المشاركة الأصلية كتبت بواسطة sherif khalifa
البطاحة هى الجسم الكويتش الى ماسك المساعد فى صدر العربية
بتتكون من فريم معدنى مدور جواة حشو كويتش و جوا الكويتش رولمان بلى
وظيفتها :
- بتمسك الطرف العلوى للمساعد فى صدر العربية
- بيمتص حركة المساعد على الطريق (تخيل لو المساعد بيمتص الصدمات و هوا متسبت فى صاج العربية على طول من غير البطاحة)
- رولمان البلى موجود علشان يلف مع المساعد مع تحريك دركسيون العربية
اعراض تلف البطاحة:
- تقل فى البور
- صوت تقة مع تحريك الدركسيون
- ارتفاع جانبين العربية غير متساوى
- تشقق فى كويتش البطاحة ممكن تتقطع و لاقدر الله المساعد يدخل فى صاج الكابوت (احتمال ضعيف جدا)
- صوت خبط مع الطبات