السلام عليكم
أحببت أن أبعث رسالة الى كل شخص معوق , إلا يتعامل نهائياً مع معرض كريستال - أولا حسين للسيارات - بورسيعد أو شبين الكوم , او أى فرع له
وذلك عن تجربيتى معه فى شراء سياراتى , وتجارب أصدقاء لى معه
فهو لا يتق الله فى التعامل مع المعاقين
والله العظيم لا أتجنى عليه
وهذا الاعلان خاص بهم
‫شركة كريستال لسيارات المعاقين والسيارات المجهزه طبياً‬‎ - YouTube
اللهم بلغت اللهم فاشهد
وهذا رقم تليفونى لاى أستفسار
01110336039
أبو يوسف
ايه اللي حصل بس ؟
احكيلنا حضرتك ايه اللى حصل معاك ... علشان المعلومه تبقى كامله
أنا أسمى أبو يوسف
وروحت بورسعيد علشان أشترى عربية معاقين , ولكن الحظ لم يحالفنى هذا اليوم
أولاً : أنا سافرت يوم خميس , وللأسف يوم الخميس هناك نص يوم يعنى الساعة 12 ظهراً
اتفرجت على عربيات كتيير قوى , ودخلت معرض هناك ليس له علاقة بمعرض كريستال
وللأسف المعرض كان النور فيه خفيف جداً , طبعاً علشان متشفش عيوب العربية
واتفرجت على عربية ماتريكس 2002 , والتاجر قعد يحلف أن العربية أخرها 40000 جنيه , وطلع ورق مكتوب فيه أن العربية دخلة المعرض ب 40000 جنيه يعنى بيبعهالى بتمن الشراء , طبعاً ورق أى كلام
المهم قعد يفاصل معايا , لحد ما الوقت بتاع الشراء خلص وبعدين فجأة راح قالى حلاص برحتك
المهم سيبته وروحت معرض تانى , ولاقيته بينادى عليه وأنا واقف مع التاجر اللى فى المعرض التانى وبيوقلى تعالى اللى أنت عاوزه هاعملهولك , قولتلى أن كل اللى معايا 38000 جنيه , المهم رجعنا المعرض تانى , وبقيت الساعة 11.30 , وقلتله خرجلى العربية فى النور علشان أشوفها , قالى طيب المهم نخلص الورق الاول ولو العربية فيها أى حاجة أنا مسئول عنها , المهم وقعت على العقد, وبقله هات العقد أقراه قالى العقد هنروح بيه بسرعة الجمرك علشان نلحق نخرج العربية قبل ما يقفله , قلتله ماشى , المهم مجرد ما وقعت على العقد وخد منى الفلوس لاقيت معاملة تانية خالص , بقله فين العربية اللى هنروح بيها الجمارك قالى لأ أركب تاكسى أنا معنديش عربيات مع أنه ركبنا حوالى 3 عربيات وهو بيفرجنى على العربيات اللى عنده , المهم ركبت تاكسى لحد هنال أنا وواحد من عنده , وروحنا الجمرك خلصنا الورق , ولاقيت الواحد دة هنالك بيقولى هات 150 ج , بقوله بتوع أية ؟ فالةى بتوع التوقيع , طبعاً بعد جدال دفعت ال 150 جنيه , ولما رجعنا دفعلى 100 جنيه علشان مش معايا رفع حظر العربية اللى فاتت , وكل دة من غير إيصالات , المهم خرجلى العربية , لاقيتها فيها بارومة , وفيها حاجات كتيير ناقصة , والتكييف مش شغال , فرجعتله للمعرض , ملقتش ولا واحد منهم , وكل ما أكلم حد يقولى مش فاضيين , المهم لاقيت صاحب المعرص بقوله التكييف