مش عارف بجد لما سألت على اسعار بنزين 95 بعد الزيادة كان بـ ستة جنية الإ ربع ..
و بحسبة بسيطة كدا اغلب العربيات تنك البنزين بتاعها 50 لتر فيما فوق ..
يعنى هتمون لها بحوالى 270 جنية فى المرة الواحدة .. لو هـ يفول يعنى ..
و لو بيسافر او بيروح مشاوير طويلة و فول له مرة كل اسبوع .. يدفع له 1000 جنية فيما فوق فى الشهر بنزين بس ..
هل ده يعقل ؟
بص حضرتك على الموضوع ده و هتلاقى فيه أفكار كويسه ممكن تفيدك فى إيجاد حل
http://www.nilemotors.net/Nile/320266-95.html
ازيك يا باشا عااملاقتباس:
المشاركة الأصلية كتبت بواسطة land_cruiser
والله ياباشا انا لو معايا عربية بتاخد 95 مش هجازف واعمل الفكرة دى
لكن معا السعر دة الى معاة عربية بتاخد 95 اصبحت نقمة علية
انت عارف ان انا معايا رنجلر بدل ما كانت بمون كل اسبوع ب100
بعد كدة همون ب 250
بس الصراحة انا مش شايف اى رد فعل من الناس
هل هيكون دة نفس رد الفعل لما البنزين 92 يبقا قريب من 4 جينة
..............................................
.....................................
...........................
انذار ووقف اسبوع لمخالفة القاعدة 12
يرجى مراجعة قواعد المنتدى
5:41pm 1/12/2012
م.ع.4
قرار رفع الدعم عن بنزين 95 قرار سليم
ليه الدعم يروح لناس ماتستاهلش هذا الدعم
في ناس مش لاقيه تاكل وناس راكبه عربيات بمئات الالاف
وعايزين دعم من البلد علي حساب الناس الغلابه
اؤيد هذا القرار
مفيش مجازفة ولا حاجة؟!!! :oops2:اقتباس:
المشاركة الأصلية كتبت بواسطة Hussein_Ramdan
إحنا مش جايبين الكلام ده من دماغنا ياباشا.. مش ألش يعنى؟؟!! :grinder:
لو قريت المشاركات هتلاقى ان دى تركيبات أكبر شركات العالم للبنزين الـhigh-octane الـ98-100 كمان!!
بالنسبة لسؤالك:
- أناع نفسى لحد 3.75 (أو أقل من 4 جنيه زى مانت بتقول).. كنت هأحط 95
لكن كده إستهبال بصراحة -منهم لله
يعنى كنا بنتكلم فـ 150-200 جنيه زيادة فـ الشهر..
دلوقتى الراجل -صاحب الموضوع- بحسبة بسيطة (لو تانك كل أسبوع)
قالك 1000 جنيه فـ الشهر بنزين؟؟!!!
:pirate03:
اقتباس:
المشاركة الأصلية كتبت بواسطة hussein_ramdan
لا اعتقد انه هيكون نفس رد الفعل ابدا
وهتحصل مشاكل كبييييرة جدا وتظاهرات
لا طرق نضيفه ولا عربيات رخيصه ولا مواصلات ادميه. .....
لا زباله لميت ولا مرور حليت. . لا غلبان اديت ولا على عامل حنيت. ......
هييجي يوم نتمنى يوم من اللي احنا عايشين فيه
هييجي يوم نقول كنا بنشتري البنزين ببلاش
هييجي يوم نندم على اللمون اللي عصرناه
..............................................
.....................................
...........................
انذار ووقف اسبوع لمخالفة القاعدة 12
يرجى مراجعة قواعد المنتدى
5:51pm 1/12/2012
م.ع.4
..............................................اقتباس:
المشاركة الأصلية كتبت بواسطة speed_magnum
.....................................
...........................
