الموضوع: اقتراحات لمصارف لزكاه

بص ياسيدى انا اعمل فى الاعلام وبتيجى لينا حالات كتير تستحق المساعدة واقامة مشروعات صغيرة لها وكذلك تركيب اطراف صناعية وبنحولهم على جمعيات رسالة او الاورمان واقسم بالله انهم يقومون بعمل البحث الاجتماعى الازم لهذه الحالات للتأكد من احتياجاتهم انا مكنتش مصدق فى الاول ان المؤسسات دى بتعمل اعمال للخير كنت فاكرهم بيتمنظرو لحد ما اشتغلت فى برنامج جديد وجت لى حالة عملة عملية بتر وخلصت ورقها ووديته الاورمان وعملو بحث اجتماعى عليها وحولوها على مستشفى لتركيب اطراف صناعية دى حاجة ممكن كمان مستشفى السرطان بس تشترط ان فلوسك تدخل فى العلاج او شراء الاجهزة الطبية مش يتمنظرو بيها ويوضبو المكاتب بتاعه الادارة كمان عندك معهد الكبد لو رحت هناك زيارة واحدة ممكن تحط الخمسين الف جنيه كلهم من مناظر المرضى اللى مش لاقين حق العلاج عنك لجان زكاة كثرة منتشرة فى المساجد الكبرى دى بتصرف على ايتام وارامل ومطلقات واخيرا ربنا يكثر من امثالك لو كل مسلم حرص على اداء فريضة الزكاة لما رأينا فقراء فى مصر او مرضى لايجدون حق العلاج والدواء بسم الله الرحمن الرحيم " انما الصدقات للفقراء والمساكين والعاملين عليها والمؤلفة قلوبهم وفى الرقاب والغارمين وفى سبيل الله وابن السبيل فريضة من الله "صدق الله العظيم دى المصارف الشرعيه للزكاة

متابع

ربنا يبارك فى مجهوداتكم . أن الحمد لله متابعه مع كذا جمعية خيرية و كذا حد بيعمل خير . فالحمد لله فى منهم بيشتغل فى القاهرة و فى فى الصعيد و فى مساعدات للمرضى و الأدوية و العمليات الجراحية . و كذلك فى جمعية بتعمل زى فتح باب عمل لأسرة تسعى عليها ارملة او مطلقة او زوجها فى السجن و بتعمل لها مشروع للتكسب سواء هنا فى القاهرة او فى الصعيد . و اى مساعدة فى هذا الأمر انا مع حضرتك

و أيضا أعرف مستشفى فى الاسكندرية يجرى حاليا إجراء تحسينات فيها و يريدون تبرعات و مساعدات لشراء أجهزة طبية و علاجات للمرضى .

اللى اعرفه ان زكاة المال بتخرج مال مش اشياء عينية اتاكد الاول قبل متعمل حاجة