مش شغلا قالى دة مش بتاعى دة بتاعك أنت , طبعاً بعد جدال بدون جدوى شحنت التكييف هناك ب 80 جنيه على حسابى , وطبعاً كان فى حاجات كتيير ناقصا من العربية , الكوريك , الولاعة , الاريال , الدواسات , مفك مسامسير العجل , المهم وانا ماشى , لاقيته بيقولى فى 100 جنيه صيانه , قولتلى صيانة اية , دة انت مردتش تصلح التكييف , والعربية محدش رضى يمسح التراب اللى عليها , قالى خلاص مالكش ورق عندنا , قولتله خلاص هات فلوسى وخد عربيتك , قالى ماشى هات 3000 جنيه قولتله بتوع أية قالى العقد بيقول كدة , قولتله العقد اللى انت مردتش توروهلى أصلاً و راح جايب العقد لاقيت كتوب فيه ان فيه بند بيقو ان اللى يرجع فى البيعه يدفع 3000 ج , وكاتب ان لو أنا رفضت دفع 100 ج صيانه مستلمش الورق , وطبعاً دفعت ال 100 جنيه , وخد العربية ومشيت , وانا فى السكة العجلة فرقعت فو الدائرى , ورنا ستر ووقفنا وفتحنا الشنطو علشان نغير الاستبن لاقينا الاستبن الموجود مقاش 13 والعربية مقاس 15 المهم قولنا نركبه وخلاص لاقينا المسمامير مش ركبها على الاخرام , وللأسف الشخص اللى كان معايا كان معوق برده , المهم خدنا العجلة ونزلنا بيها من فوق الدائى لحد أقرب بتاع كاوتش , واشترينا عجلة مستعملة خارجى ب 120 جنيع , ورجعنا للعربية تانى بعد تعب ومعنا وتخيله يعنى ايه اتنين معوقين نازلين من فوق الدائى بيزوقع عجل عربية وعلشان معرفناش ننزلها من على السلم رمناها من فوق ونزلنا على السلم , هل دة يرضى ربنا
المهم بعد كام يوم روحت عند الورشة بتاعت التجهيزات اللى فى نهاية شارع أحمد حلمى ( الحاج يسرى / فاضل ) علشان أركب التجهيزة , وانا واقف لاقيت عربية لافيتا واقفة وصاحبتها بتركب تجهيزة فبقولها كنتى هاتى ماتريكس أحسن لأن الافيتا 1500 cc والماتريكس 1600 cc قالتلى منهم لله معرض كريستال , ضحكه عليا وادونى العربية على أنها ماتريكس , واستغله انى مش عارفه الفرق بينهم , وبعالى بنفس تمن الماتريكس 39000 ج مع ان الافيتا بـ 35000 ج , , والمهم كنت امبارح فى المرور برخص لاقيت عربية شكل السوزيكى فان واقفا بترخص بس بس ماركتها kia وصاحبها معوق , قولتلة اية دة هو احنا لينا العربيات دى , قالى أة أنا جايبها من معرض كريستال اللى فى شبين , بس ربنا يلعنهم فى الارض وفى السماء , وفى كل كتاب , بقوله ليه كدة قالى العربية دى ثمنها 19000 ج , وهما باعوهالى ب 24000 ج , وبعد ما رجت بيها مصر لاقيت الماتور بايظ وغيرت الماتور ب 4500 ج , منهم لله
علشان كدة قررت أقول للناس محدش يتعمل مه المعرض دة
وهى دى الحكاية
حسبى الله فى كل من يستغل ضعف أو جهل أو غربة أنسان
شكرا على النصيحة .. مش عارف الناس دي بتستحل الفلوس دي على نفسها ازاي.