انذار ووقف اسبوع لمخالفة القاعدة 12
يرجى مراجعة قواعد المنتدى
5:52pm 1/12/2012
م.ع.4
متزعلش منى ياباشا اصاحب العربيات دى بيفيدو البلد اكتر منى ومنكاقتباس:
المشاركة الأصلية كتبت بواسطة mohamed amr
لما واحد يجيب عربية مثلا بنص مليون بنقبض منها
شوف انبارح تقرير الجمارك دخلو كام مليار للبلد
الراجل دة براحة كدة مدخل للبلد ربع مليون
وكل سنة بيدفع مبلغ وقدرة فى الترخيص
الفلوس دى بتروح لحضرتك وليا لو احنا موظفين فى البلد
او بتروح للحكومة تجيب بيها عربيه حلوة لسيادة الوزير يركبها
بمعنى كدة من غير الناس دى الاقتصاد هيضرب
وهو كلو دلوقتى عايز يقعد فى البيت ويقول الحكومة هتاخد من الناس الاغنيا وتدى للفقرا
حضرتك استهلاك العربيات دي للبنزين 95 مش زي استهلاك عربياتنا
واللي معاه عربية ماشية ب95 مش فارق معاه ال1000 جنيه ده في اي حاجه
ممكن يدخل مطعم يسيبهم تبس
نستثني منهم بعض الحالات الشاذة اللي معاهم عربيات رخصية وبتمشي ب95
دول ضحية طبعا للقرار ده بلا شك
والدي لما كان في السعودية كان معاه عربية كابرس 2000 سي سي كان جايبها ب20 الف ريال
السعودية جات مره واحدة رفعت سعر البنزين بعد ما كان بتمن التراب
العربية اتباعت ب5 الاف ريال
حضرتك فاهم الموضوع غلط خااااالصاقتباس:
المشاركة الأصلية كتبت بواسطة hussein_ramdan
السلع دي يافندم بتيجي بالدولار
تسمى السلع الاستهلاكية الدولة مش بتستفاد منها بنكلة واحدة
وبتخسر بسببها لفقدنا عملة صعبة
عشان كده عملوا الجمارك
بمعنى اوضح لو الناس تبطل تستورد عربيات دي هيعود على اقتصادنا طبعا بالنفع
وبشكل عام لو بطلنا نستورد وبقنا نصدر بس ده معناه ان اقتصادنا قوي
بس طبعا مينفعش نبطل استيراد طول ما احنا مش بتنيل نصنع حاجه
مكرر ارجو الحذف
BMW X3 > 545,000 LE > 92اقتباس:
المشاركة الأصلية كتبت بواسطة semi
Opel Astra Turbo > 210,000 LE > 95
فين بقى ان البنزين 95 ده بتاع الناس الاغنيا؟
وبالعكس بقى العربيات الغاليه فيه منها حالات شاذه هيه اللي بتمشي بال 95 لأنهم في الاساس 6-8 سلندر وسي سي عالي فمش محتاجين مواتير تربو اللي بتحتاج 95
لكن الموتور التربو بيخليك تطلع قدره كبيره بسي سي أقل ومش هتلاقي عربيه من اللي بنص مليون ولا بمليون وفيها مواتير تيربو.
ده غير ان بنزين 95 مدعوم ب 50 مليون جنيه لكن الانواع التانيه 20 مليار جنيه. أنا مش ضد الغاء الدعم عن 95 ولكن ضد انه يتلغي وتفضل الانواع التانيه زي ما هيه. لازم الانواع التانيه تزيد شويه (الغاء جزئي للدعم)
يعني ال 80 يتلغي نهائيا مع ابقاء ال 92 على سعره
أو
80 يزيد سعره شويه ويزيد معاه ال 92 على الاقل نص جنيه.
http://www.nilemotors.net/Nile/321588-92.html
اقراوا يمكن تفهموا
لا و الاحلي ان بسبب الاحداث الحاليه البنك الدولي احتمال كبير يلغي القرض
و البس يا شعب
هو الكلام ده بنسبة كبيرة صحيح بس في حالة لو عكسناه!!..اقتباس:
المشاركة الأصلية كتبت بواسطة semi
حضرتك حاول تراجع معلوماتك الأقتصادية دي تاني لأنها مش دقيقة..
