اولا اللي عايز يتريق يقف علي باب الموضوع ويتريق براحته لاكن مايقعدش
ثانيا انا مش هخوض في تفاصيل علشان انا الغلطان تماما والصراحه انا اخدت تريقه بعمري
مش كفايه الفلوس 3500 جنيه لا وكل البيت بيتريق عليا
المهم العده اتاخدت من العلبه قبل ما تتفتح (الحرامي كان اول واحد يفتحها ابن المحظوظه)
دلوقتي انا عايز ابلغ عن العده علشان نفسي اتأكد مين اخدها اصلي شاكك في ناس كتير (هو واحد فقط مفيش غيره بس بداري الخيبه التقيله)
ايه الاجرءات اروح فين اروح لمين
انا اشتريت من القاهره بس طبعا هبلغ في الاقصر لاني رجعت
الف شكر مقدما الي كل معلومه مفيده وربنا يسامحك ياللي هتتريق وهيجيلك يوم اكيد