حتي المعاقين الناس بتستغلهم !!! ربنا يهدي و ينتقم
ان شاء الله كل واحد نصب على الناس يتعذب بالفلوس ف الدنيا قبل الاخرة
و تتطربق على دماغة كمان من حيث لا يدرى
اصلا محدش يشترى من شبين الكوم انا من شبين الكوم ولى عم معوق رحت معاه اتفرج هناك على العربيات علشان هو كان عاوز يغير عربيتة لقينا هناك كل العربيات ركش وزبالة مكنش فيه غير عربيتين بس نضاف واحده كيا شوما والتانية اسكودا فابيا وخلاص على كدا وسافرنا بور سعيد روحنا معارض كتير بس اشترى من ايجى ترانس بس عاوز اقولك انه الكلام دا من سنتين اشترى اسكودا اوكتافيا ايه فور ب 70 الف جنية موديل 99
وبرضة طبعا من السعر تعرفوا انه انضحك علينا لاننا لما رجعنا لقينا ان زيها ب 75 الف عادى مش معاقين وكانت 2002 مش 99 واهو عمى متدبس فيها لحد ما ال 5 سنين يخلصوا
لا حول ولا قوة إلا بالله
ربنا ينتقم من كل نصاب بيستغل حاجه الناس و عدم درايتهم و ينصب عليهم , ربنا لا يباركلهم ابدا في مالهم الحرام
حسبي الله ونعم الوكيل
معظم التجار بتوع المستعمل مش عندهم اي ذمة
لو العربية تتقدر بمبلغ وقدره نتيجة عيب كذا وكذا
لو قدر يخفي العيوب دي تبقى شطارة ويزودلك فوق تمنها 5 الالاف او على اد ما يقدر
ويسمي دي شطارة في البيع
محدش يشتري حاجه من تجار المستعمل الا لما يكون معاه حد عنده خبرة
لان غالبا التاجر بيفضل عارض بضاعته لحد لما يجي حد يشتري مش عنده الخبرة الكافية
معه احترامى ليك انت الى غلطان مفيش امان النهاردع كنت لازم تكشف على العربيه قبل ما تدفع مليم واحدمش تدفع وبعدين تكشف !!!!!!!!!!!!!!
هو طبعا المعرض حرامي وإن شاء الله حسابه عند ربنا عسير
بس زي ماأستاذ حسام بيقول مكانش ينفع تدفع قبل ماتعاين العربية وتتأكد من كل حاجة فيها
إحنا في غابة ومعظم التجار بيحاولوا ينصبوا بأي طريقة
لا حول ولا قوة الا بالله العظيم
هي ليه الناس نسيت ربنا كده. ؟؟؟؟؟
حسبي الله ونعم الوكيل
ده انا دمي اتحرق من اللي قاريته
والاستاذ حسام عنده حق انت فعلا غلطان بس محدش بيتعلم ببلاش
أصعب حاجة فى الزمان دة أن المظلوم يبقى هو الغلطان , حتى لو بحسن نية
على فكرة ياجماعة أنا مش غلطان المفروض تكون الامانة والضمير أساس البيع والشراء
سواء أنا بفهم فى العربيات أو مش بفهم لازم البائع يكون عنده ضمير ويقول على العيوب اللى فى العربية
يعنى الامانة تحتم على البائع يقول العربية فيها عيوب ( كذا .. كذا ) ويقول السعر اللى هو عاوزه وانا اوافق أو أرفض , يبقى انا مش غلطان , هو اللى معندوهوش ضمير
عامل زى النصاب لما ينصب على حد , دايما نرمى اللوم على الشخص المنصوب عليه , ونقوله مش تخلى بالك , هو فى حد يعمل كدة , وكأن النصب دى بقت حاجة عادية .
أصعب حاجة فى الزمان دة أن المظلوم يبقى هو الغلطان , حتى لو بحسن نية
على فكرة ياجماعة أنا مش غلطان المفروض تكون الامانة والضمير أساس البيع والشراء
سواء أنا بفهم فى العربيات أو مش بفهم لازم البائع يكون عنده ضمير ويقول على العيوب اللى فى العربية
يعنى الامانة تحتم على البائع يقول العربية فيها عيوب ( كذا .. كذا ) ويقول السعر اللى هو عاوزه وانا اوافق أو أرفض , يبقى انا مش غلطان , هو اللى معندوهوش ضمير
عامل زى النصاب لما ينصب على حد , دايما نرمى اللوم على الشخص المنصوب عليه , ونقوله مش تخلى بالك , هو فى حد يعمل كدة , وكأن النصب دى بقت حاجة عادية .
