الموضوع: ★ ★ ★ حد شاف (صور) لادا نيفيا 2013 الجديدة ★ ★ ★

المشاركة الأصلية كتبت بواسطة Y a r i s

معاك حق يا لاند كروزر يا حبيبي
بس هيا من ناحية الولاعة معتقدش فيها ولا عة .... مش كفاية النار الي حوليها هههههههههه.
دي اكيد نازل فيها سي بي اس ههههه وسي بي سي وام بي سي كمان ههههه حبيبي يا لاند كروزر

الحاجات اللى حواليها دى يا باشا بتبقى قبل الحجز و بعد كده بتختفى وتبدأ بعدها ألعاب القوى و المصارعه الرومانى فى قيادتها بس ده كان فى القديمه طبعا انما الجديده دى حاجه تانيه و شكلنا هنبقى عشنا و شوفنا اللادا فيها باركنج سنسور و بلوتوث و مرايات ضم . العالم كله طالع لقدام او حتى بيحاول مفيش غيرنا بس اللى راجع ورا و من غير ما نبص فى المرايات حتى

المشاركة الأصلية كتبت بواسطة y a r i s

معاك حق يا لاند. باشا
بس عارف ياباشا مش عارف ليه عندي احساس ان في تعاون بين نيسان ورينوا ولادا
لان لو تلاحظ فيها شبه منها من القشقاي والعربية الجيب التانية بتاعت نيسان مع بعض الاختلافات ... يارب كده في يوم من الايام نشوف عربية زيها صناعة مصرية ١٠٠٪ او حتى تعاون مشترك. يمصر عندها المقومات بس تنقصها العزيمة على شوية ضمير وكفائة.

هو فى تحالف عالمى بين نيسان و رينو بس يا باشا علشان كده بيقتبسوا من بعض او ممكن شركه منهم تعمل للتانيه حاجه و لا حتى تنزل موديل عليه شعار العربيه التانيه زى الرينو السكالا كده هى الصنى الشكل القديم كموتور و فتيس و عفشه مثلا . هو بالنسبه للشبه مع النيفا اعتقد حضرتك تقصد بالعربيه بتاعه نيسان اللى هى الجوك بالذات من ورا وممكن الاجناب شويه. هما مش بينقلوا منها بس احتمال ان الاحتياجات للفئه دى بتؤدى الى التقارب فى الشكل يعنى عايزين عربيه عاليه عن الارض و شكلها شبابى وحجمها مش ضخم قوى فالتصميم بيطلع شبه بعضه او ممكن يكون المصمم اقتبس حاجه بسيطه من عربيه تانيه عاجباه او جايبين شركه تعمل التصميم و هى صممت قبل كده عربيه تانيه فبتحط حاجات منها. احنا نقدر نجمع عربيات حتى فى الاول بس تجميع نضيف زى بتاع البى أم و المرسيدس و الرانجلر لبقيه العربيات التانيه و نجيب نظام مراقبه جوده محترم يقف على دماغ العمال و ما يفوتش اى حاجه ليهم لان الموضوع بدون رقابه فى ظل ازمه غياب الضمير بتعمل كوارث و لما نعرف نجمع ممكن بعد كده نصنع او حتى نجيب الموتور و الفتيس من بره و احنا نكمل الباقى و يبقى عندنا ماركه بتاعتنا زى ما الصين بتعمل دلوقتى و شويه يبقى عندنا كذا ماركه لكن بالحال اللى احنا فيه الواحد لما يجى يشترى عربيه تقفيل هنا بيبقى عامل حسابه على ان نقطه ضعف العربيه الاكيده هى ال ٤٠٪ بتوع المكونات المحلية الاجباريه و ان العربيات الزيرو اللى طالعه مش كلها نفس الحاله و محتاجه الواحد ينقى منها حاجه تكون مشاكلها قليله زي ما يكون بيشترى مستعمل بالضبط