يعنى الاخ اللى بيعلق و يقول كلام فى اسقاط فى غير محله و بعد كده يرجع يزعل لو حد رد عليه باسلوب مش كويس طب و انت بتبدء تتكلم ليه اصلا باسلوب مش صحيح بمنتهى البساطه حضرتك بتتكلم على موضوع البنزين ليه تدخل المواضيع فى بعضها و بعد كده ترجع تقول اهم وصلوا ورجعو من الجامعه
اقتباس:
المشاركة الأصلية كتبت بواسطة hussein_ramdan
اقتباس:
المشاركة الأصلية كتبت بواسطة speed_magnum
اقتباس:
المشاركة الأصلية كتبت بواسطة hussein_ramdan
طبعم رددكم انتم الاتنين تدل على المستوى المتدنى للحوار و انعدام الذوق
كل الى اقدر اعمله تقرير مشاركة سىء للإداره ونشوف التصرف الى هيتخذ ضدكم
شكرا للادارة على حذف المشاركات قليلة الزوق
اللي معاه عربية مش قادر يصرف عليها يبيعها ويشتري واحدة تانية يقدر يصرف عليها --- مايصرفش عليها من دعم الفقرا---------------------------------
علي الاقل هتلاقي حاجة تبيعها وتشتري مكانها-----------------------------
غيرك مش لاقي يبيع ولايشتري
50 الف جنية حلم صعب المنال عند بعض الاسر
زي حلم 50 مليون عند واحد راكب عربية ب200 الف .................................................. ......
والله يا جماعة موضوع الدعم دة انا كان ليا فيه رأي وبعد لما كتبته احتفظت بيه في ملف تيكست
بس هحطه هنا علشان اوضح وجهة نظري
يا جماعة بردو محدش فهم الزتونة من الموضوع
الغرض هو ترشيد الأستهلاك
ترشيد الأستهلاك
ترشيد الأستهلاك
لما يقولك انت اخرك معايا 150 لتر - بعد المفاصلة بقوا 200 لتر (للأسرة) - يعني لو لقيت ابنك واخد العربية عشان يتمشي بيها علي كورنيش المعادي ولا طالع المقطم عشان يشم شوية هوا - هتجيب كرشه لأنه بكدة هيقتطع من نصيبك ونصيب والدته وأخواته في البنزين الشهري
الغرض مش أنهم يذلونا او يحطوا حاجة في جيوبهم
الحكومة عايزة ترشد الأستهلاك - يعني بمعني تاني
الحكومة بتدفع ثمن خروجتك بالعربية عشان تمشي العيال وتفرج عنهم
الغاوي ينقط بطاقيته
عايز يا حبيبي تتفسح - ادفع الثمن - مش تتفسح وتتفشخر من جيب غيرك
تخيل لو عملوها علي الكهرباء ؟؟؟؟
مش هتلاقي واحد مولع نور ومكيف في غرفة وهو قاعد في غرفة تانية
هتلاقي الشعب المصري كله حريص علي كل لمبة وكل كيلو كهرباء (دة ممكن الواحد يستخسر يرن الجرس ويخبط علي الباب اوفر)
بنفس المنطق وبعلم القياس - أسقط الموضوع علي البنزين
لو انت عارف ان حصتك في الشهر 150 لتر - هتشيل من دماغك فكرة تسقيط مكنة 2000 سي سي بدل ماتور عربيتك ال1000 سي سي عشان الشد والغرز وشد المواتير
هتشيل من دماغك فكرة اتمشي بالعربية - وهتنزل تتمشي علي رجلك
هتشيل من دماغك
هتشيل من دماغك
هتشيل من دماغك
وبكدة تبقي الدولة وفرت ملايين بتدفعها في الدعم لحاجات تانية أفيد للمجتمع ككل
انت راجل ولا هامك حاجة وأناني ومش بتفكر غير في نفسك
رايح جايب عربية 4000 سي سي وبالع دعم الدولة كله لنفسك (كل أحترامي لأعضاء المنتدي الكرام - ولا أقصد توجيه الكلام لأي منهم او بشخصن الحوار بيني وبين حد - انا بتكلم بوجه عام)
انت راجل اناني وماشي بعربيتك بتدخن ومش عايز تروح تظبط الكربراتير اللي سافح بنزين البلد كله
انت انت انت
فاكرين ايام الأزمة ؟ اللي كانت من كام شهر قبل الأنتخابات