لا حول ولا قوة الا بالله ربنا منتقم كبير
التاجر ده وامثاله ربنا قادر ينتقم منهم احسن انتقام ان شاء الله
ربنا ينتقم منه معرفش بيقبلو فلوس حرام على نفسهم ازاياقتباس:
المشاركة الأصلية كتبت بواسطة أبو يوسف
بس حضرتك مش غلطان الامانة بقت عملة صعبة
الواحد مش لازم يكون خبرة اما يجي يشتري حاجة عربية او اجهزة كهربائية او او او
لو تقدر تشوف حد يولعلو في المعرض او يديلو علقة سخنة عشان يفوق شوية
للاسف هو استغل قلة معرفتك
حسبي الله ونعم الوكيل
ويكفي انربنا قال هاينصرك ولو بعد حين لانه ظلمك
معلش يا اخي كله سلف ودين
بس بصراحة انا مصعبش عليا الفلوس نهائي اكتر من وقفتكم على الدائري بدون استبن
يا سار على ناس تقتل بشر عشان قرش
حاجة تحرق الدم
أعلم والله هذا من زمان منذ ان اشتريت سيارتي السابقة تمبرا , لا يتقون الله , أسأل الله تعالى أن ينتقم من كل من يستغل المعاق وحاجته ولن انسى ما حييت تجربتي غاية السوء مع سمير ورشدي أصحاب هذه الشركة لا سامحهم اللهاقتباس:
المشاركة الأصلية كتبت بواسطة أبو يوسف
لا حول ولا قوة الا بالله ربنا منتقم كبير
حسبنا الله ونعم الوكيل فيهم
ربنا يعينك ياباشا ويعوضك بخير أن شاء الله
ربنا يعوضك خير
معلش ربنا مش هيبارك ابدا ليه علي ظلم الناس
قول انت بس حسبي الله وده كفاية اوي
واكبر من اي ظلم ..
واضح طبعا انهم معندهمش ضمير بس اسمحلي حضرتك بردو غلطان
ازاي حضرتك تدفع فلوس وتمضي العقد من غير متفحص العربيه ؟!!
حسبنا الله ونعم الوكيل فيهم
مين يقبل على نفسه قرش حرام
شكرا علي الاضافه الرائعه في كلام حضرتك استاذ ابو يوسف:Zb_sor1[1]:
مع حضرتك احمد شركس من شركه كريستال اولاد حسين ( مدير التسويق )
حضرتك ذكرت ان انت اشتريت من شركه كريستال اولاد حسين والشركه تنقسم الي قسمين
قسم خاص بالشركه نفسه وقسم كريستال وهو يضم مجموعه من التجار مختلفين وكل شخص فيهم لا يمت صله بكريستال اولاد حسين
وبالنسبه لشبين الكوم حضرتك تنقسم الي 3 اقسام و3 شركات مختلفه واصل المخازن بأسم كريستال اولاد حسين
ارجو عدم التشهير لان اللي حضرتك بتقوله ده تعريض وانا بقولك نصيحه من اخ انك تحاول تدقق معلوماتك وتشوف مين اللي باع لحضرتك السياره
والتعامل مع شركتنا فقط يتم عن طريق هذا الهاتف فقط 01000857547 - 01282557174
واي تعامل اخر- يعتبر ليس من الشركه
وبالنسبه لشكوي حضرتك انا مش شايف فيها ان فيها شكوي انا شايف فيها ان حضرتك مركزتش ساعه الشراء وخليت اللي باعلك ده باعلك من غير ما تاخد انت احتياطاتك
اللي هي كالاتي :-
1- تتأكد من حاله السياره وموافقتك عليها علي بركه الله
