اشتريت جلاكسي s3 وملحقتش اروح بيه اتسرق

اولا اللي عايز يتريق يقف علي باب الموضوع ويتريق براحته لاكن مايقعدش :Copy of m-s5:
ثانيا انا مش هخوض في تفاصيل علشان انا الغلطان تماما والصراحه انا اخدت تريقه بعمري :36_6_3[1]:
مش كفايه الفلوس 3500 جنيه لا وكل البيت بيتريق عليا
المهم العده اتاخدت من العلبه قبل ما تتفتح (الحرامي كان اول واحد يفتحها ابن المحظوظه)
دلوقتي انا عايز ابلغ عن العده علشان نفسي اتأكد مين اخدها اصلي شاكك في ناس كتير (هو واحد فقط مفيش غيره بس بداري الخيبه التقيله)
ايه الاجرءات اروح فين اروح لمين
انا اشتريت من القاهره بس طبعا هبلغ في الاقصر لاني رجعت
الف شكر مقدما الي كل معلومه مفيده وربنا يسامحك ياللي هتتريق وهيجيلك يوم اكيد :grinder:

انا عااااااااااااااوز اعيط قدر الله ما شاء فعل

طيب مش ممكن تكون نسيت تحطة في العلبة وهو عند الي اشتريتة منة
اتصل بيه كده يمكن يكون شيلهولك هناك
او كلمني وانا اروح اسالك عليه هناك

مين قال اننا حنتريق ...... فيه حد يتريق فى مصايب حد

ربنا يعوض و يخلف عليك ان شاء الله

ربنا يعوض عليك ويرزقك بالأحسن منه ان شاء الله

انا معايا نفس التليفون ده

هو عيبه العلبه صغيره اوى يدوبك على حجمه بس وده اللى جننى شويه لما اشتريته

ربنا يعوضك خير إن شاء الله

ربنا يعوض عليك و بيدلك خير منه

متزعلش محدش عارف الخير فين مش يمكن دا فدا حاجه تانيه اكبر كانت ممكن تحصلك

قول الحمد لله

قدر الله وماشاء فعل..

لا حول ولا قوة الا بالله , ربنا يصبرك على ال3500 جنية اللى انت لسة دافعهم

عموما ياباشا كل اللى هتعملة انك هتاخد ال serial number بتاع الجهاز ولازم عشان يعتمد بية انك تصور الورقة اللى بتكون مع الجهاز اللى بيبقى مكتوب فيها الضمان وشروطة , وتصور بطاقتك , وتطلع على القسم

وشوف التليفون اتسرق منك فين والمكان اللى اتسرق منة هو دة اللى تعمل من البلاغ على حسب دائرة القسم , لانى من اللى فهمتة من كلامك انك اشتريت التليفون ولما روحت البيت مالقيتش التليفون فى العلبة

وان شاء الله يعملولة تتبع وربنا يسهل وتلاقية

اولا الحمد لله علي كل شيء وانا بجد مش زعلان نهائي بل بالعكس انا بقول اهم حاجه اشوف اولادي بصحه وسلامه وفي داهيه اي حاجه تاني
القصه في التريقه اني آمنت لواحد ماعرفهوش مش اكتر نزلت اجيب اكل وسيبت التيلفون في التاكس كان معايا من الصبح وانا اديتله 400 جنيه وقلت له لو عايز اكتر قول والراجل طلع زوق وانا كنت فاكره محترم
المهم انا مش من عادتي اني اسيب حاجه زي كده هو انتهز الفرصه اني نزلت اشتري اكل..... وراح قطع الاستيكر من ناحيه واحده وفتح العلبه اخد التليفون وساب العلبه زي ما هي
وانا جايبها هديه للمدام ومش راضي افتحها غير في البيت طبعا وصلت البيت وفاجأت المدام .......واشتغلت تزعق انت بتستهبل ليه تشتري دي وانت عارف انا مش همسك عده غاليه كده وبتاع ...........المهم بنفتح العلبه كان هيغمي علينا من المفاجأه هههههههههههههههههههه
اتصلت بالمحل قالوا احنا مش بنفتحها ابدا وبنسلمها مقفوله وانا متاكد اني استلمتها مقفوله
طبعا مفيش غير سواق التاكسي
بس هي نصيبها جه كده والحمد لله علي كل حال
الجميل في الموضوع اني عامل مفاجأه للمدام قلبت بمفاجأه لينا كلنا ومن ساعتها اخواتي والبيت وكل اصحابي بيتريقوا علي المفاجأه الجميله ههههههههههههههههههههه

اقتباس:

