الموضوع: اداء الفانتازيا

المشاركة الأصلية كتبت بواسطة MOstafa Hashem

الف مبروك يا باشا

انا استلمت فانتازيا 2012 من اباظه .. انصحك بأنك تبص على غطا الموتور اللى بيبقا عليه علامة الاسكودا و 1,6 عشان بيتسرق ويتباع بره .. وانا استلمت العربيه ومكنش فيها الغطا ده ومكنتش اعرف واشتريتو من التوكيل ب 490 جتيه

والكاوتش بيبقى بردجستون عادى بس احيانا بيبقى كونتينتبال فى الهاى لاين .. والكاتالوجات والمفتاحين والكوريك بتاع العربيه والشبكه اللى فى الشنطه والاريااال اهم حاجه عشان بيتفك وبيتركب

والسحبه الفعلبه بتاعة العربيه اكتر من 102 ولا تقارن بالاوبترا وعن تجربه .. بس لو انتا بتحب تشد بالعربيه هيضايقك موضوع الغيارات الكتير دى .. وبعدين انتا عندك سبورت درايف فى العربيه وده سحبته مخيفه جدااا والعربيه بتقفل معايا لحد 225 كم/س

الف مبروك مره تانيه

تعقيب بسيط بس...225 إيه اللي حضرتك بتقول عليها !! أكيد بقه حضرتك بتتكلم علي فانتازيا 1800 tsi مش اللي احنا راكبينها !!
العربية يا سيدي الفاضل محددة إلكترونياً عند 180 كم وعشان تفك الـ limit ده في فيوز بيتشال عشان تكسر الـ 180 ( الكلام ده بداية من موديلات آخر 2010 حتي تاريخه )

المشاركة الأصلية كتبت بواسطة m_bander

بسم الله ما شاء الله ربنا يبارك لك فيها

بس ايه موضوع ال 120 km limit exceeded هو العداد الديجيتال أخرة ١٢٠ ولا ايه؟؟

ربنا يكرمك يا فندم..الرسالة اللي ظهرت عند 120 ده إنذار انك متجاوز السرعة المسموحة .. والإنذار ده انت بتحدد بيشتغل عند سرعة كام..أنا عامله عند 120..ممكن تعمله علي أي سرعة تعجبك..لكن الديجيتال عادي شغال معاك لحد آخر عدادك.