2- تتاكد من الكلام اللي مكتوب في العقد زي بياناتك - السعر - تاريخ الشراء - الاسم الخاص بالمعرض اللوجو فوق العقد
3- جميع شروط العقد
4- الصيانه المتفق عليها في السياره علشان لو طلب قهوه صيانه لعماله يبقي ليه حق
5- الكماليات الخاصه بالعربيه ( الكوريك - الاستبن - مفتاح العجل - كل مايخص رفايع وكماليات للسياره
6- ان تتاكد من تربيط العجل جيدا قبل المغادره
7- تغير الزيت قبل السفر
رقم الشكاوي لشركه كريستال اولاد حسين : 01000857547
اقتباس:
المشاركة الأصلية كتبت بواسطة crystalcar
هسال حضرتك سؤال هل الاعلان اللى موجود فى الموضوع ده اعلان سيادتكم و له لالالالالالالالالالا
علشان نعرف الموضوع يمت لحضرتك بصلة او من عدمه
تحياتى ليك للتوضيح و الرجاء المتبعة
لا حول ولا قوة الا بالله ايــــــــــــه القرف اللي بقي الناس فيه ده ، والله ناس بالمستوي ده ميرقوش اصلا انهم يعيشوا معانا دول لازمهم حبس ابدي :/ ، ده الحاجه الوحيده اللي كانت بتصبر الواحد علي العيشه الزفت اللي في البلد دي امانة اهلها و خوفهم علي بعض حسبنا الله ونعم الوكيل
احنا لما بنروح بور سعيد باخد واحد معانا هو اللى بيتعامل معاهم وبيفاصل كمان
لان احنا ملناش فى الطرق الملتوية اللى هما بعملوها
احنا ممكن نخلص العربية وهو يشتريها وبياخد نصيبة
اقتباس:
المشاركة الأصلية كتبت بواسطة crystalcar
ا / أحمد شركس , عاوز أقولك أنك كنت واقف وأنا بششترى العربية , وانا شاريها من الحاج حسين نفسه , اللى موجود فى الاعلان , وشركة كريستال هى شركة واحدة وليست أكثر من شركة كما تدعى
وأنا عارف ان بقول أية كويس قوى , وبتقى الله فى كلمة تخرج من فمى , لأنى سأحاسب عليها كويس قوى , واللى بينى وبينكم ربنا , وأنا بشهدلك بالمجهود الجبار اللى انت عمله على النت , وطريقتك فى الرد عليا فعلاً ممتازة , بس فى الحقيقة ما فيش اى حاجة من اللى انت كتبه صحيحة انتوا أخذتوا منى 100 جنية ( صيانة ) مع أنى العربية لم يتم حتى مسحها من التراب , ولم حبيت أغير العربية لما لاقيت فيها بارومة , الحاج حسين , قالى هانخصم 3000 جنية ( بدون أى حق )
انا بس عاوز أقولك انت والناس اللى معاك
إتقى الله فى كل قرش يدخل بيتك , لأن الفلوس دى أنت ما تعرفش أحنا بنجبها أزاى
أنت ما جربتش يعنى تبقى واقف أنت وزوجتك واولادك علشان تركب مواصلات والناس كلها بتجرى علشان تلحق مكان وانت واقف محلك سر , خايف حتى حد يزوقك يوقعك , تخيل منظرك أية قصاد زوجتك وأولادك
مجربتش مابيقاش معاك فلوس تركب تاكسى , ومش قادر تطلع سلالم المترو وتنزل ومش عارف تعمل أية فتيجى على نفسك علشان توفر قرش لبيتك وتطلع 100 سلم وتنزل 100 سلم .