---

المشاركة الأصلية كتبت بواسطة semsem kane

لا حول ولا قوة الا بالله , ربنا يصبرك على ال3500 جنية اللى انت لسة دافعهم

عموما ياباشا كل اللى هتعملة انك هتاخد ال serial number بتاع الجهاز ولازم عشان يعتمد بية انك تصور الورقة اللى بتكون مع الجهاز اللى بيبقى مكتوب فيها الضمان وشروطة , وتصور بطاقتك , وتطلع على القسم

وشوف التليفون اتسرق منك فين والمكان اللى اتسرق منة هو دة اللى تعمل من البلاغ على حسب دائرة القسم , لانى من اللى فهمتة من كلامك انك اشتريت التليفون ولما روحت البيت مالقيتش التليفون فى العلبة

وان شاء الله يعملولة تتبع وربنا يسهل وتلاقية

---

يعني البلاغ يبقي في القاهره ماينفعش اقدم بلاغ من هنا في الاقصر لان انا مش هينفع اسافر دلوقتي نهائي
وبارك الله فيك يااخي الكريم

اقتباس:

---

المشاركة الأصلية كتبت بواسطة النوبي

يعني البلاغ يبقي في القاهره ماينفعش اقدم بلاغ من هنا في الاقصر لان انا مش هينفع اسافر دلوقتي نهائي
وبارك الله فيك يااخي الكريم

---

أولاً: ربنا يعوض عليك.

ثانياً: الحمد لله إنك ما زعلتش, معظم الناس كانوا هايتنكدوا جداً لو حصلهم كده. دي في حد ذاتها نعمه إنك مش حاسس بضيق.

ثالثاً: حضرتك ممكن تسأل في مديرية الأمن إذا كان ممكن تعمل البلاغ من عندك ولا لأ؟ بس خليك لحوح في السؤال وخليك واثق كده.

لسه واحد صاحبي مسروق في الأقصر وما حدش عمله حاجه إلا لما سواق التاكسي لفت نظره إنه يروح المديريه نفسها عشان لسه في مدير أمن جاي جديد وشادد عليهم.

شكراً

قدر الله وما شاء فعل
وربنا يعوض عليك يا نوبى باشا
المهم سلمتك وسلامه اولادك وكله يتعوض
لكن برضو خليك إيجابى وإعمل اللى عليك وإعمل محضر وخليك فعلا لحوح ومتنطش
ومتعرفش الخير فين وربنا يعوضك ألف خير إن شاء الله .
واوعى تحسبها إنها تريقه من الناس ولا حاجه إنت كنت حسن النيه لأقصى درجه فى وقت صعب فيه
حسن النيه للأسف .
لكن كرم مع سواق التاكسى اللص أكيد ربنا هيعوضك عنه خير .
ولو محتاج أى حاجه أعملهالك من القاهرة أنا جاهز وتحت أمرك .

اقتباس:

---

المشاركة الأصلية كتبت بواسطة alaa74

قدر الله وما شاء فعل
وربنا يعوض عليك يا نوبى باشا
المهم سلمتك وسلامه اولادك وكله يتعوض
لكن برضو خليك إيجابى وإعمل اللى عليك وإعمل محضر وخليك فعلا لحوح ومتنطش
ومتعرفش الخير فين وربنا يعوضك ألف خير إن شاء الله .
واوعى تحسبها إنها تريقه من الناس ولا حاجه إنت كنت حسن النيه لأقصى درجه فى وقت صعب فيه
حسن النيه للأسف .
لكن كرم مع سواق التاكسى اللص أكيد ربنا هيعوضك عنه خير .
ولو محتاج أى حاجه أعملهالك من القاهرة أنا جاهز وتحت أمرك .

---

الله يباركلك يابوعلاء ده العشم برضه انا عارف ان هنا اخواتي علشان كده حتي بتكلم حريه
انا كنت نازل اعمل محضر بس لما قرأت اني اعمله في القاهره رجعت وقلت انتظر لغايه لما افهم علشان اتحرك علي بصيره

انا مش عايز احبط حضرتك .. لكن تتبع التليفونات داخل شركات المحمول لا يتم الا باذن من النيابة و النيابة لا تأمر بتتبع تليفون معين الا فى حالات الجرائم الكبرى (قتل - سرقة كبيرة .... الخ)

عموما ربنا يعوض عليك و يرزقك باللى احسن منه.

