موقف سخيييييييف جدااااا من اوتو ايجيبت المهندسين !!!

**MaHmOuD MaGdY** · 30-11-2012 04:08 PM

أنا كنت حاجز نيو صنى ex وبعدين حولت على سوبر صالون فى نفس اليوم اللى نزلت فيه وسألت الاستلام يكون امتى قالولى بعد شهر بعدين عدى شهر ونصف وكلمونى يوم الجمعة اللى فات وقالولى العربية عندهم و هتكون جاهزة للاستلم خلال الاسبوع واتصل بيهم للتاكيد بعد 3 أيام (مع العلم انهم اكدولى البيانات كلها اللون الخارجى والداخلى ورقم الشاسيه وكله) بعدين كلمتهم بعد ال3 أيام قالى ده اللون الداخلى طلع مش هو اللى انت طلبته قولتلهم ازاى مش انتو مش مأكدين عليا كل البيانات من قبل كده قالو معلش اصل حصل لخبطة من المصنع (وده طبعا أي كلام ) طيب كلمتونى على اساس ايه أصلا ؟؟؟!!
وكلمتهم تانى بعد يوم علشان يحددولى معاد تانى قالو هنكلمك بكرة ولحد دلوقتى محدش اتكلم
ودلوقتى طبعا اللى انا متوقع انه حصل ان عربيتى يا إما راحت لحد مهم او دفع اوفر برايس او لمعرض بكل سهولة وانا بقى استنى تانى لحد م ربنا يفرجها ويمنو عليا بعربية تانية وحسبى الله ونعم الوكيل

**limo81** · 30-11-2012 05:14 PM

مفيش فايده فى البنى آدمييييييييين

**mshmshm3** · 30-11-2012 05:24 PM

بالظبط راحت لحد هايدفع و هو واقف و ممكن باوفر برايس

**moaaz** · 30-11-2012 06:20 PM

كان ممكن تقول انا عايزها من جوة باى لون لحد ما تشوفها بعينك بس ان هو الموضوع كدا مش مجرد انو عايز ياخر معادك و يديها لغيرك ...وربنا يكرمك ان شاء الله و تستلم ف اقرب وقت

**beshomilan** · 30-11-2012 06:30 PM

كله للخير..لا تقلق ياصديقى

**MaHmOuD MaGdY** · 30-11-2012 07:58 PM

أنا اللى مدايقنى ان معاد التسليم كان متاخر اصلا عن ما قالولى يقومو ياخروه زيادة ده غير شغل المامطلة اللى مبينتهيش والمبررات الغير منطقية وكل اللى كانو حاجزين من شهر 10 سوبر صالون استلموها إلا أنا وناس حاجزين بعد منى كمان استلمو وأعرف ناس استلمت بعد 27 يوم بالضبط بجد حاجة تغيظ جدا

**youssef_u** · 30-11-2012 08:23 PM

المشاركة الأصلية كتبت بواسطة mahmoud magdy

أنا اللى مدايقنى ان معاد التسليم كان متاخر اصلا عن ما قالولى يقومو ياخروه زيادة ده غير شغل المامطلة اللى مبينتهيش والمبررات الغير منطقية وكل اللى كانو حاجزين من شهر 10 سوبر صالون استلموها إلا أنا وناس حاجزين بعد منى كمان استلمو وأعرف ناس استلمت بعد 27 يوم بالضبط بجد حاجة تغيظ جدا

لا يا باشا احنا حاجزين من يوم ١٩ شهر ١٠ و لسه هنستلم بعد شهر و من المهندسين بردو ( يوم ١٩ كان اول يوم للعربيه في السوق وكان يوم جمعه و حجزنا اول ما الفرع فتح الساعه ١٠ الصبح قبل الصلاه و قالنا انتو اول ناس تحجزوها من هنا )

**hisham_hamza** · 30-11-2012 08:40 PM

انا حاجز من 10/10 وكنت حاجز. Ex وغيرت لسوبر صالون ولسه ماستلمتش

**MaHmOuD MaGdY** · 30-11-2012 11:28 PM

المشاركة الأصلية كتبت بواسطة youssef_u

لا يا باشا احنا حاجزين من يوم ١٩ شهر ١٠ و لسه هنستلم بعد شهر و من المهندسين بردو ( يوم ١٩ كان اول يوم للعربيه في السوق وكان يوم جمعه و حجزنا اول ما الفرع فتح الساعه ١٠ الصبح قبل الصلاه و قالنا انتو اول ناس تحجزوها من هنا )

أنا حاجز من 12/10 فئة الex وكنت قايلهم انى فى انتظار السوبرصالون وكتبولى كدة على الوصل (فى انتظار الفئة الأعلى) بحيث أول ما تنزل يحولو الحجز من نفسهم على طول
وكدة يبقى أنا المفروض لما استلم ان شاء الله يبقى حضرتك تستلم بعدى بأسبوع

**MaHmOuD MaGdY** · 30-11-2012 11:32 PM

المشاركة الأصلية كتبت بواسطة hisham_hamza

انا حاجز من 10/10 وكنت حاجز. Ex وغيرت لسوبر صالون ولسه ماستلمتش

ولا حد كلمك ؟؟؟

طيب هو حضرتك قايلهم انك حاجز ال ex مؤقتا لحد السوبر صالون ماتنزل ولا بعد ما نزلت السوبر صالون قولتلهم عايز احول ؟؟؟
أصل أنا عملت كده وقولتلهم اول ماتنزل يحولو الحجز لوحدهم