اقتباس المشاركة الأصلية كتبت بواسطة wael abbas مشاهدة المشاركة
بعد السلام عليكم
انا عربيتى كان سحبها بطئ شوية وكانت بتغلبنى فى الدوارة الصبح شوية وكان لازم اديها سنة بنزين وصوت الموتور كان بيعلى معايا شوية المهم رحت للميكانيكى وظبطلى كهربتها ونظفلى الكربراتير وظبط التكيهات لانى قالى انها كانت مفتوحة شوية المهم بعد معمل كده مشيت بالعربية لاقيت صوتها بقا اعلى من الاول ومجرد مدوس بنزين العربية تجرى منى وتنطر ولما اجيت اسخنها الصبح حطيت رجلى على البنزين وكل مشيلها تقوم فاصلة منى ومش عارف ايه السبب وانهاردة الحد والميكانيكى قافل اتصلت بيه وقالى صوتها العالى ده عادى ياترى اعمل ايه
وشكرا لكل من يقوم بالرد
اولا نمسك المشكلة واحدة واحدة
سحبها بطىء شوية احتمال يكون طقم الدبرياج يكون فيه مشكلة واحتمال تانى طقم البوجيهات وبعدين بتقول بتغلبك فى الدوارة الصبح يبقي كده البوجيهات بنسبة 100% وبتقول كنت بتسند لها سنة بنزين وده كان بسبب الاتشوك مش شغال السؤال بقى هو غير البوجيهات قبل تنظيف الكربراتير ولا بعدها لو غيرها قبلها يبقي اكنه معملش حاجة لسبب ان بعد تنظيف الكربراتير اى ترسبات هتنزل على البوجيهات وهتغلبك برده فى الدوارة

بص علشان مطولش عليك هو من الاخر لعب فى ظبطة الهوا والبنزين هتعمل ايه هتجيب طقم بوجيهات ngk وتروح لميكانيكي بيفهم يغير لك البوجيهات ويظبطلك الهوا والبنزين وكمان يظبطلك السلانسيه

سؤال صوت الموتور على السلانسيه عالى ولا واطى والار بى ام على كام؟؟؟؟؟؟؟؟؟