االحمد الله بقيت هنوداوى رسمى

**محمد بدر** · 01-12-2012 08:14 AM

فى البدايةاتقدم بالشكر لجميع اعضاء القسم واسمحوا لى ان أخص بالذكر
الأستاذ / أحمد إيهاب و المهندس / سامح
وذلك لتواصلهم معى ومدى بالمعلومات حيث إننى كنت أجهل تماما أى معلومات عن الهوندا
وقد وفقنى الله عز وجل فى شراء هوندا سيفيك 2010 lxi وكان ذلك بعد عناء ومشقة كبيرة و فى اخر اللحظات قبل الشراء كنت خلاص هجيب زيرو وأريح نفسى لآنى فعلا ارهقت كثيرا ولاكن الحمدالله ربنا كلل مجهودى هذا بالتوفيق
شكرا شكرا لجميع الأخوة الأفاضل
انا اسف كتبت العنوان غلط ومعرفتش اصلح الكلمة إلى هونداوى معلش لسه جديد فى الموضوع

**SAMEH_FOUAD** · 01-12-2012 10:07 AM

ياباشا الف الف الف مبروك وربنا يديك خيرها ويكفيك شرها

واهلا وسهلا بيك هونداوى معانا ونورت القسم ياباشا

وعايزين بقى تقرير محترم عن الهوندا واحساسك كأول مرة تركبها

وان شاء الله اى استفسار احنا فى الخدمة

وياباشا لا شكر على واجب , احنا معملناش غير الواجب

والف مبروك مرة تانية ياباشا

**AHMED_HAMDY** · 01-12-2012 10:38 AM

الف الف الف مبرووووووووووووك واهلا بيك معانا هنا وربا يديك خيرها ويكفيك شرها يا رب واي حاجه تعوزها كلنا هنا في خدمتك واخوات معا بعض ونورت القسم

**mn047** · 01-12-2012 12:23 PM

الف مبروك وربنا يديك خيرها ويكفيك شرها

**Mhmdz** · 01-12-2012 12:31 PM

الف مليووون مبروك وربنا يعطيك خيرها ويكفيك شرها وكلنا فلخدمة فى اى معلومة

**محمد بدر** · 01-12-2012 02:22 PM

المشاركة الأصلية كتبت بواسطة mohab.nabil

الف مبروك يا باشا و تكون وش السعد عليك ان شاء الله

لو ممكن حضرتك تقولنا بسرعة كده مقارنة بسيطة بينها و بين السبورتاج .. انا عارف ان العربيتين ستايل مختلف تماما بس يعنى اقصد حضرتك شايف ايه الاحسن كعربية فى المجمل

طبعا السؤال ده صعب على جدا
بس برضو احاول اجيب فى حدود المستطاع
أولا :- السبورتاج الدخول والخروج منها منتهى السلاسة - الجلسة مريحة جدا" - الدخول فى المطبات والطرق الوعرة حدث ولا حرج -
ثانيا":- السيفيك بسم الله ما شاء الله ثبات لايقارن بالسبورتاج - قوة الموتور تحفة - صالون شيك وطابلوه شيك -و مستخسر اجيب فرش - كان نفسى تكون مرتفعه من الأرض 1.5سم كمان - ولاكن جربت بيها مطبات كثير انا والأسرة وكانت الى حد كبير مرضية
تقريبا اسعار قطع الغيار وعلى السمع متقاربة جدا - اعتقد ومن وجهة نظرى فرامل الأسبورتج اقوى
عمتا فى الأخر مبسوط جدا لأنى راكب سيارة يابانى ومش اى يابانى طبعا دى هوندا يعنى فعلا الناس التى دعمتنى فى إتخاذ هذا القرار لهم دعواتى والأجر عند الله