مجرتش انك علشان تروح مشوار لازم تركب , وعلشان تيجى على نفسك وتمشى شوية تبقى ماشى غرقان عرق من التعب لدرجة أن العرق وصل لحد رجلك
انتوا متعرفوش يعنى أية معوق , انتوا تعرفوا تستغلوا بس
وفى الاخر يبقى مصيرنا فى أيد ناس زيكوا بيسغلونا
ياأخى دة إحنا أسمنا أصحاب الاحتياجات الخاصة
وانتى بتعملوا فينا كدة
حسبى الله ونعم الوكيل فيكوا وفى أى حد ميرحمش محتاج
ربنا قداك الصحة ,,,, لكن قدانا لسان ندعوا به
أبو يوسف
معلش يا ابو يوسف هدي نفسك و ربنا مبيسيبش حد ولو انت اتظلمت ربنا هيجيبلك حقك في الدنيا و الاخره و هيثيبك ان شاء الله علي صبركاقتباس:
المشاركة الأصلية كتبت بواسطة أبو يوسف
طبعا مسؤل المبيعات بيقول الشركه واحده منقسمه الى تلاته ومش عارف ايه
كلام كله فاضى
ربنا بنتقم من كل واحد يستغل الناس وحسبى الله ونعم الوكيل فيكم
ربنا موجود ولو حد نصب على حد او استغله هياخد عقابه لو مش خده فى الدنيا هياخده فى الاخرة
وزي ما بيتقال ف الامثال
متشال ع الرفوف للولد الملفوف
قل حبي الله ونعم الوكيل
طبعا واضح انهم خبره في النصب على خلق الله
..
هو حضرتك اكيد عليك جزء من الغلط
يمكن لفرحتك بالعربيه او خوفك تطير من ايدك او ثقه في الناس
فعلا حرص ولا تخون
واللي بيجي على شخص ضعيف ربنا بينتقم منه
انا دمي اتحرقلك يا راجل .......ياخي حسبي الله ونعم الوكيل في كل ظالم وفاكر نفسو فهلوي بس ربنا مبيسبش وكل واحد عارف هو عمل ايه كويس وعارف انو ظلم واستحل قرش بدون وجه حقاقتباس:
المشاركة الأصلية كتبت بواسطة أبو يوسف
وبعدين المحترم هيخليك
تتمم على عربيتك قبل ما تمضي العقد
تقرى العقد
كان يرجعلك العربيه من غير غرامات دنتا حتى مخدتهاش ومشيت
ميطلبش اتاوه 100 جنيه
ده المحترم اللي بيعمل كده
حسبي الله ونعم الوكيل يمهل ولا يهمل
أخوانى فى المنتدى
يعلم الله اننى ليس بينى , وبين شركة كريستال ( اولاد حسين ) ومدير التسويق أ /أحمد شركس
أى سابق معرفة , غير لما روحت وأشتريت العربية , وانا فعلاً على جزء كبير من الغلط , لأن كان في حاجات لازم أخد بالى منها لكن أعذرونى قلة الخبرة , وتعب السفر واللف , وفرحتى يالسيارة , وحاجات كتيير قوى , بس دة ميمنعش أن شركة كريستال إستغلت حاجات كتيير قوى فيا وفى غيرى و وأنا عاوز أوجه رسالة لأستاذ / أحمد شركى , اللى بيقول انى غلطان وان الشركة اللى أنا أشتريت منها مش شركتهم .
أ / عادل - مش معاك فى الشركة - أ/ مدحت ( الملتحى ) مش معاك فى الشركة
بنود العقد اللى انا قولت عليها ( 100 جنيه ) صيانة , 3000 جنيه بند تغيير السيارة , مش دة العقد بتاعكم
الموتسيكلات اللى مشيت ورانا من ساعة ما خرجت من عندكم لحد المعرض التانى مش تبعكم
شحن التكييف اللى انتوا قولتوا أنه عليكوا وبعد ما اشتريت , كذبتوا وقولتوا ل ما قناش كدة , وشحنته على حسابى , مش أنتوا بردوا
وانت لما جيت فى اخر اليوم , وعرفتنى بنفسك , حد انت مليان شوية , ومش طويل , بردوا مش أنت