لاحول ولا قوه الا بالله مقدر شعورك وشعور اهل بيتك ربنا يصبرك ويخلف عليك بضعف المبلغ ان شاء الله

اقتباس:

---

المشاركة الأصلية كتبت بواسطة النوبي

يعني البلاغ يبقي في القاهره ماينفعش اقدم بلاغ من هنا في الاقصر لان انا مش هينفع اسافر دلوقتي نهائي
وبارك الله فيك يااخي الكريم

---

هو المفروض مثلا لو واحد اتسرق فى وسط البلد اكيد الحرامية دول متخصصين سرقة فى وسط البلد فعشان كدة البلاغ بيتعمل فى نفس المنطقة اللى اتاخد منها الموبايل

بس اعتقد الحالة اللى حصلتلك دية هتعمل بلاغ فى القاهرة مش هتكون مقيد بقسم شرطة معين

لكن لازم فى القاهرة والله اعلم

على فكرة انا لسة مسروق منى تليفون s advance من الهرم وكنت بتكلم فية واتنين على موتسيكل خطفوة منى وطاروا وروحت عملت بلاغ فى قسم الهرم , وبقالة اهوة شهر ولا حس ولا خبر وربنا يسهل بس الحقيقة انا مهمل شوية فى الموضوع دة يعنى عملت بلاغ واهملت التليفون لانى مشغول جدا , بس ناوى اروح اشوف اية اللى حصل وهاقولك لو فية اجراءات جديدة تقدر انها ترجع الموبايل بإذن الله

لا حول ولا قوة الا بالله

ربنا يعوضك ان شاء الله

وعلى فكرة لو ليك واسطة جامدة هتعرف تجيبه

واحد اعرفه اتسرق منه Iphone 4 وجابه عشان خاله مستشار

لاء وايه !! ؟ اتسرق منه هنا في القاهرة واتجاب من طنطا ماتفهمش وصل طنطا ازاي ؟؟

بس يظهر ان الموبايل ده منحوس !!

انا اليوم اللى جبته فيها بعدها بساعتين طلع عليا بلطجية وضربو عليا نار

الحمد لله ربنا نجاني وقدرت اخلع منهم بس العربية زعلت في كتير

اهو الواحد بيقول الحمد لله على كل شئ وقدر الله ماشاء فعل

لعله خير

اقتباس:

---

المشاركة الأصلية كتبت بواسطة Ahmod

لا حول ولا قوة الا بالله

ربنا يعوضك ان شاء الله

وعلى فكرة لو ليك واسطة جامدة هتعرف تجيبه

واحد اعرفه اتسرق منه Iphone 4 وجابه عشان خاله مستشار

لاء وايه !! ؟ اتسرق منه هنا في القاهرة واتجاب من طنطا ماتفهمش وصل طنطا ازاي ؟؟

بس يظهر ان الموبايل ده منحوس !!

انا اليوم اللى جبته فيها بعدها بساعتين طلع عليا بلطجية وضربو عليا نار

الحمد لله ربنا نجاني وقدرت اخلع منهم بس العربية زعلت في كتير

اهو الواحد بيقول الحمد لله على كل شئ وقدر الله ماشاء فعل

لعله خير

---

طيب يابنى اكسب فينا ثواب احنا الاتنين وخد بيانات ال S advance وال S3 وقول لصاحبك دة يمكن يعرف يجيبهم , وليك الحلاوة يابو حميد هههههههههه:hlopaet_prv:

الف حمد لله علي سلامتك انت
وكويس ان ربنا فاداك بالموبايل
ياما ناس اتدبحت علشان يتسرق منها حاجات اقل من كده
اعتبره فدو ليك
وبرضه حاول ترجع حقك لو فيه طريقه

فداك 100 موبايل ...

عموما اعمل اللى عليك طالما انت متأكد انك مسيبتش حاجتك غير فى التاكسى

اعمل محضر واتهم فيه السائق لو فاكر رقم التاكسى وبنسبة معقولة ممكن يكون فعال

وربنا يعوض عليك معلش - قدر الله وما شاء الله فعل

انا اخويا اتسرق موبايله من على مكتبه فى الشغل وطبعا مقدرش يتهم حد

وبعد شهر قسم العتبة اتصل بيه وقالوه تليفونك موديله كذا اتسرق قال ايوه

الحرامى طلع ساعى عنده فى الشركة وراح يبيعه فى شارع عبد العزيز بسعر تافه فامناء شرطة قفشوه

و ودوه على القسم - صدفة بحتة بس كانت كويسة - ان شاء الله ربنا يكرم وتعرف ترجعه

فداك يا كبير الف موبيل
بس ليه مشكتشى فى المحل بذات نفسه
والمحل عان عامل الفتوره بسريال الجهاز ولا لا ء
لو الفتوره بسريال بص عليها وشوف نفس السريال الى على العلبه ولا لا لو لا يبقى المحل الى عمل الحركه دى

