلى شباب فى المنتدى
كل عام و حضراتكم بخير
انا لسة شارى سيارة BYD F3 موديل 2013
العربية كان فيها شوية مشاكل فى التقفيل بس الحمد للة اتظبطت فى صيانة الالف
الا مشكلة عضة الفتيس
رحت مرة فى توكيل الشرابية و انا عامل 530 كم علشان العضة و بردو لسة موجودة
و لما سمعت ان بتعوع القطامية احسن عملت صيانة الالف هناك المشكلة اتحلت بنسبة 50%
يعنى بردو لسة موجودة -- اللى بيحصل
ساعات لما اجى اجيب الغيار الاول الفتيس مش عايز يروح كأنى مش دايس دبرياج و تقيل جدا بس دة مش دايما -- فصديق قالى كارك دبرياج على المور و هيبقى تمام و فعلا حصل بقى كويس
تانى حاجة العضة من الغيار الاول الى التانى و بالعكس لكن باقى الغيارات حلوة جدا و ساعات تانى تقيلة
و الغربية ان ممكن فى نفس المشوار يبقى الفتيس مية مافيهوش الهوا
ممكن حد يدلنى اعمل اية لانى مفهمش اى حاجة فى الميكانيكا
شكرا

**hamadaghfar** · 30-11-2012 03:56 PM

بص حضرتك انا عندي اسبيرانزا 516 كان فيها نفس المشكله خاصا المارش روحت التوكيل و قلتلهم علي العيب و قالوا انهم صلحوه لكن مافيش حاجه حصلت المهم روحت لواحد ميكانيكي اعرفوا قام صلح الفيس ازاي
فتح الكبوت و شال فلتر الهواء عشان يشوف الفتيس و فكوا و زيتوا و ركبوا في 10 دقائق و خد 10 جنيه و بقي النقل زي الفل و سلملي علي التوكيل
الميكانيكي قاللي محدش عمل حاجه في الفتيس قبل كده دي اول مره يتفتح وشكرا

**peter magdy** · 30-11-2012 09:35 PM

المشاركة الأصلية كتبت بواسطة hamadaghfar

بص حضرتك انا عندي اسبيرانزا 516 كان فيها نفس المشكله خاصا المارش روحت التوكيل و قلتلهم علي العيب و قالوا انهم صلحوه لكن مافيش حاجه حصلت المهم روحت لواحد ميكانيكي اعرفوا قام صلح الفيس ازاي
فتح الكبوت و شال فلتر الهواء عشان يشوف الفتيس و فكوا و زيتوا و ركبوا في 10 دقائق و خد 10 جنيه و بقي النقل زي الفل و سلملي علي التوكيل
الميكانيكي قاللي محدش عمل حاجه في الفتيس قبل كده دي اول مره يتفتح وشكرا

انا فعلا سألت واحد متخصص فتيس بس قالى هات العربية و انا اشوفها لكن انا خفت
العربية لسة يادوب 1400 كم و الموضوع دة مزعلنى جدا
متشكر جدا لحضرتك

------------------
متظر بردو رد الاعضاء

**eng.salama95** · 11-02-2013 03:34 AM

بص يا باشا العيب دا اعتقد ف المستر بتاع الدبرياج
هو اللي بيعمل كدا
طالما انتا بتكارك و هي بتقبل و تتعدل معاك يبقي هو اللي فيه المشكله

**احمد سعيد كمال** · 11-02-2013 01:24 PM

انا با الفتيس بتاعى كان زى الفل ولما غيرت طقم دبرياج ظهرت المشكله دى بالظبط بعدها ب4 ايام روحت غيرت زيت الفتيس كانت رحته وحشه اوى غيرته بزيت شل خدت 2 كيلو ب50 جنيه ظبطت شويه ولكن المشكله عندى فى الغيارين الاول والتانى ولازم لوانا عايز اطلع على الاول لازم ادى الغيار التانى وانا واقف وبعدين اطلع على الاول اى الحل؟

**Moh.Hassan** · 12-02-2013 12:31 AM

المشاركة الأصلية كتبت بواسطة احمد سعيد كمال

انا با الفتيس بتاعى كان زى الفل ولما غيرت طقم دبرياج ظهرت المشكله دى بالظبط بعدها ب4 ايام روحت غيرت زيت الفتيس كانت رحته وحشه اوى غيرته بزيت شل خدت 2 كيلو ب50 جنيه ظبطت شويه ولكن المشكله عندى فى الغيارين الاول والتانى ولازم لوانا عايز اطلع على الاول لازم ادى الغيار التانى وانا واقف وبعدين اطلع على الاول اى الحل؟

بص يا باشا دة عايزه حاجة اسمها فبرة الفتيس هما عبارة عن قطعتين بلاستيك بيركبوا وبعدها بيتظبط المجارى بتاعة الغيارات بتاعة الفتيس

**aw2100** · 12-02-2013 12:43 AM

المشاركة الأصلية كتبت بواسطة احمد سعيد كمال

انا با الفتيس بتاعى كان زى الفل ولما غيرت طقم دبرياج ظهرت المشكله دى بالظبط بعدها ب4 ايام روحت غيرت زيت الفتيس كانت رحته وحشه اوى غيرته بزيت شل خدت 2 كيلو ب50 جنيه ظبطت شويه ولكن المشكله عندى فى الغيارين الاول والتانى ولازم لوانا عايز اطلع على الاول لازم ادى الغيار التانى وانا واقف وبعدين اطلع على الاول اى الحل؟

اعتقد ان المشكلة فى زيت الفتيس محتاج تغيير وعلشان حضرتك جديد فى المنتدى ياريت متكتبش باللون الأحمر لانه مخصص لرسائل الأداريين احسن تتعرض للوقف لمدة اسبوع ولكم تحياتى !!!