موقف سخيييييييف جدااااا من اوتو ايجيبت المهندسين !!!

أنا كنت حاجز نيو صنى ex وبعدين حولت على سوبر صالون فى نفس اليوم اللى نزلت فيه وسألت الاستلام يكون امتى قالولى بعد شهر بعدين عدى شهر ونصف وكلمونى يوم الجمعة اللى فات وقالولى العربية عندهم و هتكون جاهزة للاستلم خلال الاسبوع واتصل بيهم للتاكيد بعد 3 أيام (مع العلم انهم اكدولى البيانات كلها اللون الخارجى والداخلى ورقم الشاسيه وكله) بعدين كلمتهم بعد ال3 أيام قالى ده اللون الداخلى طلع مش هو اللى انت طلبته قولتلهم ازاى مش انتو مش مأكدين عليا كل البيانات من قبل كده قالو معلش اصل حصل لخبطة من المصنع (وده طبعا أي كلام ) طيب كلمتونى على اساس ايه أصلا ؟؟؟!!
وكلمتهم تانى بعد يوم علشان يحددولى معاد تانى قالو هنكلمك بكرة ولحد دلوقتى محدش اتكلم
ودلوقتى طبعا اللى انا متوقع انه حصل ان عربيتى يا إما راحت لحد مهم او دفع اوفر برايس او لمعرض بكل سهولة وانا بقى استنى تانى لحد م ربنا يفرجها ويمنو عليا بعربية تانية وحسبى الله ونعم الوكيل

مفيش فايده فى البنى آدمييييييييين

بالظبط راحت لحد هايدفع و هو واقف و ممكن باوفر برايس

كان ممكن تقول انا عايزها من جوة باى لون لحد ما تشوفها بعينك بس ان هو الموضوع كدا مش مجرد انو عايز ياخر معادك و يديها لغيرك ...وربنا يكرمك ان شاء الله و تستلم ف اقرب وقت

كله للخير..لا تقلق ياصديقى

أنا اللى مدايقنى ان معاد التسليم كان متاخر اصلا عن ما قالولى يقومو ياخروه زيادة ده غير شغل المامطلة اللى مبينتهيش والمبررات الغير منطقية وكل اللى كانو حاجزين من شهر 10 سوبر صالون استلموها إلا أنا وناس حاجزين بعد منى كمان استلمو وأعرف ناس استلمت بعد 27 يوم بالضبط بجد حاجة تغيظ جدا

اقتباس:

---

المشاركة الأصلية كتبت بواسطة mahmoud magdy

أنا اللى مدايقنى ان معاد التسليم كان متاخر اصلا عن ما قالولى يقومو ياخروه زيادة ده غير شغل المامطلة اللى مبينتهيش والمبررات الغير منطقية وكل اللى كانو حاجزين من شهر 10 سوبر صالون استلموها إلا أنا وناس حاجزين بعد منى كمان استلمو وأعرف ناس استلمت بعد 27 يوم بالضبط بجد حاجة تغيظ جدا

---

لا يا باشا احنا حاجزين من يوم ١٩ شهر ١٠ و لسه هنستلم بعد شهر و من المهندسين بردو ( يوم ١٩ كان اول يوم للعربيه في السوق وكان يوم جمعه و حجزنا اول ما الفرع فتح الساعه ١٠ الصبح قبل الصلاه و قالنا انتو اول ناس تحجزوها من هنا )

انا حاجز من 10/10 وكنت حاجز. Ex وغيرت لسوبر صالون ولسه ماستلمتش

اقتباس:

---

المشاركة الأصلية كتبت بواسطة youssef_u

لا يا باشا احنا حاجزين من يوم ١٩ شهر ١٠ و لسه هنستلم بعد شهر و من المهندسين بردو ( يوم ١٩ كان اول يوم للعربيه في السوق وكان يوم جمعه و حجزنا اول ما الفرع فتح الساعه ١٠ الصبح قبل الصلاه و قالنا انتو اول ناس تحجزوها من هنا )

---

أنا حاجز من 12/10 فئة الex وكنت قايلهم انى فى انتظار السوبرصالون وكتبولى كدة على الوصل (فى انتظار الفئة الأعلى) بحيث أول ما تنزل يحولو الحجز من نفسهم على طول
وكدة يبقى أنا المفروض لما استلم ان شاء الله يبقى حضرتك تستلم بعدى بأسبوع

اقتباس:

