الحمد لله استلمت رينو لوجان النهاردة .. اي نصيحة؟!

**Gel** · 14-07-2008 05:09 PM

الحمد لله بعد ما قريت اكثر من 10 موضوعات هنا فى المنتدى عن الرينو اللوجان رحت شفتها يوم الجمعة اللى فات وعجبتنى جدا جدا من اول نظرة ولما قعدت فيها العربية حلوة جدا.. رحت حاجز والحمد لله استلمت النهاردة والعربية لونها فضى

- العربية واسعة جدا .. انا ركبت ومرجعتش الكرسى للاخر (انا طويل ووزنى زايد) وقعدت مرتاح وفى مساحة حلوة اوى للى هيقعد ورايا

- العربية كراسى اللى قدام والكنبة مريحين جدا جدا
- الشنطة واسعة اوى ما شاء الله
- العربية عالية عن الارض
- العربية شكلها من برة حلو و مقبول جدا جدا
- التابلوه شكله حلو
- مشكلة العربية الكلاكس مش فى الدريكسيون ، الزراير الخاصة بالزجاج فى المقعد الخلفى ورا الفرامل ودى مش مريحة بالنسبة لى ..

والنهاردة اما استلمتها وفى مشوار من المكان اللى جبتها منه للبيت عندى (من سور نادى الزمالك الى البطل احمد عبد العزيز) .. مبدأيا كده :

- الباور ستيرينج حلو جدا ومناسب تماما
- قاعد فى كرسى السواقة الرؤية زى الفل
- تقريبا مفيش صوت للموتور تماما (انا بعد ما ركنت كنت نازل وسايب العربية دايرة على انى طفيتها
- النقل من درجة لدرجة مبحسش باى تقل فى الفتيس

وده من اول نص ساعة سواقة فى العربية اهه ده التقييم المبدأى من وجهة نظرى ..

دلوقتى اى نصيحة بالنسبة للتليين ؟

اللى اعرفه ..

- التليين 1000 كيلو
- مشغلش التكييف طوال فترة التليين
- الrpm ميعديش ال3000 باى حال مالاحوال
- ممشيش على سرعة واحدة مدة طويلة

فهل فى حاجات كمان؟!

العربية مانيوال Full Options و1600 سى سى وجايبها من سور نادى الزمالك

شكرا

جلال

**Ramy_Tantawi** · 14-07-2008 05:32 PM

الف مبروك يا استاذ جلال وربنا يبارك لحضرتك فيها ان شاء الله ويحفظهالك من كل سوء ويكفيك شرها ان شاء الله.

النصائح انا شايف الحمد لله حضرتك ماشاء الله مذاكر كويس :) التليين زي ما حضرتك قلت بالظبط لا اختلاف وطبعاً لظروف الحر بس عشان المكيف وكده ممكن تخطف اي طريق صحراوي مثلاً رايح جاي مع طبعاً الحفاظ على السرعه 100 والار بي ام 3 - 3.5 عشان تخلص التليين على طول ان شاء الله وتقدر تشغل المكيف وربنا يبارك لحضرتك ان شاء الله وأي استفسار او طلبات احنا تحت امر حضرتك وحاضرين ان شاء الله .

تحياتي أخي الفاضل.

**Ahmed Selim** · 14-07-2008 06:16 PM

الف مبروك يا باشا

ربنا يباركلك فيها ويديك خيرها ويكفيك شرها

أنت كده تبقى عملت اللى عليك و زيادة شوية لأن العربيات دى بتنزل متلينة جاهزة

رامى باشا
هو لازم تكون انت أول واحد يرد على أى سؤال جديد يا باشا سيبلنا فرصة :)

**mohamed ibiza** · 14-07-2008 07:08 PM

الف مبروك و متنساش التليين

**eng.khater** · 14-07-2008 07:59 PM

الف مبروك وربنا يكفيك شرها و يباركلك فيها
و عايزين نعرف اخبارها بعد التليين ان شاء الله
و االف مبروك

**fahd_628** · 14-07-2008 08:04 PM

الف مبرووووووووووك

و لازم تبقى تغير النقلات كتيير و تمشى على كل نقلة شوية علشان تليين الفتيس

**semihuman** · 14-07-2008 08:13 PM

سؤال
تقدر تقولنا هل الماتور ناعم و لالا؟ مقارنه بالفيرنا
ولو مركبتش الفيرنا قولنا حتي ناعم بنعوه ايه؟

**alfa_we** · 15-07-2008 04:20 AM

الف مبروك عليك العربية
على فكرة اللون الى انت مختاره احلى لون فيها

بس انا عندى سوال بخصوص موضوع التلين
هو لما افرمل مرة واحدة دا فيه غلط على العربية الى بتكون فى مرحلة التلين
على فكرة الكلام دا قريته هنا فى المنتدى

**mo7amed_omara** · 15-07-2008 04:29 AM

الف مبروك يا باشا ربنا يباركلك فيها ويديك خيرها ويكفيك شرها

الموضوع: الحمد لله استلمت رينو لوجان النهاردة .. اي نصيحة؟!

LinkBack

أدوات الموضوع

عرض

-

-

-

المواضيع المتشابهه

استلمت النهاردة لوجان اوتوماتك سوداء

الحمد لله استلمت لوجان هاف النهاردة

حجزت لوجان و استلمت لانوس النهاردة

استلمت الفرنا النهاردة الحمد لله

الحمد لله استلمت السيراتو النهاردة

الكلمات الدلالية لهذا الموضوع

المفضلات

المفضلات

ضوابط المشاركة