ربنا يعوضك خير ان شاء الله

لا الله الا الله الحمد انك و اسرتك بخير و ربنا يعوض عليك بالخير ان شاء الله

ربنا يعوض عليك

قدر الله وما شاء فعل ، تقريباً مفيش حد في مصر متسرقش منه موبايل ، بس انا مش عايز احبطك لكن للأسف مستحيل تجيبه هنا في مصر ، لأن مش معاك السيريال بتاعه وحتى لو معاك الشرطة مش هتجيبه ، لسه واحد صاحبي مسروق منه نفس الموبايل برضه .. خير ان شاء الله :)

اقتباس:

---

المشاركة الأصلية كتبت بواسطة semsem kane

هو المفروض مثلا لو واحد اتسرق فى وسط البلد اكيد الحرامية دول متخصصين سرقة فى وسط البلد فعشان كدة البلاغ بيتعمل فى نفس المنطقة اللى اتاخد منها الموبايل

بس اعتقد الحالة اللى حصلتلك دية هتعمل بلاغ فى القاهرة مش هتكون مقيد بقسم شرطة معين

لكن لازم فى القاهرة والله اعلم

على فكرة انا لسة مسروق منى تليفون s advance من الهرم وكنت بتكلم فية واتنين على موتسيكل خطفوة منى وطاروا وروحت عملت بلاغ فى قسم الهرم , وبقالة اهوة شهر ولا حس ولا خبر وربنا يسهل بس الحقيقة انا مهمل شوية فى الموضوع دة يعنى عملت بلاغ واهملت التليفون لانى مشغول جدا , بس ناوى اروح اشوف اية اللى حصل وهاقولك لو فية اجراءات جديدة تقدر انها ترجع الموبايل بإذن الله

---

حتى انت يا سمسم اتسرق منك موبايل :))
ربنا معاك وتجيبه ، حرامية الموبايلات بقوا اكتر من الشحاتين يا جدعان

ربنا يخلفك خيرا منه

موقف مسخره بصراحه شر البليه ما يضحك

ربنا يعوضك خير
معلش ربنا مش هيبارك للي اخده ابدا ..

انا رحت التوكيل اللي هنا وقالولي مش هيرجع بس ممكن تروح تقدم بلاغ وهيتقفل الموبايل ومش هيقبل اي شريحه داخل مصر
بكره هقدم بلاغ والله المستعان وانا والله مش مسامح في اللي اخده بس انا مش متضايق ابدا ده الحمد لله ان التليفون ده راح من وشي احسن ما كان حد من العيال اخد دور سخانه ولا حد اتعور الحمد لله كده افضل بكتييييييييير
والف شكر ياجماعه علي شعوركم النبيل انا بجد واخد الموضوع بهزار وبضحك فيه وبتريق علي نفسي حتي....... لان بجد الفلوس مش ليها قيمه ومحدش بيتعلم ببلاش
وانا التاكسي كان فيه شويه مشتروات بقيمه 55 الف جنيه وكان السواق مع الحاجه دي وعادي وهو ده اللي طمني وخلاني نسيت الموبايل وده قدر اولا واخيرا وفضل وعدل من عند الله
ودلوقتي نبدأ رحله الجمعيه الجديده علشان اشتري موبايل جديد بس مش هشتري جلاكسي هشتري سوني اكسبريا ادعولي اقبض بدري:ask:
:Copy of m-s5:

اقتباس:

---

المشاركة الأصلية كتبت بواسطة mody3on

حتى انت يا سمسم اتسرق منك موبايل :))
ربنا معاك وتجيبه ، حرامية الموبايلات بقوا اكتر من الشحاتين يا جدعان

---

انت فينك ياعم مختفى لية محدش بيشوفك خالص لعل المانع يكون خير وحمد الله على السلامة

وياعم يعنى اية حتى انت ياسمسم , انا زى اى مواطن عادى يابرنس , ممكن يحصلة موقف زى اى موقف بيحصل لاى مواطن ماشى فى المحروسة , والواحد بيدعى ويقول الحمد الله انها جت على قد كدة

قدر الله و ما شاء فعل

بص يا باشا أنت لو معاك السيريال و الفاتورة أطلع على أقرب قسم شرطة و أعمل بلاغ.........و قولهم أنه أتسرق و أنت مش عارف أتسرق فين فى القاهرة ولا الأقصر.

الإحتمالات مش كبيرة قوي أنه يرجع بس أعمل اللى عليك.