---

المشاركة الأصلية كتبت بواسطة hisham_hamza

انا حاجز من 10/10 وكنت حاجز. Ex وغيرت لسوبر صالون ولسه ماستلمتش

---

ولا حد كلمك ؟؟؟

طيب هو حضرتك قايلهم انك حاجز ال ex مؤقتا لحد السوبر صالون ماتنزل ولا بعد ما نزلت السوبر صالون قولتلهم عايز احول ؟؟؟
أصل أنا عملت كده وقولتلهم اول ماتنزل يحولو الحجز لوحدهم

اقتباس:

---

المشاركة الأصلية كتبت بواسطة MaHmOuD MaGdY

أنا حاجز من 12/10 فئة الex وكنت قايلهم انى فى انتظار السوبرصالون وكتبولى كدة على الوصل (فى انتظار الفئة الأعلى) بحيث أول ما تنزل يحولو الحجز من نفسهم على طول
وكدة يبقى أنا المفروض لما استلم ان شاء الله يبقى حضرتك تستلم بعدى بأسبوع

---

ربنا يسهل

اقتباس:

---

المشاركة الأصلية كتبت بواسطة MaHmOuD MaGdY

ولا حد كلمك ؟؟؟

طيب هو حضرتك قايلهم انك حاجز ال ex مؤقتا لحد السوبر صالون ماتنزل ولا بعد ما نزلت السوبر صالون قولتلهم عايز احول ؟؟؟
أصل أنا عملت كده وقولتلهم اول ماتنزل يحولو الحجز لوحدهم

---

لا للأسف ماحدش كلمني
انا كنت حاجز ex وبعد مانزلت السوبر صالون رحت غيرت الحجز وكتبولي على الوصل
واديني قاعد مستني

اقتباس:

---

المشاركة الأصلية كتبت بواسطة hisham_hamza

لا للأسف ماحدش كلمني
انا كنت حاجز ex وبعد مانزلت السوبر صالون رحت غيرت الحجز وكتبولي على الوصل
واديني قاعد مستني

---

ربنا يهون عليك وعلينا ان شاء الله
وحضرتك برده تايع معاهم واتصل بيهم وشوف ايه الأخبار

انا حاجز قشقاي عندهم بس للأمانه همه معندهمش اوفر بيس عشان انا حولت مع مسئول المبيعات و حته كنت جايله من طرف واحد يعرفه و رفض تماما ان يكون في اوفر برايس و قالي لازم استنه 6 شهور

حصلت معايا قبل ما الغى الحجز كذا مره يقولى وصلت وبعدين يعمل نفسه من بنها ويقولى اللون اختلف


على فكره كله دلوقتى بيبيع اوفر بريس على الرغم ان فى الاول لو كنت قلت لاى موزع معتمد عايز اشترى اوفر يتصعق ويتنفض ويرد عليك ويقول ايه ؟؟ مابنعاملش يا استاذ بالطريقه دى

ودلوقتى عادى !!!!!!!!!!!!!!!!!!!!

توضيح : لقد قام البائع بمتابعة الأستاذ /محمود مجدي في اليوم التالي من تقديم الشكوى و لقد تم استلام السيارة يوم الاثنين الموافق 3-12-2012
شركة أوتو أيجيبت تتمنى أن تكون عملية الشراء قد نالت رضائكم

حدث بالفعل
شكرا جزيلا :):)

اقتباس:

---

المشاركة الأصلية كتبت بواسطة mahmoud magdy

حدث بالفعل
شكرا جزيلا :):)

---

وفين التقرير يا حودة

اقتباس:

---

المشاركة الأصلية كتبت بواسطة mahmoud magdy

حدث بالفعل
شكرا جزيلا :):)

---

مبروك يا أستاذ محمود وربنا يباركلك فيها :b4_007:

اقتباس:

---

المشاركة الأصلية كتبت بواسطة moh.el saady

وفين التقرير يا حودة

---

والله انا ما رضيتش اكتب تقرير غير لما أعدى الألف كيلو على الأقل واعمل صيانة الألف علشان اقدر احكم صح ومبدئيا من وجهة نظري انها عربية محترمة جدا لكن عيبها الوحيد بالنسبالى لحد دلوقتى انى حاسس ان العفشة ناشفة فقط لا غير لكن السحب والتقفيل والثبات والفرامل والعزل والباور لحد دلوقتى جيدة جدا
ومستنى بعد الصيانة أشوف العفشة هتتظبط ولا لأ علشان فى ناس من المنتدى قالولى فى الصيانة بتتظبط عن كدا بعد تربيط العفشة
اه صحيح نسيييت اقولكم ان الكاوتش فعلا وحش جدا والناس بتقولى هو اللى مدى الاحساس بنشوفية العفشة كدا
وبيلم زلط كتيييييييير
تحياتى