كنت انا اقعد ادور علي بنزين ومش لاقي لتر واحد واشوف قدامي شاب بسيراتو كوبية مفيمها وعمال يلف بيها ويتمنظر ويحرق علي الغيارات - ابقي انا عايز البنزين عشان اروح شغلي واقدم حاجة لمجتمعي وهو عمال يلف بيها عشان يتمنظر قدام البنات في المولات والأسواق
مابيصعبش عليك البنزين اللي بيتحرق في مشكحة الشباب بالعربيات في جامعة الدول رايح جاي رايح جاي
مابيصعبش عليك البنزين اللي بيمونوه السياح اللي نازلين يتفسحوا بعربيات اقل ما فيها 4000 سي سي وبياخدوه بسعر مدعم وليل نهار مشكحة بالعربية ولف بيها في شوارع المحروسة ؟؟؟
اعتقد دة توجه عام لتقليل النفقات وترشيد الأستهلاك - بمعني أخر - شد الحزام
بس لو فضلوا يأذنوا بهذا التوجه الشعب هيضربها طبنجة ومش هيسمع منهم وهيعمل ودن من طين وودن من عجين
طب نجيبها من فوق وبالأمر وغصب عنك هتوفر يعني هتوفر لأنك مش هتقدر علي سعر البنزين وهو مش مدعم
او لو قدرت - خير وبركة اهو بتدخل فلوس لخزانة الدولة
هتقولي طب ماهو هيرفع سعر السلع الغذائية والمواد التموينية
هقولك ساعتها هيبقي في فائض في الموازنة هتقدر تدعم بيه الكلام دة او هيبقي لينا عين نطلب من الحكومة تدعيم السلع الغذائية وتوفيرها بسعر رسمي
حد فيكوا فاكر جمعيات النيل ؟؟؟؟
كانوا بيبيعوا فيها لحمة وسمك وجبن وكل حاجة
والفاخر منها كان اسمه سومانيل (منتشر في مصر الجديدة وجسر السويس)
تفتكر لو وفروا فلوس الدعم وطورا هذه المتاجر ورجعوها لسابق عصرها - مش تبقي فكرة كويسة ؟؟؟
يا جماعة - احنا دولة - ودولة كبيرة - اكبر مني ومنك ومن المنتدي كله - لازم نفكر تفكير بناء
تفكير يفيد المجتمع كله
وعلي فكرة
الكهرباء هي كمان مدعومة
يعني لو جه في يوم وقالك هنشيل الدعم من علي الكهرباء وهنرجعه للبنزين
هترد تقول أيه ؟؟؟؟
اتمني ماكنش ازعجت حد بمشاركتي
بس انا بصراحة بفكر بمنطق جماعي - صحيح انا هتضر من موضوع الدعم لأني بستهلك اكتر من 150 لتر في الشهر
بس لو الدعم هيوفر لولادي تعليم أفضل وغد مشرق - اكيد هتضحي بنفسي في مقابل أولادي
لو الدعم هيوفر علاج ليا لو مرضت - اكيد هبقي راضي اكتر من كدة
لو الدعم هيخلي مصر احسن - معنديش مانع
وبعدين هو مش بيقتلك - هو بيقولك وفر شوية يا بني أدم - عايزين نتقدم
بجد تسلم ايدك وعقلك وضميرك الواعى
استاذ SYD انا متفق معاك تماما ف كل اللى انت قلته
انا زيك بالظبط شايف ان الايام الجاية هتحصل شوية تغييرات متهيالى هتكون للاحسن
اهمها زى ما حضرتك قولت ان الناس هتبطل الشد والغرز و بالتبعية الحوادث هتقل و هتقل الفلوس اللى بتخسرها الدولة من الحوادث و مش هنشوف تانى ناس قاعدين يلفوا ف البلد بدون اى هدف و بالتالى الزحمة هتقل و اللياقة البدنية للشعب هترتفع شوية لان الناس هتضطر تركن العربية شوية, دا فى ناس بتروح للشارع اللى جمبهم بالعربية دا بجد مش هزار
ياريت اللى بتقولوه صح
بس للأسف كله كلام نظرى وحجج دائما بتساق من الحكومات لتبرير زيادة اسعار اى منتج
والحجه الجاهزة ترشيد الدعم عن الشعب الأرعن اللى بيسيئ استخدام موارد الدولة !!!
نفس الحجج ديه سمعناها لما رفعوا اسعار فواتير المياه فى السنين العشرة الأخيره من 2 جنيه الى قرابة 100 جنيه فى بعض الأحيان وقد تزيد
هل تم ترشيد الإستهلاك ؟؟
خلاص معدناش بنشوف حد بيغشل عربيته بخرطوم ميه ومغرق الدنيا وواخد باله ان الميه غالية ؟؟
خلاص اختفت ظاهرة رش الشارع بالمياه بداعى وبدون داعى !!!