أنا ليا واحد صاحبي أتسرق منه تليفون 6600 زماااان لما كان جديد........و عمل بلاغ و كلموه بعدها ب 6 شهور.......و قالوله موجود فى قسم كذا فى إسكندرية و بالفعل راح و استلمه.

حاول و سيبها على الله.

اقتباس:

---

المشاركة الأصلية كتبت بواسطة النوبي

وانا جايبها هديه للمدام ومش راضي افتحها غير في البيت طبعا وصلت البيت وفاجأت المدام .......واشتغلت تزعق انت بتستهبل ليه تشتري دي وانت عارف انا مش همسك عده غاليه كده وبتاع ...........المهم بنفتح العلبه كان هيغمي علينا من المفاجأه هههههههههههههههههههه
اتصلت بالمحل قالوا احنا مش بنفتحها ابدا وبنسلمها مقفوله وانا متاكد اني استلمتها مقفوله
طبعا مفيش غير سواق التاكسي
بس هي نصيبها جه كده والحمد لله علي كل حال
الجميل في الموضوع اني عامل مفاجأه للمدام قلبت بمفاجأه لينا كلنا ومن ساعتها اخواتي والبيت وكل اصحابي بيتريقوا علي المفاجأه الجميله ههههههههههههههههههههه

---

هههههههههههههههههههههه
سامحني مش قادر امسك نفسي هههههههههههههه. عمال اتخيل الموقف لو حصل معايا هيبقى منظري ايه ... اااااخ يمه يانا يمه هههههههه.

بص يا نوبي يا عزيزي ... انا ليا اصدقاء في احدى شركات الموبايل المشهورة في مصر .... كل ما اقابلهم يحكولي انهم بيجو يفتحوا علبة. الموبايل للزبون .... بيلاقوا العلبة فيها كل حاجة ماعدى الموبايل .... وتقوم الشركة تلبسهم تمن الموبايل ... ومشكلة الشركة دي لافيها كاميرات ولا هم يحزنون .... يعني اي حد يخش بشويش للمخزن يفتح العلبة ياخود منها العدة وياخود بعضوا ويفلسع بعد ماخبا العدة في جيبوا ولان الموظفين مسئولين مسؤولية كاملة عن كل فرع .... المدير بيقوم مشيل تمن العدة لكل الموظفين .... ويمكن لو في ناس معانا شغالين في الشركة دي هيعرفوا انا بتكلم عن انهي شركة الي بقت سومعتها زبالة فياريت تقلي الضمان تبع انهي شركة موبايلات الي اخر حرف من اسمها تاء مربوطة (ة)
ومن اي فرع وهل شفت الموبايل بعينك في الشركة قبل ما تشتريه ولا اشتريت العلبة كده وهيا متبرشمة وخدت بعضك ومشيت وتحياتي

اقتباس:

---

المشاركة الأصلية كتبت بواسطة semsem kane

انت فينك ياعم مختفى لية محدش بيشوفك خالص لعل المانع يكون خير وحمد الله على السلامة

وياعم يعنى اية حتى انت ياسمسم , انا زى اى مواطن عادى يابرنس , ممكن يحصلة موقف زى اى موقف بيحصل لاى مواطن ماشى فى المحروسة , والواحد بيدعى ويقول الحمد الله انها جت على قد كدة

---

الله يسلمك يا كبير معلش ظروف الدراسة :)
انت لسه جايبه جديد مش كدة ؟ الله يعوض عليك كلنا اتحطينا في نفس الموقف
انا بقى كان معايا الموبايل وواقف في مظاهرة ايام احداث مجلس محمد محمود وهوب بحسس في جيبي ملقيتهوش اتجننت :d الشعب كله بقى نشال

اقتباس:

---

المشاركة الأصلية كتبت بواسطة mody3on

الله يسلمك يا كبير معلش ظروف الدراسة :)
انت لسه جايبه جديد مش كدة ؟ الله يعوض عليك كلنا اتحطينا في نفس الموقف
انا بقى كان معايا الموبايل وواقف في مظاهرة ايام احداث مجلس محمد محمود وهوب بحسس في جيبي ملقيتهوش اتجننت :d الشعب كله بقى نشال

---

اتسرق بعد 6 شهور ونصف , وربنا يعوض عليك ياباشا , انا مافيش حد اكلمة واقولة ان موبايلى اتسرق , والاقية هو كمان بيقولى ان موبايلة اتسرق , مش عارف اية اللى حصل فى الدنيا , ربنا ينجينا على خير من اللى بيحصل فى البلد دية

ربنا يعوض عليك