اقتباس:

---

المشاركة الأصلية كتبت بواسطة saint2011

مبروك يا أستاذ محمود وربنا يباركلك فيها :b4_007:

---

الله يبارك فيك متشكر جدا :):)

الف الف مبروك وربنا يباركلك ويكفيك شرها
بجد عربيه جميله
واوتو ايجيبت توكيل محترم عن تعامل

اقتباس:

---

المشاركة الأصلية كتبت بواسطة limo81

الف الف مبروك وربنا يباركلك ويكفيك شرها
بجد عربيه جميله
واوتو ايجيبت توكيل محترم عن تعامل

---

الله يبارك فيك شكرا لحضرتك
وان شاء الله تكون الصيانة بتاعتى فى اوتوايجيبت برضه :)

اقتباس:

---

المشاركة الأصلية كتبت بواسطة mahmoud magdy

حدث بالفعل
شكرا جزيلا :):)

---

مبروك العربية وربنا يكفيك شرها
سؤال
هو ليه حضرتك مكتبتش ان مشكلتك اتحلت وان اوتو اجيبت كلموك بعدها انا شايف بيومين ؟

اقتباس:

---

المشاركة الأصلية كتبت بواسطة karim_monir

مبروك العربية وربنا يكفيك شرها
سؤال
هو ليه حضرتك مكتبتش ان مشكلتك اتحلت وان اوتو اجيبت كلموك بعدها انا شايف بيومين ؟

---

الله يبارك فى حضرتك :)
أنا ما رضيتش أقول انهم كلمونى وبعد كدة مستلمش برضه لأن فى ناس كلموهم اكتر من مرة وماكانوش استلموا لسة
وأول ما أستلمت كنت مشغول طبعا بالعربية الجديدة وبعدها بيوم النت عندى كان فاصل شوية حلويين لحد ما نسيت اصلا لغاية ما هما كتبوا التوضيح والموضوع ظهر تانى وده مش تهرب خالص والله من انى اتسأل من اى حد فى المنتدى عليها وأنا تحت أمر حضرتك او أى حد فى المنتدى
تحياتى

ربنا يباركلك فيها وتفضل مبسوط بيها
الفكرة اننا هنا منبر اعلامي للاعضاء لما يكون عندهم شكوي من التوكيل او الموزعين
وسمحنا بعضويات للتوكيلات للرد على الاعضاء ويكون في مكان للتواصل المحترم الجاد
فانت رسالتك وصلتلهم وهما قامو بالرد العملي بتسليم العربية
لما انت ماتكتبش انك استلمت بيدي انطباع سيئ لبقية الاعضاء انهم ماستجابوش
رغم انك استلمت العربية ب 3 ايام من كتابةالموضوع
هو ده قصدي
اننا بنقول على السلبيات والايجابيات
ونايل موتورز في النهاية بيلتزم الحيايدة التامة والوقوف على مسافة واحدة من العملاء والتوكيلات
لتوفير مساحة من ابداء الراي بشكل طيب
تحياتي

اقتباس:

---

المشاركة الأصلية كتبت بواسطة karim_monir

ربنا يباركلك فيها وتفضل مبسوط بيها
الفكرة اننا هنا منبر اعلامي للاعضاء لما يكون عندهم شكوي من التوكيل او الموزعين
وسمحنا بعضويات للتوكيلات للرد على الاعضاء ويكون في مكان للتواصل المحترم الجاد
فانت رسالتك وصلتلهم وهما قامو بالرد العملي بتسليم العربية
لما انت ماتكتبش انك استلمت بيدي انطباع سيئ لبقية الاعضاء انهم ماستجابوش
رغم انك استلمت العربية ب 3 ايام من كتابةالموضوع
هو ده قصدي
اننا بنقول على السلبيات والايجابيات
ونايل موتورز في النهاية بيلتزم الحيايدة التامة والوقوف على مسافة واحدة من العملاء والتوكيلات
لتوفير مساحة من ابداء الراي بشكل طيب
تحياتي

---

وجهة نظر حضرتك وصلتنى وان شاء الله بعد كدة لو ظهر اى مشاكل وحلول ليها هشارك بيها أول بأول وبعتذر لو فى حاجة انا غلطت فيها بدون قصد منى
ولو ادارة المتندى ينفع تغير اسم الموضوع انا معنديش مشاكل