نفس الكلام سمعناه لما اخترعوا نظام الشرائح فى فواتير الكهرباء
ايه اللى حصل بعدها !!!
بلاش ده وده لما الجنيه حالوا يعوموه وغرق وغرقنا كلنا
واسعار السيارات الزيرو قفزت من الخمسينات والستينات الى فوق الـ 100 ألف جنيه
ايه اللى حصل فى شراء السيارات فى مصر
والعربيات الكورى بقت بـ 150 ألف جنيه
هل توقف البيع وتم ترشيد الإستهلاك
وكل عائلة اكتفت بسيارة واحده
ولا حصل العكس تماماً
لازم يحصل نمو
ولازم الدنيا تتطور
ولازم الاستهلاك يزيد
بس ده مش معناه انى مع التبذير والإهدار
بالعكس
لو روحت حتى السعودية ولاقيت لتر البنزين بهلله مش ههدره على الفاضى
ومش هستعمل عربيتى على الفاضى والمليان
إن المبذرين كانوا اخوان الشياطين
أنا على طول بركن عربيتى وبركب الموتوسيكل لتوفير البنزين وتوفير الوقت والجه\ وحرق الأعصاب ولسهولة التنقل فى المشاوير الصغيره والخفيفة .. ولما بكون لوحدى من غير العائلة
وهذا السلوك بعمله سواء لتر البنزين بقى بربع جنيه ولا بنص جنيه ولا بـ 90 قرش ولا حتى بخمسه جنيه
بس انا ضد ان الحكومة تفضل تخنقنا فى كل حاجه وتحددلنا كل حاجه وتكون وصيه علينا فى كل حاجه
من أول تحديد النسل
الى تحديد كمية الداونلود على الانترنت
الى تحديد كميات البنزين
الى تحديد اسطوانات البوتاجاز
الى الكهرباء والميه
وياريت بناخد كل حاجه بسعرها العالمى
انما بناخد الخيبه والوكسه من كل دولة فى العالم والتبريرات وجاهزة
ايه اللى فى حياتنا مش محددينه
أنا ليا عقل وبفكر بيه وبحسن استخدام اى شيئ سواء كان بفلوس كتيره أو قليلة أو حتى ببلاش
وبوفر لنفسى ولبلدى حسب ظروفى واحتياجاتى بدون وصاية من حد
مش كل فشل وكل خيبه احنا اللى نشيلها على دماغنا
كفاية بقى اتخنقنا
يعنى هى الحكومة جاية تتشطر علينا احنا
طيب متروح تلغى الدعم من على المصانع الى بتبيع وتكسب و تصدر لبرة واحنا لو واحد عندة تكيف كبير شوية يقلك لا اغير شريحة المستخدم الى انت عليها وتدفع اكتر لية
لكن بتوع السراميك و الاسمنت والحديد يخدوا سعر مدعم ليه
اقتباس:
المشاركة الأصلية كتبت بواسطة syd
الكلام ده نظريا من اروع ما يمكن
بس واقعيا فى مصر مش حيحصل .......... ليه بقى ؟؟؟؟؟
عشان الحكومة حتوجه كل الفائض فى فلوس الدعم لسد عجز الموازنة اللى متسبب فيه ارتفاع حجم الدين المحلى العام
يعنى ببساطة مافيش اى خدمات او مرافق حتتحسن عشان حيتم ضخ الفائض فى فلوس الدعم فيها ....... اللى حيحصل ان الحكومة عايزة فلوس عشان تسد تمن الخدمات و المرافق الحالية اصلا اللى منيلة بستين نيلة اللى هى مداينة الحكومة
و ده كان احد اغراض قرض الصندوق الدولى
من الأخرررررررررررررررر
لن تتقدم دولة ابدا و يزيد مستوى معيشة أفرادها الا بتنمية موارد الدولة الطبيعية بعيدا عن جيوب مواطنيها
و اللى مش مصدق يشوف كل تجارب النهضة و التنمية اللى عملتها دول كانت ضايعة و دلوقتى افضل مننا بسنين ضوئية