الاسكورت اتخبطت :(

**Eng_Mostafa_89** · 01-12-2012 02:01 AM

السلام عليكم ورحمه الله وبركاته
ازيكم يا رجالة الفورد
الحمد لله وقدر الله وماشاء فعل
كنت ماشي على طريق مصر اسماعيلية وخبطت فى تروسكل ماشي فى نص الطريق فى حتة عتمة وكمان البية مكنش منور ولا لمبة توحد ربنا ولا فى اى عواكس حتة
المهم الخساير المبدائية اللى انا شايفها لسة هودى العربية للسمكرى الصبح
كبوت ورفرف يمين وفانوس يمين واكصدام واحتمل الصدر يتغير والحمد لله كمرة الشاسية سليمة
يا ترى اسعار الحاجات دى اية واجيبهم منين من القاهرة ولا بورسعيد الاتنين قريبين منى كدة كدة انا قاعد فى الاسماعيلية

**Eng_Mostafa_89** · 01-12-2012 02:30 AM

دى صورة العربية

ودة المخروب
الفانوس الشمال اللى اتكسر والصندوق اتلوح

**windofchange** · 01-12-2012 05:02 AM

لا حول ولاقوة الا بالله ربنا يعوضك كل خير بس كنت ماشي علي سرعة كام يابشمهندس؟ وشكلك لحقت تفرمل والحمدلله خدتها بزاوية مش في المنتصف الحمدلله

**Eng_Mostafa_89** · 01-12-2012 05:41 PM

الحمد لله على كل شئ
كنت ماشي فى حدود 120 ولحقت افرمل الحمد لله بس الطريق مكنش يسمح انىى افادىة لو رميت شمال كنت هنزل تحت تيرلا ويمين كان فى ميكروباص ماشي فى حدود 160 فالحمد لله على كل شئ

**egytamer** · 01-12-2012 10:57 PM

الحمد لله علي سلامتك والعربية فداك وانشاء الله تتصلح وترجع احسن من الاول

**Eng_Mostafa_89** · 02-12-2012 12:49 PM

المشاركة الأصلية كتبت بواسطة egytamer

الحمد لله علي سلامتك والعربية فداك وإن شاء الله تتصلح وترجع احسن من الاول

الله يسلمك يا باشا

انا اشتريت الحاجة من الاسماعيلية علشان مكنش فى وقت انزل القاهرة او بورسعيد
الاسعار
كابوت استيراد الحمد لله جة بلون العربية والبطانة الداخلية بتاعتة عامل 600 جنية وكان فى تايوانى جديد بس صاجة مش محمل زى الاستيراد عامل 550 جنية
رفرف جديد تيوانى فى ب185 وفى ب200
الستارة الامامية بتيجى ربع على بعضة بيكون فيها ربعين رفارف وربعين فرد الشاسية وفية العصبين اللى بيركب عليها الاكصدام والريداتير سعرها من 400 الى 500 استيراد حسب حالتها للاسف مش محتاج حاجة منها غير الجزء اللى فوق بس وهرمى باقيته لو حد عايزة
الاكصدام تيوانى جديد فى ب250 وفى ب300 وفى استيراد بيكون الاكصدام من جوة متبطن فوم واسفنج مضغوط عامل 325 بس عيبة انة هيحتاج يترش
الفانوس الامامى نوعين تيوانى فى ب175 وفى ب200

ولسة فى شوية طلبات تانى هشتريها وربنا يسهل
عايز كوعة المياة العلوية دى ب50 تركى
قربة مياه ب120 وفى 140 وفى ب160 مش عارف الفرق مابينهم ومركزتش فيهم
وكرتيرة يمين تقريبا سعرها 75
غماز رفرف عامل 15 او 10 جنية مش فاكر
وبفكر اشترى الساعة اللى فى التابلوة بالمرة فى وسط الطلبات سعرها تقريبا 100 جنية استيراد
دعواتكم ان العربية تخلص وترجع زى الاول واحسن

**mkmaly** · 06-12-2012 03:10 AM

يا باشا حمدالله على السلامه

**ahbesher** · 11-12-2012 09:31 PM

حمد الله على سلامتك يا درش

**dead_zone2006** · 17-12-2012 12:31 AM

حمد الله على السلامه يا باشا المهم انك بخير والصاج يتعوض وانشاء الله العربيه ترجه احسن من الاول

**ahmadg78** · 04-01-2013 02:32 PM

لو سمحت ممكن اعرف اشتريت الحاجه منين فى اسماعيليه

الموضوع: الاسكورت اتخبطت :(

LinkBack

أدوات الموضوع

عرض

الاسكورت اتخبطت :( - انشر الموضوع فى :

-

-

-

-

-

المواضيع المتشابهه

سنتر لوك الاسكورت

حكايتى مع الاسكورت

نور الاسكورت

مساعدة في الاسكورت

سؤال مهم جدا جدا فى الاسكورت

الكلمات الدلالية لهذا الموضوع

المفضلات

المفضلات

ضوابط المشاركة