ساعدونى يا جماعة انا فى حيرة كبيرة انا عايز عربية تستحمل شوارعنا دى و كمان تكون ثابتة فى السفر عشان انا ساكن على دائرى فا طريقى كولو مشاكل و الشوارع وحشة جدن
عرض للطباعة
ساعدونى يا جماعة انا فى حيرة كبيرة انا عايز عربية تستحمل شوارعنا دى و كمان تكون ثابتة فى السفر عشان انا ساكن على دائرى فا طريقى كولو مشاكل و الشوارع وحشة جدن
انا شايف لو تقدر تدفع ف التيدا هتها ..بحسها فئة اعلى من الصنى وهى كدا فعلا ...عربية حلوة ...الصنى مش وحشة بالعكس حلوة والناس كتيير جابتها ...بس استغل فلوسك صح دا قصدى ..ربنا يوفقك و يكرمك للاصلح والافضل ..
لو تقصد الصني الشكل الي قبل الحالي
يبقي جميل جدا اما عن الحالي
فالصقور يقولوا رائيهم افضل مني ..
لو ميزانيه حضرتك تسمح تجيب التيدا يبقى توكل على الله فيها و خليها اختيار اول ثم يليها الصنى السوبر صالون.
لو معاك فلوس التيدا يبقي تشتريها و مفيهاش تفكير طبعا .. التيدا تيدا برده
لو عربية ماتور اقوى وشكل احسن يبقى التيدا
لو سعرا عادة بيع اعلى وقطع غيار يبقى صنى
متابع
يا باشا انت بتقارن ايه بايه
تجيب تيدا طبعا موتور اقوى و تقفيل احسن و مستورده و انعم و مفيهاش الملاحظات بتاعة الصني بس لو تقدر تجيبها هاتش باك يبقى اشيك و في نفس الوقت ثابته عن السيدان
و بصراحه الوكيل عشان ينزل القشقاي و الجوك بنفس موتور الصني القديم نزل بالصني الجديده شكلا و موضوعا
انا اعرف ان التيدا مكسيكى هل دة مأثرش عليها ؟ اصلى محتار حيرتك
اسمحلى بس يا فندم بعد إذن حضرتك اصلح بعض المعلومات :-اقتباس:
المشاركة الأصلية كتبت بواسطة hany63
- الهاتشباك اشيك و انا متفق مع حضرتك و بافضلها شخصيا كشكل و ان كان الشكل أذواق لكنها فى الحقيقه اقل ثباتا من السيدان مش العكس و اضيف نقطه كمان ان شنطه السيدان أوسع.
- القشقاى و الجوك مش نفس موتور الصنى الشكل القديم و لا حاجه لكنه موتور مختلف تماما وجيل تانى مختلف. اللى عامل اللغبطه عند بعض الناس انه تجاريا يقال انه نفس القدرة الحصانيه ١١٨ حصان زى الصنى لكن مش معنى كده انه يبقى هو هو نفس الموتور خالص، كل واحد فيهم ليه كود مختلف عن التانى فبتاع الصنى هو QG16DE و ده بيطلع maximum power 110PS و maximum torque 148Nm و الموتور ده 1597 سى سى بينما كود موتور القشقاى هو HR16DE وده بيطلع maximum power 116.6PS و الmaximum torque بتاعه 158Nm و الموتور ده 1598 سى سى و نيسان لو كانت عايزه تستمر فى إنتاج الموتور ده كان من باب أولى تنزله فى الصنى الجديده اللى سعرها قريب من سعر القديمه و كمان هى نفس الفئه لكنها حتى فى الصنى الجديده ما نزلتوش فيها و جابت موتور جديد فما بالك بالفئات الاعلى و الاغلى ب ٧٥٪ من السعر ، ما ينفعش تحط نفس الموتور طبعا و بالنسبه لتشابه القدره الحصانيه الموضوع بيبقى ليه حسابات و نتيجه الحسابات هى التى أوجدت التشابه و لذا وجب التنويه للإفادة العامه
العربيه كويسه و فى القسم موضوعات كتيره عنها بتتناول تفاصيل العربيه تقدر حضرتك تطلع عليها و تتواصل مع أصحابهااقتباس:
المشاركة الأصلية كتبت بواسطة gadoo30
و ارجو ان تكون المعلومه اتضحت و شكرا
عاوز تقارن التيدا بالصني الجديدة هاقولك رأيي المتواضع والله اعلم
التيدا قطعها ياباني تجميع مكسيكي راقي
الصني الجديدة فتيس ياباني وموتور قطعه ياباني تجميع هندي وباقي الاجزاء هندي على مصري تجميع مصري
التيدا 1600 118 حصان سحبها شديد والصني الجديدة 1500 98 حصان (مش 108 زي مابيقولوا والله اعلم)
التيدا عزلها حكاية والصني الجديدة عزلها على قده
التيدا اعتمادية اكتر
بس للحق الصني الجديدة سعر اعادة البيع افضل واتزانها احسن بس مش بكتير
طبعا مقارنتي بين التيدا بلس والصني سوبر صالون يعني اوبشنز متقاربة
السعر لصالح الصني الجديدة 112 مقابل التيدا بلس 128 ونص
رأيي المتواضع المقارنة بدون وضع السعر في الاعتبار محسومة والكلام غير كده ينقصه الموضوعية لكن لو وضعت القيمة مقابل السعر يمكن يتعادلوا
عارف انا كان نفسي الشكل الجديد للتيدا ينزل في مصر في 2013 وكنت هاقولك استنى شكلها مميز لكن احنا دايما بيجيلنا التكنولوجيا بسرعة السلحفاه
معلش اضافة بسيطة
انا حاليا معار في السعودية
والتيدا فيها ياباني يعني اكيد افضل من المكسيكي بس مش بكتير المكسيك دولة لها وزن والاصل الاسباني بيحكم ههههههه
صدق او لا تصدق التيدا هنا اغلى من التويوتا كورولا
تقبل تحياتي
shokram ya gama3a 3ala el ma3lomat el gamila de; ana isa hageeb tiida sedan bs ya rait 7ad yela2eha fe alexandria ana mosh la2eha 5alis we rabina yesahel isa, motshaker gidn ya gama3a walahi
التيدا افضل و ربنا يوفقك للخير ان شاء الله