اولا اهلا بحضرتك في قسم سيات نايل موتورز
قبل اي حاجة - واضح ان حضرتك عندك معلومة غير صحيحة بخصوص الأبيزا
الأبيزا ابتداء من موديل 97 (اللي هو عندنا 98) نزلت بمحرك ستوك 1.0 mpi - وعدد قليل جدا (يكاد يكون نادر) نزلت بمحرك 1.4 mpi
وبالتالي فأي عربية ابيزا 1.4 اعلم انها مسقطة او مغيرة موتور
طب هل الموتور المتغير يعيب العربية ؟؟
الأجابة لا - مش اي موتور بيتسقط يعيب العربية - اللي يعيب العربية لما اغير اساسياتها عشان الموتور الجديد كأن اغير قواعد وفتيس وكنترول وعفشة وفرامل وضفيرة
بمعني
المحرك 1.4 لا يتطلب تغيير كل ماسبق وبالتالي لا يعيب السيارة علي الأطلاق
والمشكلة اللي بتعيب العربية انك بتجيبلها حاجات جولف 2 وجولف 3 وممكن تولف من هنا علي من هنا وبالتالي هتشتري عربية انت مش عارف لو حاجة باظت فيها او عمرها خلص هتجيب ايه
ودي شوفناها كتير - تروح تشتري وبقلب جامد تقول للراجل اديني مثلا تيل ابيزا 98 - وبعد ما تروح للميكانيكي يقولك لا مش هو - وساعتها لازم تفك اللي راكب وتجيب زيه - ويطلع زي ما يطلع
قيس علي كدة العفشة
وانتبه ان حاجة الجولف 2 اغلي من حاجات الأبيزا والجولف 3 و 4 كمان ومش موجودة
نيجي لتاني نقطة
مع حضرتك 35 وعايز ابيزا
اولا لو بتفكر في موديل 2000-2002 فهو بالسعر دة هتلاقيها اما هاف اوبشن اما مش تمام - سعرها للحالة الجيدة بيبدأ من 37 لحد ال43
اما ال98 فبالمبلغ دة ان شاء يجيبلك حالة جيدة موديل 99 كاملة (تكييف وباور وزجاج ومرايات وسنتر وانذار)
واهم حاجة الحالة
تحياتي
المفضلات