سلسلة تـعـلـم مـعـي ( تغيير سير دينامو الالتو )
بسم الله الرحمن الرحيم
السلام عليكم و رحمة الله و بركاته
يسعدني اقدم لكن الدرس الأول في الالتو من سلسلة تعلم معي فكرة أ\ اياد
http://www.nilemotors.net/Nile/321793-a.html
http://www12.0zz0.com/2012/11/29/14/577691296.jpg
و هو شرح كيفية تغيير سير الدينامو و تركيبه في السوزوكي الألتو عشان لو حد ناوي يجرب او حتي لو حد هغير يبقي عارف ايه اللي يحصل او اتزنق في الطريق و مفيش ميكانيكي او اي حد يعملها بتصرف
بس لازم نعرف اعراض تلف السير و هي :
-صوت تصفير عند بداية التشغيل و يختفي بعد ما العربية تسخن و طبعا لو بيجي اخره -ممكن يفضل الصوت شغال
-وجود قطع في احد الاطراف او الحواف
-وجود تشقق او زي ما بنقول السير فلق او هتشوف زي ازاز مكسر جوة السير
- لو السير خلاص فيه اطراف اتقطعت و فلق و خلاص ممكن في لحظة يتقطع ممكن تسمع زي صوت تسقيف في بداية كل نقله
نيجي لطريقة التغيير
اولا هتحتاج الآتي :
مفتاح او لقمة و اللقمة أفضل عشان المسماير تحت لجوة - مفك عادة لتحريك الدينامو في المجرة و يمكن متحتاجوش - سير الدينامو نفس المقاس او اكبر او اصغر درجة واحدة و الأفضل نفس المقاس
مع العلم مقاس السير ا لأصلي في الالتو 720
ثانيا هيحصل الآتي :
هتتأكد ان العربية مطفية و تسمي
و تجيب المفتاح و تفك الــ3 مسامير اللي مشار اليهم في الصورة بس مش معني تفك انك تشيلهم لأ مجرد تفك بس عشان الدينامو سايب شوية
http://www.nilemotors.net/Nile/image.../wol_error.gif اضغط هنا لمشاهدة الصورة بالحجم الطبيعي.http://www.nileup.com//uploads/images/s78f3be78ee.jpg
بعد ما تفك تشد الدينامو عليك ناحية الفوانيس يعني لبرة و هتلاقي مجري زي ما الصورة موضحة يمشي فيها
( لو مش هتعرف تظبط الشدة بتاعت الدينامو و معاك نفس المقاس قبل ما تفك المسامير علم مكان المسمار و هو مربوط بقلم ع مكان الربط عشان ترجع تاني و عامة هتلاقي مكانه متعلم من التقريطة الفبريكة زي ما الصورة موضحة عندي )
( اما لو اكبر درجة يبقي هتشد الدينامو لجوة شوية عن المكان الاصلي لحد ام تظبط الشدة و ظبط الشدة انه ميكونش مشدود اوي و لا مرخي اوي يا دوب مشدود بحيث لما تدوس ع السير لجوة يكون في حدود 1 سم )
بعد ما فكينا الدينامو و شيلنا السير القديم نحط السير الجديد ع الطنابيير الأول ع الطنابيير اللي لبرة او الطنابير الواصلة بالموتور و بعدين ع طنبورة الدينامو و تشد اهم حاجة تتأكد ان مجري السير داخل في مجري الطنابيير زي عاشق و معشوق و ماشي تمام فيهم
بعد ما تحطه و تظبط شدة الدينامو تربط المسامير تاني و تربط كويس و تتأكد من شدة السير زي ما اتفقنا
و تسمي و تدور و تشوف السير اخباره ايه و هو راكب و شغال و تزود بنزين عشان تتأكد انه تمام
و مبروك عليك السير الجديد
فيه نقطة ناس كتير ميعرفوهاش ان السير بعد فترة بيرخي شوية و ساعتها ممكن تشده شدة بسيطة بحيث تكون الشدة زي ما قولنا او يروح لواحد يشدها
فيه طريقة تانية بس مجربتهاش الحقيقة و انا بسميها طريقة الدكتور ههههههه لأن د \ حازم قالي عليها او طريقة التغيير السريع و هي ميزتها انك مش هتفك حاجة
هترفع العربية من الجنب اليمين ع كوريك و تجيب مفك عادة و تدخله بين السير و الطنبورة اللي بتلف و تمشي العجلة واحدة واحدة و تطلع السير كانك بطلع جنزير العجل و في التركيب نفس الطريقة لكن بصراحة مجربتهاش بس تنفع لو ع نفس المقاس لكن القلق ان المفك ممكن يأثر ع الطنابير عندنا و السير في الماروتي مختلف عن الالتو الماروتي سنون لكن احنا مجري فخلونا في الأضمن و الأفضل
http://www12.0zz0.com/2012/11/29/14/360086456.jpg